Home /News /kutchh-saurastra /

રાજકોટ : ચોરીનો live cctv video, માત્ર 20 સેકન્ડમાં શાતિર ચોરે વ્યક્તિની નાક નીચેથી ચોરી લીધો મોબાઈલ

રાજકોટ : ચોરીનો live cctv video, માત્ર 20 સેકન્ડમાં શાતિર ચોરે વ્યક્તિની નાક નીચેથી ચોરી લીધો મોબાઈલ

સીસીટીવી પરથી તસવીર

Rajkot Crime News: યુવાનને ફરિયાદીના ઉપરના ખિસ્સામાં રહેલ મોબાઈલની ચોરી (mobile theft) એવી રીતે કરે છે કે, તે બાબતની જાણ ખુદ તેના માલિકને પણ નથી થતી.

રાજકોટઃ રાજકોટ શહેરમાં (Rajkot city) છેલ્લા કેટલાય સમયથી ગુનાખોરીના (crime) બનાવમાં સતત વધારો જોવા મળી રહ્યો છે. રાજકોટ શહેરમાં બી ડિવિઝન પોલીસ સ્ટેશન (police station) વિસ્તારમાં અકસ્માત જેવી નજીવી બાબતે યુવાનને તલવાર અને છરીના ઘા ઝીંકી ઇજા પહોંચાડવામાં આવી હોવાની ઘટના સામે આવી છે. ત્યારે બીજી તરફ ચોરીની એક ઘટના સામે આવી છે. જે સમગ્ર ઘટના સીસીટીવી ફુટેજમાં (cctv footage) કેદ થવા પામી છે. ત્યારે સમગ્ર મામલાના સીસીટીવી ફૂટેજ પણ હાલ વાઈરલ થઈ રહ્યા છે.

પ્રાપ્ત માહિતી અનુસાર 25 માર્ચ 2022 ના રોજ સવારના સાડા અગિયાર વાગ્યાના આસપાસ કેનાલ રોડ પર મોબાઇલ ફોન ચોરી ની ઘટના સામે આવી છે. સીસીટીવી ફુટેજમાં સ્પષ્ટ પણે જોઈ શકાય છે કે, 11 કલાક 26 મિનિટ અને 10 સેકન્ડ પર બે યુવાનો તેમજ એક યુવતી દુકાન પાસે આવતા નજરે પડી રહ્યા છે.

ત્રણેય વ્યક્તિઓ પૈકી વચ્ચે ઉભેલા યુવાનને ફરિયાદીના ઉપરના ખિસ્સામાં રહેલ મોબાઈલની ચોરી એવી રીતે કરે છે કે, તે બાબતની જાણ ખુદ તેના માલિકને પણ નથી થતી. ચોરીની ઘટનાને અંજામ આપવા ત્રણ વ્યક્તિઓ 11 કલાક 26 મીનિટ અને 10 સેકન્ડ પર દુકાન પાસે આવે છે.

આ પણ વાંચોઃ-સુરતઃ માથાભારે સંજુ કોઠારી, કાદર કોથમીર સહિત ચારના કારણે વેપારી કમ જમીન દલાલની આત્મહત્યાની કોશિશ, video viral

ત્યાર બાદ માત્ર 20 જ સેકન્ડ માં ચોરીની ઘટનાને અંજામ આપી ત્યાંથી જતા રહે છે. થોડી વાર સુધી તો મોબાઈલ ફોનના માલિકને જાણ પણ નથી થતી કે તેના ઉપરના ખિસ્સામાં રહેલો મોબાઇલ ચોરાઇ ગયો છે. જ્યારે તેને જાણ થાય છે કે તેનો ફોન ચોરાઈ ગતો છે.

આ પણ વાંચોઃ-સુરતઃ હોટેલિયર સંજય કુંભાણીની હવસનો શિકાર બનેલી નેપાળી યુવતીની આત્મહત્યા, સ્યૂસાઇડ નોટમાં છલકાયું દર્દ

ત્યારે તેણે સીસીટીવી ફૂટેજ ચેક કરતા તેને ખ્યાલ આવે છે કે, કઈ રીતે તેનો ફોન 3 જેટલા જે શખ્સો આવ્યા હતા. તે પૈકી એક વ્યક્તિએ તેનો ફોન ચોરી લીધો છે. તે પણ એવી રીતે કે ચોરી કરતા સમયે થેલી આડી રાખી શર્ટના ઉપરના ખિસ્સા માં રહેલો મોબાઈલ ચાલાકી થી સેરવી લીધો હતો.



ત્યારે સમગ્ર મામલે હાલ પોલીસે ફરિયાદ નોંધી આરોપીઓની શોધખોળ શરૂ કરી છે. ત્યારે કેટલા સમયમાં આરોપીઓ ઝડપાય છે તે જોવું અતિ મહત્ત્વનું બની રહેશે.
Published by:ankit patel
First published:

Tags: CCTV Video, Gujarati news, Rajkot News

આગામી સમાચાર