દલિતો પર અત્યાચારના વિરોધમાં ભાવનગરમાં ટોળાએ ટાયરોમાં આગ ચાંપી કર્યો પથ્થરમારો

ભાવનગરઃઉના દલિતકાંડના વિરોધમાં ફરી હિંસા ભળકી છે. ગઇકાલે ભાવનગરમાં ટોળાએ ટાયરોમાં આગ ચાંપીને પથ્થરમારો કર્યો હતો. બોરડીગેટ વિસ્તારમાં ટોળાએ પથ્થરમારો કર્યો હતો. ટોળાએ પોલીસ વાહન પર પણ પથ્થરમારો કર્યો હતો. ઉના ખાતે દલિત અસ્મિતા યાત્રા રેલીમાં દલિતોનો સમંદર છલકાયો હતો. ગુજરાતભરના દલિત આગેવાનો સહીત દિલ્હીથી જે.એન.યુના કન્હૈયા કુમારથી લઇ રોહિત વેમુલાના માતા રાધિકાજી પણ આ રેલીમાં ઉપસ્થિ રહ્યા હતા. હજ્જારો ની સંખ્યામાં ઉમટી પડેલા દલિતોની સાથે શીખ અને મુસ્લિમ સમુદાયના તેમજ બિન દલિત સમાજના લોકો પણ મોટી સંખ્યામાં જોડાયા હતા. કન્હૈયા કુમાર, રોહિત વેમુલાના ના માતા સાથે ઉના દલિત પીડિત બાલુભાઈ ના હસ્તે ધ્વજ વંદન કરાયું હતું,