Home /News /lifestyle /Diabetes Tips: શું ચોખા ખાવાથી ડાયાબિટીસ થાય છે? જાણો શું કહે છે ડોક્ટર

Diabetes Tips: શું ચોખા ખાવાથી ડાયાબિટીસ થાય છે? જાણો શું કહે છે ડોક્ટર

ચોખા ખાવાથી ડાયાબિટીસ થાય છે?

Rice and diabetes patients: ઘણીવાર મનમાં એવી માન્યતા બને છે કે, ભાત ખાવાથી બ્લડ શુગર વધવા લાગે છે. બજારમાં આવી જાહેરાતો પણ આવે છે કે આવા અને તેવા ભાત ખાવાથી બ્લડ સુગર વધશે નહીં. આવી સ્થિતિમાં, લોકો વધુ મૂંઝવણમાં મૂકાય જાય છે. તો શું ડાયાબિટીસના દર્દીઓએ ખરેખર ભાત ન ખાવા જોઈએ? જાણો સત્ય શું છે...

વધુ જુઓ ...
    Rice and diabetes patients: વિશ્વભરમાં 422 મિલિયન લોકો ડાયાબિટીસથી પીડિત છે. ભારતમાં પણ ડાયાબિટીસના દર્દીઓની સંખ્યા નોંધપાત્ર જોવા મળી રહી છે. જણાવી દઈએ કે, જ્યારે લોહીમાં ગ્લુકોઝનું પ્રમાણ વધવા લાગે છે, ત્યારે ડાયાબિટીસનો રોગ થાય છે. ખાંડ શરીરમાં પહોંચીને કાર્બોહાઇડ્રેટ્સમાં પરિવર્તિત થાય છે અને કાર્બોહાઇડ્રેટ ગ્લુકોઝમાં બદલીને લોહી સુધી પહોંચે છે, જ્યાંથી તે શરીરના તમામ કોષોમાં પરિવહન થાય છે. મોટાભાગના કોષો ગ્લુકોઝને ઊર્જામાં રૂપાંતરિત કરે છે જ્યારે યકૃત, સ્નાયુ વગેરેના કોષો ગ્લાયકોજનમાં રૂપાંતરિત કરીને ગ્લુકોઝનો સંગ્રહ કરે છે. આ ગ્લાયકોજેન શરીરમાં બળતણ તરીકે વપરાય છે.

     આ પણ વાંચો: કાચી લસણની કળી સાથે આ પાણી પીવાથી કોલેસ્ટ્રોલ રહે છે કંટ્રોલમાં, જાણો બીજા ફાયદાઓ

    સમસ્યા ત્યારે થાય છે, જ્યારે ખોરાકમાંથી વધુ પડતા કાર્બોહાઇડ્રેટ શરીરમાં જવા લાગે છે. આ માટે, ઇન્સ્યુલિન નામનું હોર્મોન સ્વાદુપિંડમાં સક્રિય બને છે અને ગ્લુકોઝની વધારાની માત્રાને શોષવાનું શરૂ કરે છે. જો કોઈ કારણસર ઈન્સ્યુલિનમાં ઘટાડો થાય તો લોહીમાં ગ્લુકોઝ જમા થવા લાગે છે અને ડાયાબિટીસનો રોગ થાય છે. આ જ કારણ છે કે, ડાયાબિટીસથી પીડિત લોકોએ ખાંડવાળી વસ્તુઓ ટાળવી જોઈએ. કાર્બોહાઇડ્રેટ પણ ચોખામાં જોવા મળે છે. તો શું ડાયાબિટીસના દર્દીઓએ ભાત ન ખાવા જોઈએ? આ પ્રશ્ન મોટાભાગના લોકોના મનમાં રહે છે.

    શું ચોખા ખરેખર નુકસાન કરે છે?

