Kutch News: ઉપરવાળાના ચાર હાથ હોય તોજ આવી કળા મળે!, આ કારીગરની કળા છે અદભૂત: VIDEO

Dhairya Gajara, Kutch: કચ્છની જેમ જ રાજસ્થાન પણ અવનવી કરિગરીનું ઘર છે. હાલમાં રાજસ્થાનની આવી જ એક અનન્ય કારીગરી કચ્છમાં ધૂમ મચાવી રહી છે. રાજસ્થાનના અજમેરના એક કારીગર માઇક્રો મિનીએચર પેઇન્ટિંગ થકી ભુજના એક હસ્તકળા પ્રદર્શનમાં ખૂબ પ્રખ્યાત થયા છે. કાગળ ઉપરાંત ચોખા અને વાળ પર કરવામાં આવતી આ પેન્ટિંગ એટલી નાની હોય છે કે નરી આંખે તેને જોવું પણ અશક્ય છે.

રાજસ્થાનના અજમેરના કિશનગઢના કારીગર સુદર્શન પારીખ છેલ્લા 25 વર્ષથી આ માઇક્રો મિનીએચર પેઇન્ટિંગ કરી રહ્યા છે. તેમના પિતા એલ. કે. પારીખ પણ આ મિનીએચર પેઇન્ટિંગના ખૂબ જાણીતા કારીગર હતા અને તેમની પ્રેરણાથી જ બીએસસી મેથેમેટિક્સનો અભ્યાસ કર્યા બાદ પણ સુદર્શન પારીખ આ કળાના પંથે આગળ વધ્યા.

 અહીં ક્લિક કરી વાંચો,...શું લગ્ન પહેલાં જ પ્રેગ્નેન્ટ થઈ ગઈ આ એક્ટ્રેસ! બેચલરેટ પાર્ટીના આઉટફીટમાં દેખાયો બેબી બંપ, લોકોએ આ રીતે કરી ટ્રોલ



કાગળ પર મિનીએચર પેઇન્ટિંગ કર્યા બાદ તેમણે માઇક્રો મિનીએચર પેઇન્ટિંગ કરવાનું શરૂ કર્યું હતું, જે બાદ તેમણે ચોખાના દાણા અને વાળ પર પણ પેઇન્ટિંગ કરવાનું શરૂ કર્યું હતું.

હાલ ભુજ શહેરમાં આવેલા ભુજ હાટ ખાતે ચાલી થયેલો ગાંધી શિલ્પ બજાર હસ્તકળા પ્રદર્શનમાં સુદર્શન પારીખે ભાગ લીધો છે અને પોતાની આ અવનવી કળા વડે લોકોને આશ્ચર્યચકિત કરી રહ્યા છે. ચોખાના દાણા અને વાળ પર લોકો પોતાનું અથવા પોતાના કોઈ સ્વજન અથવા તો સમગ્ર પરિવારનું નામ લખાવવા તેમની પાસે પહોંચી રહ્યા છે. માત્ર 20 મિનિટમાં જ આ માઇક્રો મિનીએચર પેઇન્ટિંગ તૈયાર થઈ જતાં લોકોમાં આ ધૂમ મચાવી રહી છે.

અહીં ક્લિક કરીને વાંચો,...Priyanka Chopra: વેલેન્ટાઇન્સ ડે પર પ્રિયંકાએ બતાવી બોલ્ડનેસ, બેડરૂમમાં પતિને આ અંદાજમાં વિશ કર્યુ

ચોખાના દાણા અથવા વાળ પર કરેલી આ પેઇન્ટિંગ એટલી નાની હોય છે કે તેને જોવા માટે ખાસ મેગ્નીફાયિંગ ગ્લાસની જરૂર પડે છે. સુદર્શન પારીખે જણાવ્યું હતું કે તેમણે ગત વર્ષે આંતરાષ્ટ્રીય યોગ દિવસ નિમિતે વડાપ્રધાન નરેન્દ્ર મોદીને પણ આ ચોખાના દાણા અને વાળ પર કરેલા લખાણ ભેટ સ્વરૂપે મોકલ્યા હતા જેની બદલે વડાપ્રધાને તેમની ખૂબ પ્રશંસા કરી હતી..

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર