Kitchen tips: ઓછી મહેનતે ફટાફટ તમારું રસોડું થઇ જશે ચોખ્ખું, આ રીતે કરો CLEAN

લાઇફ સ્ટાઇલ ડેસ્ક: કોઇ પણ વર્કિંગ વુમન્સ માટે ઘર, કિચન અને ઓફિસ..એમ આ ત્રણેય વસ્તુઓનું હેન્ડલિંગ કરવું એ અઘરી વાત છે. એમાં પણ ખાસ કરીને જો વાત કરીએ તો ઓફિસથી ઘરે આવ્યા પછી રસોઇ તો તરત બની જાય છે એમાં કંટાળો ઓછો આવે છે પરંતુ એ પછી કિચનને સાફ કરવું એ સૌથી મોટી માથાકૂટનું કામ છે. આખા દિવસના થાકેલા હોઇએ અને એમાં ઘરે આવીને રસોઇ અને પછી કિચન સાફ કરવું એ અઘરું પડે છે. એવામાં આપણે કિચનમાં ઘણી બધી જગ્યાને ક્લિન કરતા નથી અને પછી એ ગંદી થઇ જાય છે. આમ, જ્યારે તમારે રજા હોય અને તમારે ઝડપથી કિચન સાફ કરવું છે તો આ ટિપ્સ તમારા માટે સૌથી બેસ્ટ છે. આ ટિપ્સથી તમારું કિચન ઓછી મહેનતે ચકચકાટ થઇ જશે અને ગંદુ પણ લાગશે નહિં.

સિંક સાફ કરો

સિંકમાં રોજ વાસણો ધોવાને કારણે એમાં ગંદકી જલદી થઇ જાય છે. આ ગંદકીને ફટાફટ દૂર કરવા માટે તમે ખાવાનો સોડા અને પાણી લો. હવે આ બન્ને વસ્તુને બરાબર મિક્સ કરો અને પછી આનાથી સિંકને સાફ કરો. આમ સિંક સાફ કરવાથી ઓછી મહેનતમાં તરત જ ચોખ્ખું થઇ જશે.

આ પણ વાંચો: રોજ સવારે પીવો દૂધી અને ટમેટાનું જ્યુસ

ટાઇલ્સ ક્લિન કરો

રસોડામાં લાગેલી ટાઇલ્સને આપણે રોજ ક્લિન કરતા નથી. આ માટે તમે જ્યારે પણ ફ્રી થાવો ત્યારે એક બોટલમાં સિરકા અને બેકિંગ સોડા નાંખો અને પછી બરાબર મિક્સ કરી લો. ત્યારબાદ થોડું-થોડુ આ મિશ્રણ લઇને બ્રશની મદદથી ટાઇલ્સ સાફ કરો. આમ કરવાથી ટાઇલ્સ એકદમ ક્લિન થઇ જશે અને તમારું રસોડું પણ મસ્ત લાગશે.

આ પણ વાંચો:  હંમેશા બેસીને પાણી પીવાના છે અદ્ભુત ફાયદા

કાચના વાસણો સાફ રાખો

કાચના વાસણોની ચોખ્ખાઇ રાખવી ખૂબ જરૂરી છે. આ માટે તમે કોઇ કાગળ અથવા તો પેપરનો ઉપયોગ કરી શકો છો. કાચના વાસણ સાફ કરવા માટે તમે એક બોટલમાં થોડુ પાણી અને સિરકો મિક્સ કરો. પછી આ સ્પ્રે બોટલમાં ભરી લો અને કાચના વાસણ પર સ્પ્રે કરો. ત્યારબાદ કાગળથી લૂંછી લો. આમ કરવાથી તમારા કાચના વાસણ એકદમ ક્લિન થઇ જશે અને પછી કોઇ મહેમાનને આપશો તો એ ખરાબ પણ લાગશે નહિં. આ માટે કાચના વાસણોની યોગ્ય સમયે સફાઇ કરવી ખૂબ જરૂરી છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Clean, Kitchen, Kitchen tips