'તું માવતરેથી લાવી છે તે ઘરેણા હલકા છે, તે BBA કર્યું છે તો નોકરી કરીને તારો ખર્ચ તું જ ઉપાડ'

'તું માવતરેથી લાવી છે તે ઘરેણા હલકા છે, તે BBA કર્યું છે તો નોકરી કરીને તારો ખર્ચ તું જ ઉપાડ'
વધુ એક મહિલાએ સાસરિયા વિરુદ્ધ નોંધાવી ફરિયાદ.

રાજકોટમાં વધુ એક પરિણીતાએ પોતાના પતિ સાસુ તેમજ સસરા વિરૂદ્ધ શારીરિક-માનસિક ત્રાસ આપવાની તેમજ દહેજની માંગણી કરતાની ફરિયાદ નોંધાવી.

  • Share this:
રાજકોટ: રાજકોટ (Rajkot) શહેરમાં વધુ એક પરિણીતાએ પોતાના પતિ (Husband),  સાસુ તેમજ સસરા વિરૂદ્ધ શારીરિક-માનસિક ત્રાસ (Domestic violence) આપવાની તેમજ દહેજ (Dowry)ની માંગણી કરતાની ફરિયાદ નોંધાવી છે. પરિણીતાએ પોતાની પોલીસ (Rajkot police) ફરિયાદમાં જણાવ્યું છે કે, બીજા લગ્નમાં પણ મારે સાસરિયાનો ત્રાસ સહન કરવાનો વારો આવ્યો છે. લગ્ન સમયે જ્યારે કરિયાવરનો સામાન કાઢતા હતા ત્યારે મારા પતિએ કહ્યું હતું કે, તું કંઈ લાવી જ નથી. તારા લઈ આવેલા ઘરેણા પણ હલકા છે. આ મામલે રાજકોટ શહેરના મહિલા પોલીસ મથક (Mahila police station)માં ફરિયાદ બાદ પોલીસે વધારે તપાસ શરૂ કરી છે.

પરિણીતાએ ફરિયાદમાં લખ્યું છે કે, "મેં બીબીએ સુધી અભ્યાસ કર્યો હોય જેના કારણે મારો પતિ નોકરી કરવા માટે મને દબાણ કરતો હતો. સાથે જ મને કહેતો હતો કે તારો ખર્ચ તારે જાતે જ ઉપાડવો પડશે. સમગ્ર મામલાની વાત જ્યારે મેં મારા સાસુ-સસરાને કરી ત્યારે તેઓ પણ પોતાના પુત્ર રવિનું ઉપરાણું લઇને મારી સાથે ઝઘડો કરતા હતા. મારા સાસુ-સસરા અને પિયરથી ફર્નિચર તેમ જ ઘરેણાં લઇ આવવા માટે દબાણ પણ કરતા હતા. મારા સાસુ-સસરા મને કહેતા હતા કે, મારો દીકરો તેની મરજીથી જ રહેશે. તને ફાવે તો રહે, નહીંતર પિયર જતી રહે."



આ પણ વાંંચો: પાટણ: પ્રાથમિક શાળામાં છરીની અણીએ કિશોરી પર સામુહિક દુષ્કર્મ, નરાધમોએ વીડિયો વાયરલ કર્યો

પરિણીતાની ફરિયાદ પ્રમાણે, "નાની નાની બાબતોને પણ મારા પતિ અને સાસુ-સસરા મને મ્હેણાં-ટોણાં મારી ઝઘડો કરતા રહેતા હતા. બે મહિના પૂર્વે મારા પતિ મને ખોટું બોલીને પિયર મૂકી ગયા હતા. બપોરે તેડી જઇશ તેમ કહ્યું હતું, પરંતુ બાદમાં તેઓ મને તેડવા ન આવતાં મેં મારા સાસુ-સસરાને જાણ કરી હતી. તેઓએ મને કહ્યું હતું કે, અમારે છૂટું જ કરી નાંખવું છે. મારા પતિ પોતાને પહેરેલા કપડે પિયરમાં મૂકી ગયા હોવાથી ઘરેણા સહિતનો સામાન સાસરિયાઓ પાસે રહેલો છે."

આ પણ વાંચો: ફ્લાઇટ ઉપડવાના કલાક પહેલા મહિલાએ ઢીંચ્યો એક બોટલ દારૂ, માસ્ક મામલે લવારી બાદ ક્રૂ મેમ્બર્સે નીચે ઉતારી દીધી

ઉલ્લેખનીય છે કે રાજ્યમાં દરરોજ મહિલાઓ પર ત્રાસ ગુજરાવાની અનેક ફરિયાદો નોંધાતી રહે છે. જેમાં મોટા ભાગના કેસ દહેજ માટે શારીરિક અને માનસિક ત્રાસ આપવાના હોય છે. મહિલા અત્યાચાર ઉપરાંત રાજ્યમાં અન્ય ગુનાના પણ અનેક બનાવો બનતા રહે છે. તાજેતરમાં ગુજરાત વિધાનસભાના બજેટ સત્રમાં સરકારે આ અંગેના આંકડા જાહેર કર્યાં હતા. આ આંકડા નીચે પ્રમાણે છે.

આ પણ વાંચો: સોનાની કિંમતમાં 20 ટકાનો ઘટાડો: શું સોનું ખરીદવાનો કે સોનામાં રોકાણ કરવાનો આ યોગ્ય સમય છે?

રાજ્યમાં બનતા ગુનાખોરીના બનાવો:

>> રાજ્યમાં રોજની સરેરાશ 2 કરતા વધુ લૂંટની ઘટના.
>> રોજની 3 ખૂનની અને 30 ચોરીની ઘટના.
>> રોજની 4 કરતા વધુ બળાત્કારની ઘટના.
>> રોજ 7 અપહરણ, 20 આત્મહત્યાની ઘટનાઓ બની.
>> રોજ 57 અપમૃત્યુ અને 37 આકસ્મિક મૃત્યુની ઘટના બની.
>> રાજ્યમાં છેલ્લા 2 વર્ષમાં લૂંટની 1,520 ઘટના બની.
>> હત્યાની 1,944, ધાડની 370 અને ચોરીની 21,995 ઘટના બની.
>> છેલ્લા બે વર્ષમાં બળાત્કારની 3095, અપહરણની 4829 ઘટના બની.
>> આત્મહત્યાના 14,410, ઘરફોડના 6,190, રાયોટિંગના 2,589 બનાવો બન્યા.
>> આકસ્મિક મૃત્યુના 27,148, અપમૃત્યુના 41,493 બનાવો નોંધાયા.
>> રાજ્યમાં હત્યાના પ્રયાસની 18,523 ઘટના નોંધાઇ.
Published by:Vinod Zankhaliya
First published:March 23, 2021, 12:48 pm

ટૉપ ન્યૂઝ