Home /News /kutchh /Kutch: પદવીદાન સમારોહના ફોટોમાં તમને કંઇ નવીન દેખાયું? રાજ્યપાલે પણ નોંધ લેવી પડી!

Kutch: પદવીદાન સમારોહના ફોટોમાં તમને કંઇ નવીન દેખાયું? રાજ્યપાલે પણ નોંધ લેવી પડી!

22 ગોલ્ડ મેડલિસ્ટમાંથી 21 વિદ્યાર્થિનીઓ

કચ્છ જિલ્લાની એકમાત્ર યુનિવર્સિટી ક્રાંતિગુરુ શ્યામજી કૃષ્ણવર્મા કચ્છ યુનિવર્સિટીનો આજે 12મો પદવીદાન સમારોહ યોજવામાં આવ્યો હતો. જિલ્લાની 45 જેટલી કોલેજોના પાંચ હજાર જેટલા વિદ્યાર્થીઓને વિવિધ ક્ષેત્રની પદવી આપવામાં આવી હતી. 

    Dhairya Gajara, Kutch: કચ્છ જિલ્લાની એકમાત્ર યુનિવર્સિટી ક્રાંતિગુરુ શ્યામજી કૃષ્ણવર્મા કચ્છ યુનિવર્સિટીનો આજે 12મો પદવીદાન સમારોહ યોજવામાં આવ્યો હતો. જિલ્લાની 45 જેટલી કોલેજોના પાંચ હજાર જેટલા વિદ્યાર્થીઓને વિવિધ ક્ષેત્રની પદવી આપવામાં આવી હતી. તો દરેક વિષયમાં પ્રથમ સ્થાન મેળવનાર છાત્રોને ગોલ્ડ મેડલ એનાયત કરવામાં આવ્યા હતા, જેમાં વિદ્યાર્થિનીઓએ રંગ જમાવ્યો હતો. 22 ગોલ્ડ મેડલિસ્ટમાંથી માત્ર એક જ વિદ્યાર્થી હતો અને બાકી સર્વે વિદ્યાર્થીનીઓ હતાં આ વાતની નોંધ યુનિવર્સિટીના કુલાધિપતિ રાજ્યપાલે પણ લીધી હતી.

    ગ્રામીણ પ્રદેશોથી બનેલા કચ્છ જિલ્લામાં કચ્છ યુનિવર્સિટી મહત્વનો ભાગ ભજવે છે. 12 કોલેજો સાથે શરૂ થયેલી કચ્છ યુનિવર્સિટીના નિર્દેશમાં આજે કચ્છની 45 કોલેજો કાર્યરત છે અને લાખો વિદ્યાર્થીઓ તેમાં અભ્યાસ કરી રહ્યા છે. યુનિવર્સિટીના 12મા પદવીદાન સમારોહમાં 4968 વિદ્યાર્થીઓએ પદવી મેળવી હતી. આર્ટસ, વિજ્ઞાન, કાયદો, અભ્યાસ, વાણિજ્ય, મેડિકલ, તેમજ ફિલોસોફી વિષયના વિદ્યાર્થીઓએ આજે પદવી મેળવી હતી.



    આર્ટસ વિષયના 1712 વિદ્યાર્થીઓ, વિજ્ઞાનના 653, કાયદાના 343, અભ્યાસના 209, વાણિજ્યના 1809, મેડિકલ ના 230 તો ફિલોસોફીના 12 વિદ્યાર્થીઓ મળી કુલ 4968 વિદ્યાર્થીઓએ પોતાનું અભ્યાસ પૂર્ણ કરતા તેમને પદવી આપવામાં આવી હતી. તો આમાંથી 3059 વિદ્યાર્થીઓએ હજાર રહી પદવી મેળવી હતી અને 1907 વિદ્યાર્થીઓને પદવી તેમના ઘરે પહોંચાડવામાં આવશે.



    તો દરેક વિષયમાં અવ્વલ આવનાર વિદ્યાર્થીઓનું ખાસ ગોલ્ડ મેડલ દ્વારા સન્માન કરવામાં આવ્યું હતું. કુલ 22 ગોલ્ડ મેડલિસ્ટમાંથી 21 વિદ્યાર્થીનીઓ હતી અને માત્ર એક જ વિદ્યાર્થી હતો. વિદ્યાર્થિનીઓએ આ પદવીદાન સમારોહમાં ડંકો વગાડ્યો હતો અને તેની નોંધ કાર્યક્રમના અધ્યક્ષ યુનિવર્સિટીના કુલાધિપતિ અને ગુજરાતના રાજ્યપાલ આચાર્ય દેવવ્રતે પણ લીધી હતી.



    પોતાના વક્તવ્યમાં આચાર્ય દેવવ્રતે વિદ્યાર્થીઓ સાથે રમૂજ ભરી વાત કરતા કહ્યું હતું કે 21 દીકરીઓ વચ્ચે આ એક પહેલવાને પુરુષ જાતિનું નામ બચાવી લીધું છે. વિદ્યાર્થિનીઓએ શુભેચ્છા પાઠવતા કહ્યું હતું કે, \"વૈદિક કાળમાં વિદ્યાર્થી અને વિદ્યાર્થીનીઓ વચ્ચે કોઈ અંતર હતું નહીં. વિદ્યાર્થિનીઓ પણ મોટા મોટા ઋષિઓથી સાક્ષર્થ થતી હતી. પરંતુ મધ્યકાળમાં જ્યારે દીકરીઓને અભ્યાસથી વંચિત રાખવામાં આવ્યું ત્યારબાદ હવે લાગે છે કે વિદ્યાર્થીનીઓ એ બંધનમાંથી બહાર આવી છે અને દરેક રેકોર્ડ તોડે છે.\"
    Published by:Vijaysinh Parmar
    First published:

    Tags: Kutch, Local 18, ફોટો

    विज्ञापन
    विज्ञापन