વાળમાં ચોંટેલો ડેન્ડ્રફ એકદમ સાફ કરવા કેસ્ટર ઓઇલ બેસ્ટ છે, આ 2 રીતે ઉપયોગ કરો

લાઇફ સ્ટાઇલ ડેસ્ક: શિયાળાની સિઝનમાં વાળમાં ખોડો થવાની સમસ્યા વઘારે રહેતી હોય છે. વાળમાં ખોડો થાય અને તમે પ્રોપર ધ્યાન આપતા નથી તો વાળને અનેક રીતે નુકસાન થાય છે. આ સમસ્યા ઠંડીમાં કોમન હોય છે. વાળમાંથી ખોડો દૂર કરવા માટે અનેક પ્રકારની પ્રોડક્ટ્સ બજારમાં મળતી હોય છે. પરંતુ તમને જણાવી દઇએ આ પ્રકારની પ્રોડક્ટ્સમાં કેમિકલ્સનો ઉપયોગ વઘારે માત્રામાં થાય છે જે લાંબા ગાળે અનેક નુકસાન કરે છે. આ માટે વાળમાંથી ખોડો દૂર કરવા માટે નેચરલ ઘરેલું ઉપાયો બેસ્ટ છે. તો જાણી લો તમે પણ કેસ્ટર ઓઇલની મદદથી વાળમાંથી ખોડો કેવી રીતે દૂર કરશો.

ખોડો દૂર કરવા માટે આ રીતે કેસ્ટર ઓઇલનો ઉપયોગ કરો

પહેલી રીત

• તમે સૌથી પહેલા એક બાઉલમાં અડધી ચમચી કેસ્ટર ઓઇલ, ત્રણ ચમચી એલોવેરા જેલ અને બે થી ત્રણ ટીપાં ટી ટ્રી ઓઇલના નાંખીને આ બધુ સારી રીતે મિક્સ કરી લો.

આ પણ વાંચો:આ કારણે ચહેરા પર કાળા ડાધા પડે છે

• ત્યારબાદ આને સ્કેલ્પ પર લગાવો.


• હવે 45 મિનિટ સુધી વાળમાં રહેવા દો. આ સમયે તમે શાવર કેપ પહેરી લો.


• પછી કોઇ પણ હર્બલ શેમ્પૂથી હેર વોશ કરી લો.


• આ પ્રોસેસ તમારે વીકમાં 3 વાર કરવાની રહેશે.

બીજી રીત

• એક બાઉલમાં બે મોટી ચમચી કેસ્ટર ઓઇલ, એક મોટી ચમચી બદાનું તેલ અને બે થી ત્રણ ડ્રોપ રોજમેરી ઓઇલના લો. આ બધી જ વસ્તુઓને બરાબર મિક્સ કરી લો. ત્યારબાદ માઇક્રોવેવમાં હીટ કરી લો. હવે આ તેલને વાળમાં પ્રોપર રીતે લગાવો. આ તેલ તમારે અઠવાડિયામાં 3 દિવસ લગાવવાનું રહેશે.

આ પણ વાંચો:આ સમયે વાળમાં તેલ નાંખશો તો મસ્ત ગ્રોથ વધશે

• 
  
  
  
  • આ રીતે વાળમાં નાખો
  
  
  • આ બે રીતમાંથી તમે ગમે તે એક રીતે વાળમાં પ્રોપર રીતે તેલ નાંખો છો તો સૌથી બેસ્ટ છે.
  
  
  • આ તેલ તમે હુંફાળુ ગરમ પણ કરી શકો છો.
  
  
  • આ તેલ બને ત્યાં સુધી આંગળીના ટેરવાથી નાંખો જેથી કરીને પ્રોપર પોષણ મળી રહે.
  
  
  
  

• આ તેલ ઉપર જણાવ્યા મુજબ રેગ્યુલર રીતે નાખો છો તો વાળમાંથી ખોડો દૂર થઇ જાય છે અને તમારા વાળને પૂરતું પોષણ મળે છે.


• તમારા વાળમાં પણ ખોડો થયો છે તો એને દૂર કરવો જરૂરી છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Hair, Hair Care tips, Life style