લસણ-ડુંગળી વગર નવરાત્રિમાં બનાવો આ ટેસ્ટી શાક: સરળ રેસિપી નોંધી લો, ખાવાની મજા આવશે

Aloo tamatar sabji: હાલમાં ચૈત્રી નવરાત્રિ શરૂ છે ત્યાં અનેક લોકો ઉપવાસ કરી રહ્યા છે. આ દિવસોમાં અનેક ઘરોમાં લસણ-ડુંગળી વગરની વાનગીઓ બનતી હોય છે. આ શુભ દિવસોમાં ધાર્મિક માન્યતાઓ અનુસાર લસણ-ડુંગળી ખાવુ જોઇએ નહીં. આ સમયમાં અનેક લોકો કન્ફ્યૂઝ હોય છે કે શું રસોઇ બનાવવી..આમ તમને પણ આ પ્રશ્ન થાય છે તો આ રેસિપી તમારા માટે બેસ્ટ છે. તો જાણો ઘરે કેવી રીતે લસણ-ડુંગળી વગર બટાકા ટામેટાનું શાક બનાવશો.

સામગ્રી

એક નાની ચમચી હળદર

એક નાની ચમચી ધાણાજીરું

આ પણ વાંચો:વધેલા બાફેલા બટાકામાંથી બનાવો આ સ્પાઇસી રેસિપી

એક નાની ચમચી લાલ મરચુ

સ્વાદાનુંસાર મીઠું

એક નાની ચમચી ગરમ મસાલો

300 ગ્રામ બટાકા

200 ગ્રામ ટામેટા

ઝીણી સમારેલી કોથમીર

2 થી 3 લીલા મરચા

એક ચમચી તેલ

ચપટી હિંગ

અડધી ચમચી જીરું

એક નાનો ટુકડો આદુ

બનાવવાની રીત

• લસણ-ડુંગળી વગરનું બટાકાનું શાક બનાવવા માટે સૌ પ્રથમ બટાકા લો અને એને કુકરમાં બાફી લો.


• બટાકા બફાઇ જાય એટલે એક પ્લેટમાં લઇ લો.

આ પણ વાંચો:આ રીતે ઘરે બનાવો સાબુદાણાના બોલ્સ

• 
  
  
  
  • પછી બટાકા થોડા ઠંડા થાય એટલે છાલ કાઢી લો.
  
  
  • હવે ટામેટા, લીલા મરચા અને આદુને મિક્સરમાં પીસી લો.
  
  
  • કઢાઇમાં તેલ મુકીને ગરમ કરવા માટે મુકો.
  
  
  • તેલ ગરમ થઇ જાય એટલે એમાં જીરુ અને હિંગ નાખો.
  
  
  • આ થઇ જાય પછી હળદર અને ધાણાજીરું નાખો.
  
  
  • મસાલાને ચમચાની મદદથી હલાવી દો.
  
  
  • મસાલા થઇ જાય એટલે તૈયાર કરેલા ટામેટા, લીલા મરચા અને આદુની પેસ્ટ નાખો.
  
  
  • આ પેસ્ટને એક મિનિટ માટે ઢાંકી દો.
  
  
  • નક્કી કરેલા સમય પછી બટાકાને હાથથી થોડા મેશ કરી લો. ધ્યાન રાખો કે વઘારે બટાકા મેશ કરવાના નથી.
  
  
  • આ બધી જ વસ્તુઓને બરાબર મિક્સ કરી લો.
  
  
  • તો તૈયાર છે લસણ ડુંગળી વગરનું બટાકા ટામેટાનું શાક.
  
  
  
  

• આ શાક ખાવાની બહુ જ મજા આવે છે.


• તમે ફરાળી રોટલી કે ભાખરી ખાઓ છો તો આ શાક બનાવો. ખાવાની બહુ મજા આવશે. શાકમાં તમને રસો વઘારે જોઇએ છે તો તમે વધારે થોડુ પાણી નાખીને રસો કરી શકો છો.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Farali recipe, Life Style News, Potato Recipes, Recipes