રાંધણ છઠ્ઠના દિવસે નાસ્તાં માટેની લેટેસ્ટ Recipe: 'ચીઝી ફૂદીના પૂરી'

ચીઝ ફૂદીના પૂરી બનાવવા માટે જોઈશે

સામગ્રી:

1 કપ ઘઉંનો લોટ
1 કપ મેંદો
1 કપ ફૂદીનાનાં પાન
50 ગ્રામ પ્રોસેસ્ડ ચીઝ
4 ટેબલસ્પૂન તેલ
2 લીલાં મરચાં
અડધી ચમચી અજમો
અડધી ચમચી ખાંડેલાં કાળામરી
સ્વાદ અનુસાર મીઠું
તળવા માટે તેલ

બનાવવાની રીત :

સૌપ્રથમ ફૂદીનાનાં પાન લીલા મરચાની પેસ્ટ બનાવી દો. ત્યારબાદ એક મોટા બાઉલમાં ઘઉંનો લોટ અને મેંદો લો. ત્યારબાદ અંદર ફૂદીના-મરચાની પેસ્ટ નાખો. ત્યારબાદ અંદર તેલ, અજમો, કાળામરીનો પાવડર અને મીઠું એડ કરો. ત્યારબાદ અંદર ચીઝને ખમણીને બધું જ બરાબર મિક્સ કરી લો. ત્યારબાદ નવશેકા પાણીથી કડક લોટ બાંધી દો. લોટ મસળી-મસળીને બાંધવો. ત્યારબાદ લોટને ઢાંકીને 20 મિનિટ સેટ થવા દો.



20 મિનિટ બાદ લોટને થોડો મસળીને નાના-નાના લુવા બનાવી દો. ત્યારબાદ લુવાને ઢાંકીને રાખવા અને એક-એક લુવો બહાર કાઢી નાની-નાની પૂરીઓ વણી લેવી. ત્યારબાદ ફોકથી કાણા પાડવા. બધી જ પૂરીઓ પ્લેટમાં મૂકતા જવું. ત્યારબાદ તળવા માટે તેલ ગરમ કરવા મૂકવું. તેલ ગરમ થઈ જાય એટલે પૂરીને પલટી-પલટીને બન્ને બાજુ ગોલ્ડન બ્રાઉન તળી લો. ત્યારબાદ પ્લેટમાં પેપર નેપ્કિન મૂકી તેલ નીતારી કાઢી લો.

Note:

લોટ થોડો કડક બાંધવો. વધરે પડતો કડક હશે તો, પૂરી વણવામાં તકલીફ પડશે.
પૂરી બહાર કાઢી ઉપર ચાટ મસાલો સ્પ્રિંકલ કરવો. વધારે ટેસ્ટી લાગશે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Kitchen, ખોરાક, રેસીપી