Home /News /kutchh /નરનારાયણ દેવ દ્વિશતાબ્દી મહોત્સવ: પ્રાકૃતિક વનને પણ પાછળ મૂકે તેવું વન તૈયાર કરાયું, મુલાકાત લેવાનું ભૂલતા નહીં!

નરનારાયણ દેવ દ્વિશતાબ્દી મહોત્સવ: પ્રાકૃતિક વનને પણ પાછળ મૂકે તેવું વન તૈયાર કરાયું, મુલાકાત લેવાનું ભૂલતા નહીં!

X
નરનારાયણ

નરનારાયણ દેવ દ્વિશતાબ્દી મહોત્સવ

એપ્રિલ મહિનામાં શરૂ થનારા નરનારાયણ દેવ દ્વિશતાબ્દી મહોત્સવ માટે અત્યારથી જ એક ભવ્ય પ્રદર્શન ખુલ્લુ મુકાયું છે જેમાં એક પ્રાકૃતિક વનની જેમ ડુંગર, પશુ-પક્ષીઓ, ઝરણાં વહેરે લોકોને આકર્ષી રહ્યા છે

    Dhairya Gajara, Kutch: આગામી એપ્રિલ મહિનામાં ભુજ સ્વામિનારાયણ મંદિર દ્વારા ભવ્યાતિભવ્ય નરનારાયણ દેવ દ્વિશતાબ્દી મહોત્સવ ઉજવવામાં આવશે. ભુજ શહેરની ભાગોળે 250 એકરમાં બદ્રિકાશ્રમ ધામ મધ્યે પ્રદર્શની ખુલ્લી મૂકી આ ઉજવણીની શરૂઆત અત્યારથી જ થઈ ગઈ છે. પ્રદર્શનીમાં વિવિધ ધાર્મિક ઘટનાઓના મોડેલ ઉપરાંત એક આખું જંગલ પ્રદર્શનની અંદર ઊભું કરવામાં આવ્યું છે. જીવંત પશુ-પક્ષી, ડુંગર, ઝરણાં સહિત એક પ્રાકૃતિક વનનો આભાસ મુલાકાતીઓને થાય તે મુજબનો ભવ્ય આયોજન ગોઠવવામાં આવ્યો છે.

    18 એપ્રિલથી 26 એપ્રિલ સુધી યોજાનારા આ દ્વિશતાબ્દી મહોત્સવ માટે અત્યારથી જ એક ભવ્ય પ્રદર્શનીનો પ્રારંભ કરવામાં આવ્યો છે. બપોરથી સાંજ સુધી અનેક હરિભક્તો અત્યારથી જ આ પ્રદર્શનીની મુલાકાતે આવી રહ્યા છે. આ પ્રદર્શનીમાં હરિભક્તો માટે પક્ષી અભ્યારણ, બાળનગરી, લાઈટિંગ ગાર્ડન, ગ્રામીણ સંસ્કૃતિ વગેરે ઊભી કરવામાં આવી છે. સાથે જ પાણી બચાવવા, માટીને રસાયણથી બચાવવા તેમજ અન્ય વિવિધ અવેરનેસ પ્રોગ્રામ પણ હાથ ધરાઇ રહ્યા છે.

    અહીં ક્લિક કરીને વાંચો,...Hanuman Chalisa: આ છે સંસ્કાર, ટ્વીન્સ બાળકોએ હનુમાન ચાલીસા પઠન કરી જન્મદિવસ ઉજવ્યો: VIDEO

    દ્વિશતાબ્દી મહોત્સવના આ વિશાળ બદ્રિકાશ્રમ ધામમાં એક આબેહૂબ વન ઊભો કરવામાં આવ્યો છે. પોપટ, કબૂતર, બતક સહિત અનેક પક્ષીઓ અને પ્રાણીઓ અહીં પાંજરામાં પ્રદર્શન માટે મૂકવામાં આવ્યા છે. તો કૃત્રિમ ડુંગર બનાવી તેના પરથી પાણીના વહેણ શરૂ કરી નયનરમ્ય ઝરણાં બનાવવામાં આવ્યા છે. તે સિવાય અનેક જાનવરોની પ્રતિકૃતિ ધરાવતું ગાર્ડન પણ લોકો માટે આકર્ષણનું કેન્દ્ર બન્યું છે. બાળકો માટે ખાસ લાઈટિંગ ગાર્ડન બનાવવામાં આવ્યું છે જેમાં રોશની વડે વિવિધ જાનવરોની પ્રતિકૃતિ તૈયાર કરવામાં આવી છે.



    તો અન્ય એક આકર્ષક પ્રદર્શન વિભાગ ભારતની ગ્રામીણ સંસ્કૃતિને ઉજાગર કરે છે. દેશી ભુંગા, તળાવ, ગાયો સહિત એક સંપૂર્ણ ગામડું પણ અહીં ઊભો કરવામાં આવ્યો છે. લોકોને ગ્રામીણ સંસ્કૃતિનો મહત્વ સમજાવવા આ કૃત્રિમ ગામડું પણ ઊભું કરવામાં આવ્યું છે.
    First published:

    Tags: BAPS Swaminarayan, Kutch, Local 18