ખેડૂતે પાક વીમાનો પ્રશ્ન પૂછતાં ઉશ્કેરાયા સાંસદ કુંડારીયા, વીડિયો વાયરલ

ન્યૂઝ18 ગુજરાતી: સોશિયલ મીડિયામાં રાજકોટના સાંસદ મોહન કુંડારીયાનો એક વીડિયો વાયરલ થયો છે. વીડિયોમાં એક વ્યક્તિ પાક વીમા અંગે મોહન કુંડારિયાને પ્રશ્ન પૂછી રહ્યો છે. જે અંગે મોહન કુંડારીયાએ જણાવ્યું કે, આ અંગે સરકારને રજૂઆત કરો.

વાયરલ વીડિયામાં જોઇ શકાય છે કે, એક વ્યક્તિ સાંસદ મોહન કુંડારીયાને પાક વીમા અંગે પ્રશ્ન પૂછે. તેના જવાબમાં મોહન કુંડારીયા કહે છે કે, આ અંગે તમારે સરકારને રજૂઆત કરવાની હોય. પાક વીમો આપવાની જવાબદારી સરકારીની છે. આ ધારાસભ્યની જવાબદારી છે.

મોહન કુંડારીયાના જવાબથી અસંતુષ્ટ વ્યક્તિ કહે છે કે, સાહેબ આ તમારી રીત છે જવાબ આપવાની? જેની સામે મોહન કુંડારીયા કહે છે કે, તમે ગાંડા કરવા આવ્યા છો. હું માણસનો ચહેરો જોઇને કહી દઉં. તમારા બોલવા પરથી જ મને ખબર પડી જાય. તમારી વાત કરવાની થિયરી જ ખોટી હતી.

આ પણ વાંચો: ચોટીલાના પૂર્વ ધારાસભ્ય શામજી ચૌહાણ રૂપાણીની હાજરીમાં ફરી ભાજપમાં જોડાયા

આટલું જ નહીં, વીડિયોમાં જોઇ શકાય છે કે, વ્યક્તિના પ્રશ્નોથી ઉશ્કેરાયેલા મોહન કુંડારીયા ખુરશી પરથી ઉભા થઇને જતાં રહે છે. જે અંગે ત્યાં હાજર લોકોમાં નારાજગી પણ દેખાઇ આવે છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Crop Insurance, Lok sabha election 2019, Mohan kundariya, Video viral