    મેક્સ હેલ્થકેર સાકેત, દિલ્હીના ક્લિનિકલ ન્યુટ્રિશન વિભાગના ડેપ્યુટી હેડ ડો. રસિકા માથુરે જણાવ્યું હતું કે, લોકોને વારંવાર આ પ્રશ્ન થાય છે. કેટલાક લોકો ડાયાબિટીસમાં ભાત ખાવાનું છોડી દે છે, પરંતુ દાવા પ્રમાણે તેનાથી વધુ નુકસાન થતું નથી. આવા ઘણા અભ્યાસો થયા છે, જેના આધારે એવું કહી શકાય કે, ડાયાબિટીસના દર્દીઓ મર્યાદિત માત્રામાં ચોખા ખાય તો તેમને નુકસાન થશે નહીં. ડો રસિકા માથુરે કહ્યું હતું કે, “ચોખામાં કાર્બોહાઈડ્રેટ્સનું પ્રમાણ વધુ હોય છે અને તેનો GI સ્કોર થોડો વધારે હોય છે. આમ છતાં જો તેને ખાવાની રીત યોગ્ય હોય તો કોઈ નુકસાન નહીં થાય. તેમણે કહ્યું કે, શુગરના દર્દીઓ માટે ખાવાનો સમય હોવો જોઈએ. તેઓ લાંબા સમય સુધી ભૂખ્યા ન રહેવું જોઈએ. ભૂખ્યા રહ્યા બાદમાં સીધા ભાત ન ખાવા જોઈએ. જો તમને ડાયાબિટીસ હોય તો તમે દિવસમાં એકવાર ભાત ખાઈ શકો છો. પરંતુ જ્યારે તમે ભાત ખાતા હોવ ત્યારે રોટલી ન ખાવી જોઈએ. જો ચોખામાંથી સ્ટાર્ચ કાઢી નાખવામાં આવે તો તે ડાયાબિટીસના દર્દીઓ માટે સારું થઈ જાય છે. ચોખામાં અન્ય ઘણા પોષક તત્વો હોય છે જે શરીર માટે ફાયદાકારક હોય છે. દક્ષિણના લોકો ચોખાનું ખૂબ સેવન કરે છે. જો ચોખાને કારણે આટલું નુકસાન થયું હોત તો તેમનામાં ડાયાબિટીસનું જોખમ સૌથી વધુ હોત, પરંતુ એવું નથી.

    બ્રાઉન રાઇસ અથવા વ્હાઇટ રાઇસ:

    સામાન્ય રીતે લોકો એવું પણ માને છે કે, બ્રાઉન રાઈસ ડાયાબિટીસના દર્દીઓ માટે સારા છે જ્યારે સફેદ ચોખા નુકસાનકારક છે. માર્કેટમાં કેટલીક એવી એડ છે જેમાં દાવો કરવામાં આવે છે કે, આ ભાત ખાવાથી બ્લડ શુગર નહીં વધે. જોકે, નિષ્ણાતો આવી બાબતોને બિનજરૂરી ગણાવે છે. ડો.રસિકા માથુરે જણાવ્યું કે, શુગરના દર્દીઓએ બ્રાઉન રાઈસ ખાવું જોઈએ અને સફેદ ચોખા ન ખાવા જોઈએ એવું કંઈ નથી. તે કોઈપણ ભાત ખાઈ શકે છે, પરંતુ જો તમે તેમાંથી સ્ટાર્ચ કાઢી લો, તો કોઈ નુકસાન થશે નહીં. હા, જો તેઓ ભાત ખાય તે દિવસે રોટલી ન ખાય તો સારું રહેશે.



    બાસમતી ચોખા બ્લડ સુગરને નિયંત્રણમાં રાખે છે:

    બાસમતી ચોખાને ભારતમાં શ્રેષ્ઠ ગણવામાં આવે છે, પરંતુ તેને સફેદ ચોખા ગણવામાં આવતા નથી. તેનો ગ્લાયકેમિક ઇન્ડેક્સ 50 થી 58 ની વચ્ચે છે. એટલે કે તેનો GI સ્કોર પણ ઘણો ઓછો છે. નિષ્ણાતો માને છે કે, ડાયાબિટીસના દર્દીઓએ તેમના આહારમાં બાસમતી ચોખાનો સમાવેશ કરવો જ જોઇએ. તે પૌષ્ટિક આહાર છે, પરંતુ તેમાં ખાંડ, ચરબી, સોડિયમ, કોલેસ્ટ્રોલ, પોટેશિયમ વગેરે હોતું નથી. મુઠ્ઠીભર ચોખામાં 1 ગ્રામ ડાયેટરી ફાઈબર હોય છે. આ સિવાય તેમાં 36 ગ્રામ કાર્બોહાઈડ્રેટ અને 3 ગ્રામ પ્રોટીન હોય છે. એક સંશોધન મુજબ ડાયેટરી ફાઈબર ટાઈપ 2 ડાયાબિટીસનું જોખમ ઘટાડે છે. આ સાથે તે પાચનક્રિયાને પણ મજબૂત બનાવે છે.
    Published by:Samrat Bauddh
    First published:

    Tags: Diabetes care, Healthy lifestyle, Heath Tips

    विज्ञापन
    विज्ञापन