વર્કિંગ કપલ્સ માટે જોઇન્ટ ફેમિલી છે વરદાન, થાય છે આ 4 ફાયદા

વર્કિંગ કપલ્સ માટે જોઇન્ટ ફેમિલી છે વરદાન, થાય છે આ 4 ફાયદા Image/August-de-Richelieu-pexels

Joint Family Importance And Advantages: સંયુક્ત પરિવારમાં રહેવાથી બાળકોને ભાઈ-બહેન, કાકા-કાકી અને દાદા-દાદીનો સ્નેહ તથા તેમની સાથે રહેવાની તક પણ મળે છે

  • Share this:
Joint Family Importance And Advantages: ભારતમાં ઘણા સમયથી સંયુક્ત પરિવારની વ્યવસ્થા ચાલી રહી છે. એકથી અધિક પેઢી (Generation)ના સભ્યો એક જ છત નીચે રહે તેને સંયુક્ત પરિવાર કહે છે. તેમાં દાદા-દાદી (Grand Parents), માતા-પિતા, કાકા-કાકી અને તેમના બાળકો પણ સામેલ છે. ભારતમાં અત્યારે સંયુક્ત પરિવારનું ચલણ ચાલી રહ્યું છે, પરંતુ અનેક કારણોસર જોઈન્ટ ફેમિલીમાં સભ્યોની સંખ્યા ઓછી થઈ રહી છે. સંયુક્ત પરિવારમાં રહેવાના અનેક ફાયદા છે. સંયુક્ત પરિવારના મહત્વને ક્યારેય પણ નકારી ન શકાય. આ કારણોસર આજના સમયમાં પણ અનેક પરિવાર સંયુક્ત પરિવાર તરીકે રહે છે.

સંયુક્ત પરિવારમાં રહેવાથી બાળકોને ભાઈ-બહેન, કાકા-કાકી અને દાદા-દાદીનો સ્નેહ તથા તેમની સાથે રહેવાની તક પણ મળે છે. બાળકોને વડીલનો પ્રેમ અને સ્નેહ મળે છે તથા બાળકો વડીલોનો આદર સત્કાર કરતા પણ શીખે છે. સંયુક્ત પરિવારમાં રહેવાના એવા અનેક ફાયદાઓ અહીં જણાવવામાં આવ્યા છે.

આ પણ વાંચો - નોકરિયાતો માટે સારા સમાચાર, હવે રજાના દિવસે પણ થઈ જશે પગાર! RBIએ બદલ્યો આ નિયમ

પારિવારિક મૂલ્યોનું આત્મસાત કરવું

માતા પિતા તેમના બાળકને અનેક બાબતો શીખવવા માંગે છે, સંયુક્ત પરિવારમાં રહીને બાળકો આ પ્રકારની અનેક બાબતો શીખી જાય છે. સાથે રહેવાથી બાળક દરેક વસ્તુની આપ-લે કરતા શીખે છે, એકબીજાની સારસંભાળ રાખતા અને દરેકનું માન રાખતા પણ શીખે છે. બાળક અન્ય લોકો સાથે સ્નેહભર્યું વર્તન કરતા પણ શીખે છે.

નોકરી માતા પિતા માટે લાભકારક

જે માતા પિતા નોકરી કરે છે, તે લોકોને તેમના બાળક માટે વિશ્વસનીય વ્યક્તિની જરૂરિયાત રહે છે. નોકરી કરતા માતા-પિતા માટે સંયુક્ત પરિવાર એક વરદાનનું રૂપ છે. કાકા કાકી અને દાદા દાદી બાળકોની સારસંભાળ લે છે. આ પરિસ્થિતિમાં માતા પિતા જ્યારે ઘરેથી ક્યારેક બહાર જાય છે, ત્યારે તેઓ બાળકો માટે ચિંતિત થતા નથી. આ પરિસ્થિતિમાં માતા પિતા પોતાના માટે સમય પણ કાઢી શકે છે.

કોઈના પર કામ માટેનું ભારણ પડતું નથી

સંયુક્ત પરિવાર એક મોટી ટીમ તરીકે કામ કરે છે. જમવાનું બનાવવાનું અને ઘરની સાફ સફાઈ જેવા કામ દરેક વ્યક્તિ સાથે મળીને કામ કરે છે. આ પરિસ્થિતિમાં કોઈ એક વ્યક્તિ પર કામનો ભાર પડતો નથી. પરિવારના કોઈપણ એક સભ્ય પર કામ માટેનું ભારણ આવતું નથી.

ફાયનાન્શિયલ સપોર્ટ

સંયુક્ત પરિવારમાં તમામ કમાનાર સભ્ય ઘરેલૂ ખર્ચાઓ માટે એક જ જગ્યા પર ચૂકવણી કરે છે. જેનાથી ખર્ચાઓનું ભારણ ઓછું થઈ જાય છે. જ્યારે કોઈ સભ્યને આર્થિક નુકસાન થાય છે અથવા નોકરી જતી રહે છે, ત્યારે પરિવાર તરફથી તે વ્યક્તિની દૈનિક જરૂરિયાતોનું ધ્યાન રાખવામાં આવે છે.
First published: