Kutch: સફેદ રણ જોવા જવું હોય તો વાંચી લો આ માહિતી, સ્પેશ્યલ ટ્રેનની જાહેરાત

Dhairy Gajera, Kutch:  સરહદી જિલ્લા કચ્છમાં રેલ સુવિધા વધારવા સતત માંગો થતી રહે છે. આ વચ્ચે જ પશ્ચિમ રેલવે દ્વારા કચ્છના ગાંધીધામથી મુંબઈના બાંદ્રા ટર્મિનસ સુધી વિન્ટર સ્પેશ્યલ ટ્રેન શરૂ કરવાની જાહેરાત કરવામાં આવી છે. આ મહિનાથી જ આ ટ્રેન શરૂ થશે અને હર સપ્તાહના ગુરુવારે આ ટ્રેન ગાંધીધામથી બાંદ્રા માટે ઉપડશે અને ગુરુવારના દિવસે જ બાંદ્રાથી ગાંધીધામ માટે પણ ઉપડશે.


હાલ રણોત્સવ શરૂ થયા બાદ કચ્છમાં પ્રવાસીઓની આવ ખૂબ વધી છે. આ કારણે કચ્છ અને મુંબઈ વચ્ચે દોડતી બધી ટ્રેનોમાં ટિકિટ મળવી મુશ્કેલ થઈ ગઈ છે. આ ભીડને પહોંચી વળવા પશ્ચિમ ટેબલ દ્વારા ગાંધીધામ અને મુંબઈના બાંદ્રા ટર્મિનસ વચ્ચે એક સુપરફાસ્ટ સ્પેશ્યલ ટ્રેન શરૂ કરવામાં આવશે. ટ્રેન નંબર 09415/09416 બાંદ્રા ટર્મિનસ- ગાંધીધામ સુપરફસ્ત વિન્ટર સ્પેશ્યલ ચાર સપ્તાહ સુધી ચાલશે.


ટ્રેન નંબર 09415 બાંદ્રા ટર્મિનસથી ગાંધીધામ સ્પેશ્યલ બાંદ્રાથી હર ગુરુવારે 19.25 વાગ્યે ઉઠશે અને બીજા દિવસે 08.40 વાગ્યે ગાંધીધામ પહોંચશે. આ ટ્રેન 15 ડિસેમ્બર 2022થી 5 જાન્યુઆરી સુધી ચાલશે. તેવી જ રીતે ટ્રેન નંબર 09416 ગાંધીધામ- બાંદ્રા ટર્મિનસ સ્પેશ્યલ હર ગુરુવારે 00.30 વાગ્યે ઉપડશે અને એ જ દિવસે 14.20 બાંદ્રા ટર્મિનસ પહોંચશે. આ ટ્રેન પણ 15 ડિસેમ્બર 2022થી 5 જાન્યુઆરી સુધી ચાલશે. તો આ રૂટમાં બોરીવલી, બાપુ, સુરત, વડોદરા, અમદાવાદ, વિરમગામ, ધ્રાંગધ્રા, સામખિયાળી અને ભચાઉ સ્ટેશન પર ઊભી રહેશે.


આ ટ્રેનમાં એસી 2 ટિયર, એસી 3 ટિયર, સ્લીપર ક્લાસ તેમજ સેકંડ સ્લીપર કોચ પ્રવાસીઓને મળશે. તો આ સ્પેશ્યલ ટ્રેન માટેનો ભાડો પણ સામાન્ય ટ્રેનો કરતા વિશેષ રહેશે. તારીખ 10 ડિસેમ્બરથી આ ટ્રેનની બુકિંગ રેલવે સ્ટેશન પરના ટિકિટ વિન્ડો પર શરૂ થશે અને સાથે જ IRCTC ની વેબસાઇટ પરથી પણ બુક કરી શકાશે. વધુ વિગતો ભારતીય રેલની વેબસાઈટ www.enquiry.indianrail.gov.in પર મેળવી શકાશે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Indian railways, Kutch, Local 18