income-from-sales-of-paintings-to-be-send-to-flood-affected-people-in-kerala

Home /News /kutchh-saurastra /રાજકોટ: કલાકરો તેમના ચિત્રોના વેચાણની આવક કેરળ પૂરપીડિતોને આપશે

આ પેઇન્ટિંગ પ્રદર્શનમાં કૃતિઓની કિંમત રૂ. ૧૦૦૦ થી શરૂ કરીને રૂ. ૧૦,૦૦૦ સુધીની રાખવામા આવી છે.

આ પેઇન્ટિંગ પ્રદર્શનમાં કૃતિઓની કિંમત રૂ. ૧૦૦૦ થી શરૂ કરીને રૂ. ૧૦,૦૦૦ સુધીની રાખવામા આવી છે.

News18 Gujarati
Last Updated : September 18, 2018, 17:04 IST

સદીના સૌથી ભયાનક પૂરથી પાયમાલ બનેલા કેરળ રાજ્યના લોકોને મદદરૂપ થવા માટે કલાકારો આગળ આવ્યાં છે. રાજ્યનાં રાજકોટ શહેરમાં રાજકોટ સહિત રાજ્યભરના કલાકારોની કૃતિઓ એક પ્રદર્શન યોજાયું છે. આ કલાકૃતિઓના વેચાણમાંથી જે આવક થશે તે, કેરળમાં પૂર અસરગ્રસ્ત લોકોને મોકલવમાં આવશે તેમ જણાવ્યું છે.

કલા અને કલાકારોને કલાના માધ્યમથી પ્રોત્સાહિત કરીને આગળ વધી શકે તે માટે જાન્યુઆરી- ૨૦૧૮માં રાજકોટ આર્ટ સોસાયટીની સ્થાપના કરવામાં આવેલી છે. આ રાજકોટ આર્ટ સોસાયટીના કલાકારો દ્વારા માનવતાનો અભિગમ અપનાવીને કેરળ રાજયના પૂરપીડિતો અને અસરગ્રસ્તોને મદદરૂપ થવા રેસકોર્સની ડો. શ્યામા પ્રસાદ આર્ટ ગેલેરીમાં ત્રણ દિવસના આર્ટ પ્રદર્શનનું આયોજન કરવામાં આવ્યું છે.

આ પેઇન્ટિંગ પ્રદર્શનમાં વિવિધ કૃતિઓની કિંમત રૂ. ૧૦૦૦ થી શરૂ કરીને રૂ. ૧૦,૦૦૦ સુધીની કિંમત રાખવામા આવી છે. આ પ્રદર્શનમાં રાજકોટ સહિત સૌરાષ્ટ્ર, ગુજરાતના કલાકારોએ પણ ભાગ લઇને તેમની કૃતિઓ રજૂ કરી છે.
આ પ્રદર્શનનું ઉદઘાટન રાજકોટના મેયર બીનાબેન આચાર્યએ કર્યું હતું. મેયર બિનાબેન આચાર્યએ જણાવ્યું કે કોઇ પણ કલા એ મનુષ્યની ઉદારતા અને કરૂણાની ભાવનાને પણ જાગૃત કરે છે. તેઓએ કલાકારોના પેઇન્ટિંગ્સનાં પ્રદર્શન થકી કલાકૃતિઓના વેચાણની આવક કેરળના અસરગ્રસ્તોને આપીને માનવતો અભિગમ આપ્યો તે સરાહનીય વાત છે.”

આ પણ વાંચો:

કેરળનો દરિયાદિલ ભિખારી, પૂર રાહતમાં દાન આપ્યા પોતાના 94 રૂપિયા

કેરળવાસીઓ માટે કયા બોલિવુડ સ્ટારે કેટલી કરી મદદ?

કેરળમાં આવેલા ભયંકર પૂરને કારણે મુશ્કેલીમાં મૂકાયેલા લોકોને મદદરૂપ થવા માટે રાજ્યમાંથી વિવિધ સંસ્થાઓ આગળ આવી છે અને સહાય કેરળમાં મોકલી રહી છે.