Home /News /lifestyle /

Yogurt For High BP: દરરોજ દહીંનું સેવન કરવાથી હાઈ બ્લડ પ્રેશર રહે છે કન્ટ્રોલમાં, વિશ્વભરમાં એક અબજથી વધુ દર્દીઓ

Yogurt For High BP: દરરોજ દહીંનું સેવન કરવાથી હાઈ બ્લડ પ્રેશર રહે છે કન્ટ્રોલમાં, વિશ્વભરમાં એક અબજથી વધુ દર્દીઓ

દહીંને આહારમાં સામેલ કરવામાં આવે તો તે હાઈ બ્લડ પ્રેશરને નિયંત્રિત કરવામાં મદદ કરી શકે છે. (Image credit- Shutterstock)

Curd/Yogurt For High BP: એક નવા અભ્યાસમાં દાવો કરવામાં આવ્યો છે કે જો દરરોજ યોગર્ટ (Yogurt) એટલે કે દહીંને આહારમાં સામેલ કરવામાં આવે તો તે હાઈ બ્લડ પ્રેશર (high BP)ને નિયંત્રિત કરવામાં મદદ કરી શકે છે.

    Eat Curd/Yogurt To Control High Blood Pressure: આજની તણાવ ભરેલી લાઈફસ્ટાઈલમાં હાઈ બ્લડ પ્રેશર (High Blood Pressure) એક સામાન્ય સમસ્યા બની ગઈ છે. જો આપણે ભારતની જ વાત કરીએ તો વર્ષ 2020માં લગભગ 15 ટકા લોકોને હાઈ બીપી (High BP) હોવાની જાણ થઈ હતી. એક રિપોર્ટ અનુસાર છેલ્લા 4 વર્ષમાં હાઈ બીપીના દર્દીઓમાં સતત વધારો થયો છે. આ દરમિયાન લગભગ 35 ટકા લોકોએ જણાવ્યું કે આ બીમારી તેમના પરિવારમાં ચાલતી આવી છે. હવે એક નવા અભ્યાસમાં દાવો કરવામાં આવ્યો છે કે જો દરરોજ યોગર્ટ (Yogurt) એટલે કે દહીંને આહારમાં સામેલ કરવામાં આવે તો તે હાઈ બ્લડ પ્રેશરને નિયંત્રિત કરવામાં મદદ કરી શકે છે.

    આ અભ્યાસ યુનિવર્સિટી ઓફ સાઉથ ઓસ્ટ્રેલિયા (University of South Australia) અને અમેરિકાની યુનિવર્સિટી ઓફ મેઇન (University of Maine)ના વૈજ્ઞાનિકો દ્વારા સંયુક્ત રીતે કરવામાં આવ્યો છે. આમાં બ્લડ પ્રેશર અને હાર્ટ રિસ્ક ફેક્ટર્સ પર દહીંના સેવનની અસરની તપાસવામાં આવી, જેમાં સંશોધકોએ શોધી કાઢ્યું છે કે દહીંનું દૈનિક સેવન હાઈ બીપી ધરાવતા લોકોમાં બીપી ઘટાડવામાં મદદરૂપ છે. આ અભ્યાસના પરિણામો 'ઈન્ટરનેશનલ ડેરી જર્નલ' (International Dairy Journal)માં પ્રકાશિત કરવામાં આવ્યા છે.

    સંશોધકોના મતે, વિશ્વભરમાં એક અબજથી વધુ લોકો હાઈ બ્લડ પ્રેશરથી પીડાય છે, જેથી તેમને હૃદય સંબંધિત સમસ્યાઓ, જેમ કે સીવીડી (Cardiovascular disease), હાર્ટ એટેક અને સ્ટ્રોકનું જોખમ વધારે હોય છે. CVD વિશ્વભરમાં મૃત્યુનું મુખ્ય કારણ છે. આ કારણે અમેરિકામાં દર 36 સેકન્ડે એક વ્યક્તિ સીવીડીથી મૃત્યુ પામે છે. ઓસ્ટ્રેલિયામાં તે દર 12 મિનિટે થાય છે.

    નિષ્ણાતો શું કહે છે?

    સંશોધક ડૉ. એલેક્ઝાન્ડ્રા વેડે જણાવ્યું હતું કે, 'આ અભ્યાસ પરથી નવા પુરાવા મળ્યા છે કે દહીં હાઈ બીપી ધરાવતા લોકોમાં બીપી નિયંત્રણ માટે મદદરૂપ સાબિત થઈ શકે છે. હાઈ બીપી એ કાર્ડિયોવેસ્ક્યુલર ડીસીઝ માટે સૌથી મહત્વપૂર્ણ રિસ્ક ફેક્ટર છે, તેથી તે મહત્વનું છે કે આપણે તેને ઘટાડવા અને નિયંત્રિત કરવાની રીતો શોધીએ.

    આ પણ વાંચો: Benefits of Drinking Warm Water: વેઈટ લોસથી બ્લડ સર્ક્યુલેશન સુધી, શિયાળામાં ગરમ પાણી પીવાના આ 6 ફાયદા જાણી લો

    તેમણે ઉમેર્યું કે, ‘ડેરી ફૂડ, ખાસ કરીને દહીં (દહીં) બીપી ઘટાડવામાં સક્ષમ હોઈ શકે છે. આ એટલા માટે છે કારણ કે ડેરી ફૂડ ઉત્પાદનોમાં કેલ્શિયમ, મેગ્નેશિયમ અને પોટેશિયમ સહિત ઘણા સૂક્ષ્મ પોષકતત્ત્વો (micronutrients) હોય છે, જે બીપીને નિયંત્રિત કરવામાં મદદરૂપ થઈ શકે છે. તેમણે કહ્યું કે દહીં વધુ અસરકારક છે કારણ કે તેમાં બેક્ટેરિયા પણ હોય છે, જે બ્લડ પ્રેશર ઘટાડે છે.

    આ પણ વાંચો: Facewash Side Effect: શું તમને વારંવાર ચહેરો ધોવાની આદત છે? તો જાણી લો તેના ગેરફાયદા

    અભ્યાસ કેવી રીતે થયો?

    સંશોધકોએ આ અભ્યાસમાં 915 લોકોને સામેલ કર્યા હતા. અભ્યાસમાં બહાર આવ્યું છે કે જે લોકો નિયમિતપણે દહીંનું સેવન કરે છે, તેમનું બ્લડ પ્રેશર દહીં ન ખાનારા લોકો કરતાં લગભગ 7 પોઈન્ટ ઓછું હતું. સંશોધકોએ જણાવ્યું હતું કે રિસ્ક ફેક્ટર્સ ધરાવતા લોકો પર દહીંના સંભવિત ફાયદાઓની તપાસ કરવા ભવિષ્યમાં વધુ અભ્યાસની જરૂર છે.
    Published by:Nirali Dave
    First published:

    Tags: Blood pressure, Curd, Healthy Food, Life Style News, Yogurt

    આગામી સમાચાર

    विज्ञापन
    विज्ञापन
    विज्ञापन