Diwali 2021 : દિવાળીમાં ગર્ભવતી મહિલાઓએ રાખવી જોઈએ આ તકેદારી, નહિ તો...

દિવાળીમાં ફટાકડાના પ્રદુષણથી બચવા માટે ગર્ભવતી મહિલાઓએ ખાસ ધ્યાન રાખવું જોઈએ.

Diwali 2021: દિવાળી પર ફટાકડામાંથી નીકળતો ધુમાડો (Smoke) માતા અને બાળક બંને માટે હાનિકારક (Harmful) હોઈ શકે છે. આવી સ્થિતિમાં મહિલાએ ખૂબ જ સાવધાન રહેવાની જરૂર છે.

  • Share this:
    Diwali 2021: દિવાળીના (Diwali) તહેવારને પ્રકાશનો તહેવાર કહેવામાં આવે છે. આ પ્રસંગે પૂજા-અર્ચના ઉપરાંત ફટાકડા ફોડીને ખુશી મનાવવામાં આવે છે. લોકો એકબીજાને મળે છે. બધી વાનગીઓ અને મીઠાઈઓ તૈયાર કરે છે. પરંતુ આ આનંદના અવસર પર ફટાકડાના કારણે ઘણું પ્રદૂષણ (Pollution) થાય છે, આવી સ્થિતિમાં નિષ્ણાતો ઘણા લોકોને સાવચેત રહેવાની સલાહ આપે છે, જેથી તેઓને નુકસાનથી બચાવી શકાય.

    ગર્ભવતી સ્ત્રીઓને ( pregnant women) આ દરમિયાન વિવિધ સાવચેતી રાખવાનું પણ કહેવામાં આવે છે કારણ કે, પ્રદૂષણનો ધુમાડો માતા અને બાળક બંને માટે ખૂબ જ નુકસાનકારક માનવામાં આવે છે. આ સિવાય ગર્ભવતી મહિલાઓને ઘણી સાવચેતી રાખવાની સૂચના આપવામાં આવે છે. અહીં જાણો દિવાળીની વચ્ચે ગર્ભવતી મહિલાઓએ કેવી રીતે પોતાની સંભાળ રાખવી જોઈએ.

    ફટાકડાના પ્રદુષણ સામે રક્ષમ જરૂરી

    નિષ્ણાતો માને છે કે, ફટાકડા ફોડતી વખતે, જ્યારે વાતાવરણમાં હાજર હાનિકારક ગેસ શ્વાસ દ્વારા ગર્ભવતી મહિલાના શરીરમાં પ્રવેશ કરે છે, ત્યારે ઘણી વખત બાળકને પૂરતો ઓક્સિજન મળતો નથી. આ સ્થિતિ ગર્ભ માટે જોખમી બની શકે છે. આ સિવાય જો મહિલાને એલર્જી હોય, અસ્થમા કે અન્ય કોઈ શ્વાસ સંબંધી બિમારી હોય તો તેના માટે સમસ્યા થઈ શકે છે. આવી સ્થિતિમાં, મહિલાઓ ઘરની અંદર રહીને તહેવારની ઉજવણી કરે તે વધુ સારું છે. જો બહાર જવાની જરૂર હોય તો માસ્કનો ઉપયોગ કરો. અસ્થમાથી પીડિત મહિલાઓએ પોતાની સાથે ઇન્હેલર રાખવું જોઈએ.

    આ પણ વાંચો: મધ અને લવિંગનો એક સાથે આવી રીતે કરો ઉપયોગ, ગંભીર સમસ્યાઓ સામે આપશે રક્ષણ

    આહાર લેવામાં આપો ખ્યાસ ધ્યાન

    કામ કરવાના ચક્કરમાં મહિલાઓ પોતાનું ધ્યાન રાખવાનું ભૂલી જાય છે. પરંતુ ગર્ભાવસ્થાના સમયે આ બેદરકારી ભારે પડી શકે છે. તેથી, પૌષ્ટિક વસ્તુઓ જેમ કે ફળો, જ્યુસ, નારિયેળ પાણી, સલાડ, ડ્રાય ફ્રૂટ્સ વગેરે દર 2 કલાકના અંતરે લેતા રહો અને દર એક કલાકે પાણી પીતા રહો.

    સ્વિટ વસ્તુઓનો કરો ત્યાગ

    દિવાળીના તહેવાર પર ઘણી બધી વાનગીઓ બનાવવામાં આવે છે. મોટાભાગની વસ્તુઓ ભારે હોય છે. આવી સ્થિતિમાં, વધુ પડતી મીઠાઈઓ ન ખાવાનું ધ્યાન રાખો કારણ કે ગર્ભાવસ્થા દરમિયાન સ્ત્રીઓને સગર્ભાવસ્થા ડાયાબિટીસનું જોખમ વધી જાય છે, જે તેમના માટે જટિલતાઓનું કારણ બની શકે છે. આવી સ્થિતિમાં મીઠી વસ્તુઓ મર્યાદિત માત્રામાં ખાઓ. આ સિવાય વધુ પડતો રિચ અને મસાલેદાર ખોરાક તમારા માટે ગેસ, એસિડિટી વગેરે જેવી સમસ્યાઓ પણ વધારી શકે છે. તેથી તેમને સંયમિત રીતે ખાઓ. જો શક્ય હોય તો, તેને સંપૂર્ણપણે ટાળો.

    આ પણ વાંચો: Winter Tips: શિયાળામાં ગરમ પાણીથી સ્નાન કરવાથી થશે નુકશાન, આ 10 ભૂલો કરવાથી બચવું

    વજનદાર વસ્તુ ન ઉચકવી

    કામ દરમિયાન ભારે વસ્તુઓ ઉપાડવાની ભૂલ ક્યારેય ન કરો. નિષ્ણાતો ગર્ભાવસ્થા દરમિયાન ભારે વસ્તુઓ ઉપાડવાની મનાઈ કરે છે. આ સમસ્યાને વધારી શકે છે.
    Published by:kuldipsinh barot
    First published: