સ્પેશિયલ ફરાળી ઢોંસા અને ફરાળી સાંભારની રેસીપિ

મોરૈયો 3 વાટકી
સાબુદાણા 1 વાટકી
મીઠુ પ્રમાણસર
સાજીનાફૂલ એકચપટી

પૂરણ માટે :

બટાકા 500 ગ્રામ
કોબિજ 300 ગ્રામ
સિંગદાણા 50 ગ્રામ
આદુ - મરચાંની પેસ્ટ એકચમચો
મીઠુ પ્રમાણસર
હળદર અડધી ચમચી
તેલ વધાર માટે
મીઠા લીમડાંના પાન
ટામેટું એક નંગ
લીંબુ અડધું
ખાંડ એકચમચી

સાંભાર માટે :

રાજગરાનોલોટ એક ચમચો
દહીં 200 ગ્રામ
આદુ મરચાંની પેસ્ટ એકચમચી
લવિંગ 3 નંગ
મીઠુ પ્રમાણસર
હળદર અડધી ચમચી
ખાંડ ચાર ચમચી
મીઠાલીમડાનાં પાન 8 /10

રીત :-

મોરૈયો તેમજ સાબુદાણાને અલગ અલગ વાસણમાં 5 - 6 કલાક પલાળી પછી મિક્સરમાં પીસીને તેનું ખીરું તૈયાર કરી તેમાં મીઠુ તેમજ સાજીના ફૂલ નાંખવા તેના પુડલા બનાવવા.

બટાકા બાફી, છોલી જીણા સમારવા કોબિજને ધોઈને છીણી રાખવી. સિગદાણા અધકચરા વાટી રાખવા

તાંસળામાં તેલ ગરમ થાય એટલે જીરાનો વઘાર કરી તેમાં હળદર ,લીમડાનાં પાન, આદુ-મરચાંની પેસ્ટ, સિગદાણાનો ભૂકો તેમજ કોબિજનું છીણ નાંખી થોડીવાર સાંતળવું .ત્યારબાદ તેમાં જીણા સમારેલા બટાકા તેમજ મીઠુ, લીંબુ, ખાંડ નાંખી હલાવીને ગેસ પરથી ઉતારી લેવું.ખીરા માંથી તૈયાર થયેલા ઢોંસાના પુડલામા આ પૂરણ પૂરવું.

સાંભાર માટે :

દહીંમાં રાજગરાનો લોટ નાંખી બ્લેન્ડરથી મીક્ષ કરવું. તપેલીમાં તેલ ગરમ મૂકી લવિંગ, જીરાનો વઘાર કરી, લીમડાનાં પાન, આદુ- મરચાંની પેસ્ટ તેમજ હળદર નાંખી કઢી વઘારવી. તેમાં મીઠું તેમજ ખાંડ નાંખી પાંચ મિનિટ સુધી કઢી ઉકાળી લેવી.

પેટની ચરબી દૂર કરે છે ગિલોયનો રસ, ચરબી વધારતા આ 4 કારણોથી અપાવશે મુક્તિ