G20 in Kutch: 'પધારો મ્હારે દેશ...' વિદેશી મહેમાનોને આવકારવા તડામાર તૈયારીઓ શરૂ!

Dhairya Gajara, Kutch: આગામી ફેબ્રુઆરી મહિનામાં વિશ્વવિખ્યાત કચ્છના સફેદ રણમાં 20 દેશોની આંતરાષ્ટ્રીય G20 સમીટ યોજાવાની છે. આ માટે કેન્દ્ર સરકારના અનેક6 સચિવોએ પણ સફેદ રણ સહિત તેના આસપાસના સ્થળોની મુલાકાત લીધી હતી. સમીટને હવે માત્ર ગણતરીના દિવસો જ બાકી રહ્યા છે ત્યારે કચ્છમાં સમીટ માટે તડામાર તૈયારીઓ ચાલી રહી છે.

વૈશ્વિક અર્થતંત્રને સ્થિર કરવા રચાયેલી G20 સમીટનું અધ્યક્ષપદ આ વર્ષે ભારતને મળ્યું છે. ત્યારે આ વર્ષે પ્રથમ બેઠક જ કચ્છના વિશ્વવિખ્યાત સફેદ રણ મધ્યે યોજાશે. ફેબ્રુઆરી 7, 8 અને 9ના યોજાનારી આ સમીટ માટે કચ્છમાં રાતદિવસ એક કરી તૈયારીઓ ચાલી રહી છે. સૌ પ્રતિનિધિઓ ભુજ એરપોર્ટ પર પહોંચવાના હોવાથી ભુજ હવાઈમથકનું કાયાપલટ કરવામાં આવી રહ્યું છે.



તો ધોરડોમાં યોજાનાર મુખ્ય સમીટ માટે ભુજથી ધોરડો સુધીના માર્ગનું સમારકામ પણ પૂર્ણ થવા પર છે. ધોરડો ખાતેની ટેન્ટ સિટીમાં બધા દેશોમાં પ્રતિનિધિઓને ઉતારો આપવા ટેન્ટનું એક અલગ વિભાગ તૈયાર થઈ થયું છે. તો પ્રવાસન પર ચર્ચા કરવા મળનારી આ બેઠક માટે ટેન્ટ સિટીમાં જ એક વિશેષ સભાખંડ પણ તૈયાર થઈ રહ્યો છે. ટેન્ટ સિટી ખાતે જ આ પ્રતિનિધિઓ કચ્છની પારંપરિક હસ્તકળાથી પરિચિત થશે જે માટે કચ્છની વિવિધ હસ્તકળાના ખ્યાતનામ કારીગરોને પણ અહીં આમંત્રિત કરવામાં આવ્યા છે.



છેલ્લા દિવસે તારીખ 9ના બધા પ્રતિનિધિઓને સાઈટ સીઈંગ માટે પાંચ હજાર વર્ષ જૂની હડપ્પન સંસ્કૃતિના અવશેષો ધરાવતા નગર ધોળાવીરા લઈ જવામાં આવશે. ધોરડોથી સીધા ધોળાવીરા પહોંચવા માટે ઘડુલી સાંતલપુર માર્ગનો વપરાશ કરવામાં આવશે. આ માર્ગ બનાવવાનો કામ હજુ ચલુમાં હોતાં કાઢવાંઢથી રસ્તો હાલ બંધ કરવામાં આવ્યો છે અને દિવસ રાત દરમિયાન શ્રમિકો દ્વારા આ રસ્તાનું કામ કરવામાં આવી રહ્યું છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર