ચૈત્રી નવરાત્રીમાં આ વખતે સાબુદાણાની ખીચડીની જગ્યાએ ટ્રાય કરો સ્વાદિષ્ટ આલૂ-પનીર કોફતા

ચૈત્રી નવરાત્રીનો આજે ચોથો દિવસ છે. નવરાત્રીમાં નવ દિવસના ઉપવાસ કરવામાં આવે છે. જો તમને વ્રતમાં સાબુદાણાની ખીચડી કે શિંગોડાના લોટની વાનગી પસંદ ન આવે તો તમે કંઈક નવી ફરાળી વાનગી ટ્રાય કરી શકો છો. તમે આ વ્રતમાં આલૂ-પનીર કોફતાની ફરાળી વાનગી બનાવી શકો છો. જે સ્વાદમાં એકદમ ટેસ્ટી લાગે છે અને દરેક રેગ્યુલર ફરાળી વાનગી કરતા અલગ પણ છે. અહીંયા આલૂ-પનીર કોફતાની રેસિપી આપવામાં આવી છે.

આલૂ-પનીર કોફતામાં વપરાતી સામગ્રી

· છીણેલું પનીર

· 2 બાફેલા બટાકા

· સંચળ (જો તમે વ્રતમાં ઉપયોગ કરો છો તો)

· લાલ મરચુ (જો તમે વ્રતમાં ઉપયોગ કરો છો તો)

· બે લીલાં મરચાં (ઝીણા સમારેલા)

· સેંધાલુ મીઠુ- સ્વાદ અનુસાર

· દોઢ ચમચી માવો અથવા એક ચમચી મિલ્ક પાઉડર (ઓપ્શનલ)

· ઝીણી સમારેલી કોથમીર

· 2 ચમચી શિંગોડાનો લોટ

· 4-5 બદામ

· કાજૂ

· કિશમિશ

· ઘી (તળવા માટે)

અમદાવાદમાં કોવિડ ડેઝિગ્નેટેડ ખાનગી હૉસ્પિટલમાં બેડ હાઉસફુલ, ICU વિથ વેન્ટિલટરમાં માત્ર 3 બેડ ખાલી

PNB Alert! બેંકે ગ્રાહકોને કર્યા સાવધાન, ના કરતા આવી ભૂલ, નહીંતર...

આલૂ-પનીર કોફતાની રેસિપી

• છીણેલુ પનીર અને બાફેલા બટાકાને એકદમ મિક્સ કરી લો. મિક્સ કર્યા બાદ તમારા સ્વાદ અનુસાર સંચળ અને લાલ મરચું પાઉડર ઉમેરો. તેની સાથે લીલા મરચા, શિંગોડાનો લોટ અને માવો પણ ઉમેરો.


• માવો અને મિલ્ક પાઉડર વગર પણ આલૂ-પનીર કોફતા બનાવી શકાય છે. દરેક વસ્તુ ઉમેર્યા બાદ તેને યોગ્ય રીતે મિક્સ કરીને કોથમીર ઉમેરો. જેનાથી આલૂ-પનીર કોફતા ખૂબ સ્વાદિષ્ટ બની શકે. તે બાદ કોફ્તાના બોલ બનાવી લો. હવે કઢાઈમાં ઘી ગરમ કરવા માટે મુકો. જો તમે ઘીનો ઉપયોગ કરવા ન ઈચ્છતા હોય તો તમે સીંગતેલ પણ વાપરી શકો છો.


• કોફ્તાના બોલ થોડાક દબાવીને તેમાં સૂકો મેવો ઉમેરો અથવા આ રીતે જ બોલને તળી લો. તમારા કોફતા તૈયાર છે. તમે કોઈપણ ફળની ચટની સાથે આ સ્વાદિષ્ટ રેસિપી સર્વ કરી શકો છો.