Home /News /lifestyle /

Fruit Sandwich Recipe: દિવસની શરૂઆત કરો ફ્રુટ સેન્ડવીચથી, તમને મળશે સંપૂર્ણ પોષણ 

Fruit Sandwich Recipe: દિવસની શરૂઆત કરો ફ્રુટ સેન્ડવીચથી, તમને મળશે સંપૂર્ણ પોષણ 

દિવસની શરૂઆત કરો ફ્રુટ સેન્ડવીચથી, તમને મળશે સંપૂર્ણ પોષણ 

Fruit Sandwich Recipe: સવારના નાસ્તામાં સેન્ડવીચ બનાવવી સામાન્ય વાત છે. બાળકો અને ઘરના મોટા લોકોને સેન્ડવીચ ખૂબ ગમે છે. પરંતુ જો સ્વાસ્થ્યની કાળજી લેવાની વાત હોય તો ફ્રુટ સેન્ડવીચ (Fruit sandwich) સ્વાદની સાથે શરીરને પોષણ આપવાનું પણ કામ કરશે.

વધુ જુઓ ...
    Fruit Sandwich Recipe: સવારનો નાસ્તો (Breakfast) દરેક માટે ખૂબ જ મહત્વપૂર્ણ છે. કહેવાય છે કે જો સવારનો નાસ્તો પૌષ્ટિક હોય તો તેની અસર દિવસભર જોવા મળે છે. આપણાં ઘણાં ઘરોમાં સવારના નાસ્તામાં સેન્ડવીચ બનાવવામાં આવે છે, પરંતુ કેટલીકવાર સેન્ડવીચ સ્વાસ્થ્યને ફાયદો થવાને બદલે નુકસાન પહોંચાડે છે. આવી સ્થિતિમાં આજે અમે તમને પોષક તત્વોથી ભરપૂર ફ્રુટ સેન્ડવિચ બનાવવાની રીત જણાવી રહ્યા છીએ. આ સેન્ડવીચના નામ પરથી સ્પષ્ટ છે કે તેને બનાવવા માટે ફળોનો ઉપયોગ કરવામાં આવે છે.તેને ખાવાથી આખો દિવસ શરીરમાં એનર્જી બની રહે છે. ફ્રૂટ સેન્ડવિચ ઘરના વડીલો તેમજ બાળકોના સ્વાસ્થ્ય માટે એક પરફેક્ટ ફૂડ રેસિપી છે.

    ફ્રુટ સેન્ડવીચ માટેની સામગ્રી


    બ્રેડ સ્લાઈસ - 5
    સમારેલી કેરી - 1
    સફરજન સમારેલ - 1
    દ્રાક્ષ - 8-10
    ક્રીમ - 1 ચમચી
    જામ - 1 ચમચી (3-4 જાતો લઈ શકાય છે)
    વોલનટ પાવડર

    ફ્રુટ સેન્ડવીચ કેવી રીતે બનાવવી


    પોષક તત્ત્વોથી ભરપૂર ફ્રૂટ સેન્ડવીચ બનાવવા માટે, સૌપ્રથમ બ્રેડની સ્લાઈસ લો અને તેની બધી કિનારી કાપી લો. હવે ચાર પ્રકારના જામ લો અને તેને અલગ-અલગ બાઉલમાં રાખો.

    આ પણ વાંચો: Mango Season: શું ડાયાબિટીસના દર્દીઓ કેરી ખાઈ શકે? જાણો કેટલા પ્રમાણમાં ખાવી હિતાવહ

    હવે બ્રેડ સ્લાઈસ લો અને તેની ચારે બાજુ ક્રીમ લગાવો. હવે 4 બ્રેડ સ્લાઈસ લો અને તેના પર વિવિધ પ્રકારના જામ લગાવો. હવે કેરી અને સફરજનના ટુકડા કરી લો. હવે બધા ફળો લો અને દરેક જામેલી બ્રેડ પર જુદા જુદા ફળોના ટુકડા મૂકો.

    આ પણ વાંચો: Kitchen Tips: ઘરે વધેલી રોટલીને નાખી દેતા પહેલા જાણી લો તેનો ઉપયોગ, દરેક જાણ પૂછશે રેસીપી

    હવે ફળવાળી બ્રેડ લો અને તેની ઉપર બીજા બે જામ અને ફળોથી ભરેલી બ્રેડ મૂકો. બ્રેડ સ્લાઈસને એકની ઉપર બીજી બાજુ રાખતી વખતે ક્રીમ બ્રેડને વચ્ચે રાખો. આ પછી, ફળ વિનાની બ્રેડની સ્લાઈસને સૌથી ઉપર રાખો. હવે એક એલ્યુમિનિયમ ફોઈલ લો અને તેમાં ફ્રુટ સેન્ડવીચ લપેટી લો.  આ પછી સેન્ડવિચને અડધા કલાક માટે ફ્રીજમાં રાખો. નિર્ધારિત સમય પછી ફ્રિજમાંથી ફ્રુટ સેન્ડવીચ કાઢીને વચ્ચેથી કાપીને નાસ્તામાં સર્વ કરો.
    Published by:Rahul Vegda
    First published:

    Tags: ખોરાક

    આગામી સમાચાર