Home /News /lifestyle /

Ways to reduce electricity bill : ઉનાળો શરૂ થતા જ મસમોટા વીજ બિલો આવવા લાગ્યા? આ રીતે બચાવો હજારો રૂપિયા

Ways to reduce electricity bill : ઉનાળો શરૂ થતા જ મસમોટા વીજ બિલો આવવા લાગ્યા? આ રીતે બચાવો હજારો રૂપિયા

follow this tips to reduce your electricity bill

ઉનાળાના આગમનની સાથે જ ઘરોમાં વીજળીનું બિલ પણ ઝડપથી વધવા લાગે છે. પંખા, એસી, કુલર અને ફ્રીજ સતત ચાલવાને કારણે આવું થાય છે. પરંતુ કેટલાક એવા ઉપાય છે જેના ઉપયોગથી તમે વીજળીના બિલમાં થોડો ઘટાડો કરી શકો છો.

    જેમ જેમ તાપમાનનો પારો વધી રહ્યો છે તેમ તેમ તમારું વીજળીનું બિલ પણ એ જ ઝડપે વધી રહ્યું છે. નજીકના ભવિષ્યમાં ગરમીમાં કોઈ ઘટાડો થાય તેવા સંકેત દેખાતા નથી. લોકો AC અને કૂલરની મદદથી ગરમીથી પોતાને બચાવી રહ્યા છે. પરંતુ એસી, પંખા અને કુલર સતત ચાલવાને કારણે વીજળીનું બિલ પણ ઘણું વધી ગયું છે અને તેમના માસિક આયોજન પર અસર પડી રહી છે.

    આવી સ્થિતિમાં, શું કોઈ એવો રસ્તો છે કે જેના દ્વારા વીજળી બિલને થોડું નિયંત્રિત કરી શકાય? તમે તમારા વીજળીના બિલને અમુક રીતે ઘટાડી શકો છો. આજે અમે તમને આવા જ કેટલાક ઉપાયો વિશે જણાવવા જઈ રહ્યા છીએ.

    તમારા ઘરની લાઇટ બદલો


    જો તમારા ઘરમાં હજુ પણ સામાન્ય લાઇટ હોય, તો તેને બદલો અને તેના બદલે LED બલ્બ અથવા ટ્યુબ લાઇટનો ઉપયોગ કરો. આ તમારા લાઇટિંગ ઊર્જા વપરાશને 90 ટકા સુધી ઘટાડશે. આ સાથે, તમને લાંબા ગાળે વીજળીના બિલમાં ફાયદો પણ જોવા મળશે.

    આ પણ વાંચો -શું તમારા પેટ પર પણ જામી ગયા છે ચરબીના થર? તો આ કારણો હોઇ શકે છે જવાબદાર

    સોલાર પેનલ લગાવડાવો


    જો તમારું વીજળીનું બિલ ગરમી સાથે વધી ગયું છે અને જો તમે એવી જગ્યાએ રહો છો જ્યાં પૂરતો સૂર્યપ્રકાશ હોય. તમે તમારી છત પર અથવા ઘરની સામેની ખાલી જગ્યા પર સોલર પેનલ લગાવીને તમારું પોતાનું પાવરહાઉસ બનાવી શકો છો. તમે સૌર ઉર્જામાંથી બનેલી વીજળીને ઇલેક્ટ્રિક ગ્રીડ સાથે જોડીને તેનો ઉપયોગ કરી શકો છો.

    દિવાલોનો રંગ


    તમારે દિવાલોનો રંગ હળવો રાખવો જોઈએ, જે વધુ કુદરતી પ્રકાશ ફેલાવે છે અને કૃત્રિમ પ્રકાશની જરૂરિયાત ઘટાડે છે. તેનાથી તમારા ઘરમાં સૂર્યપ્રકાશ વધુ સારી રીતે ફેલાશે અને તમને દિવસ દરમિયાન ઓછા પ્રકાશની જરૂર પડશે.

    આ પણ વાંચો -ચહેરા પર બ્લીચ કર્યા પછી જો થતા હોય બળતરા, તો આ 5 ઘરગથ્થુ ઉપચારથી મેળવો રાહત

    ઊર્જા કાર્યક્ષમ ઉપકરણનો ઉપયોગ કરો


    લાઇટ બલ્બની જેમ, અન્ય ઇલેક્ટ્રિકલ ઉપકરણો ખરીદતા પહેલા ઊર્જા કાર્યક્ષમતા તપાસો. તમારે હંમેશા 5 સ્ટાર ઉપકરણો જ લેવાનો પ્રયત્ન કરવો જોઈએ. આના પરિણામે તમારા વીજળીના બિલમાં નોંધપાત્ર ઘટાડો થઈ શકે છે.

    એપ્લાયન્સ કેર


    AC ને સમયાંતરે સર્વિસ કરાવતા રહો, તેનાથી તેની ઉર્જા કાર્યક્ષમતા વધે છે. ફ્રીજને પણ ડિફ્રોસ્ટ કરો. કારણ કે તેમાં બરફ જામી જવાથી ફ્રીજની ઠંડક શક્તિ ઘટી જાય છે, જ્યારે વીજળીનો વપરાશ વધે છે.
    Published by:Bhavyata Gadkari
    First published:

    Tags: Electricity bill

    આગામી સમાચાર