Home /News /kutchh-saurastra /

ચિંતાનો વિષય! રાજકોટમાં કોરોનાથી 100થી વધારે ડૉક્ટર સંક્રમિત, IMA તરફથી રેડએલર્ટ જાહેર

ચિંતાનો વિષય! રાજકોટમાં કોરોનાથી 100થી વધારે ડૉક્ટર સંક્રમિત, IMA તરફથી રેડએલર્ટ જાહેર

પ્રતિકાત્મક તસવીર

ડોક્ટરો સંક્રમિત થાય એટલે IMA માટે ચિંતાનો વિષય છે. રાજકોટમાં સ્થિતિ અતિ ગંભીર અને ચિંતાજનક બની છે. રાજકોટ રાજ્યનું હોટસ્પોટ બની ગયું છે અને રોજેરોજ સ્થિતિ કાબુ બહાર જઇ રહી છે.

રાજકોટમાં કોરોનાનું સંક્રમણ વધતા ડોક્ટરો માટે IMA રેડ એલર્ટ જાહેર કરવામાં આવ્યું છે. ડોક્ટરો સંક્રમિત થાય એટલે IMA માટે ચિંતાનો વિષય છે. રાજકોટમાં કોરોના કાળ દરમિયાન 100થી વધુ ડૉક્ટરો સંક્રમિત થયા છે. અનેક ડૉક્ટરો અને અરોગ્ય વિભાગ સાથે જોડાયેલા લોકો સંક્રમિત થઈ રહ્યા છે.

રાજકોટમાં સતત કોરોનાનું સંક્રમણ વધી રહ્યું છે. ફ્રન્ટ વોરિયર પોતાનું અને પરિવારનું ધ્યાન રાખે તેમ રાજકોટ આઇએમએ ના પ્રમુખ જય ધીરવાનીએ જણાવ્યું હતું. તેમણ વધુમાં જણાવ્યું છેકે લોકો બેદરકાર થયા છે. રાજકોટમાં લોકો કામ વગર બહાર નીકળી રહ્યા છે. સપ્ટેમ્બર મહિનો રાજકોટ માટે અઘરો સાબિત થશે. ઓક્ટોબરમાં રાજકોટમાં કોરોનાના કેસમાં ઘટાડો થઈ શકે.

ઇન્ડિયન મેડિકલ એસોસીએશનને પોતાના સભ્યો જોગ એવું જણાવ્યું છે કે, રાજકોટમાં સ્થિતિ અતિ ગંભીર અને ચિંતાજનક બની છે. રાજકોટ રાજ્યનું હોટસ્પોટ બની ગયું છે અને રોજેરોજ સ્થિતિ કાબુ બહાર જઇ રહી છે.

એસો.એ જણાવ્યું છે કે, કોરોનાથી આપણા 100 થી વધુ સભ્યો સંક્રમિત બન્યા છે. જેમાંથી અમુકને શહેરની વિવિધ હોસ્પિટલોમાં દાખલ કરવામાં આવ્યા છે. જ્યારે બાકીના પોતપોતાના ઘરોમાં હોમ આઇસોલેશનમાં છે. અમુક સભ્યો એટલે કે ડોકટરો સાજા પણ થઇ ગયા છે.

ઇન્ડિયન મેડિકલ એસો.એ વધુમાં જણાવ્યું છે કે, ડોકટર હોસ્પિટલમાં હોય ત્યારે સ્ટાન્ડર્ડ માસ્ક, ફેસ શિલ્ડ, ગોવ્લ્ઝ, એપ્રોનનો ઉપયોગ કરે. દર્દી અને સગાઓ સાથે વાતચીત કરતી વેળાએ સલામત ડીસ્ટન્સ રાખે, ઓછામાં ઓછો સમય દર્દી અને સગાઓ સાથે પગાર કરે, કલીનીક કે દવાખાનામાં દર્દીઓ સાથે માત્ર એક જ વ્યકિતને પ્રવેશ આપે, બાળકો માટેની હોસ્પિટલના ડોકટરોએ વધુ સાવચેતી રાખવાની જરૂર છે. એટલું જ નહિ તમામ હોસ્પિટલના સ્ટાફને પણ સંક્રમણથી બચાવવા માટેના તમામ પગલાઓને અનુસરવા અનુરોધ કર્યો છે.
Published by:kiran mehta
First published:

विज्ञापन

विज्ञापन

આગામી સમાચાર

विज्ञापन
विज्ञापन