રાજકોટ: સ્થાનિક સ્વરાજ્યની ચૂંટણીમાં બૂકી બજાર થયું સક્રિય, જાણો- કઈ રીતે રમાય છે કરોડોનો સટ્ટો

રાજકોટ: સ્થાનિક સ્વરાજ્યની ચૂંટણીમાં બૂકી બજાર થયું સક્રિય, જાણો- કઈ રીતે રમાય છે કરોડોનો સટ્ટો
વાયરલ થયેલો સ્ક્રીનશોટ.

Gujarat local body polls: બૂકી બજારમાં તમામ મહાનગરપાલિકામાં ભાજપ (BJP)નો ભગવો લહેરાશે તે પ્રકારના વાવડ મળી રહ્યા છે.

  • Share this:
રાજકોટ: રાજકોટ સહિત રાજ્યની 6 મહાનગર પાલિકાની ચૂંટણી (Gujarat local body polls) માટે મતદાનની પ્રક્રિયા 21મી ફેબ્રુઆરીના રોજ યોજાવાની છે. જ્યારે 23મી ફેબ્રુઆરીના રોજ મત ગણતરી (Counting) થવાની છે. 23મી તારીખના રોજ ગુજરાતની લોકલ બોડીની ચૂંટણીનું સાચું ચિત્ર સ્પષ્ટ થઇ જશે કે આખરે કઈ મહાનગરપાલિકામાં કયા પક્ષ (Political Party)નું શાસન આવશે. ત્યારે મતદાન પ્રક્રિયા યોજાય તે પૂર્વે જ સટ્ટા બજાર (Betting Market)માં હાલ ગરમાવો આવ્યો છે. બૂકી બજારમાં તમામ મહાનગરપાલિકામાં ભાજપ (BJP)નો ભગવો લહેરાશે તે પ્રકારના વાવડ મળી રહ્યા છે. હાલ સોશિયલ મીડિયામાં બૂકી બજારની એક આઈડીનો સ્ક્રીનશોટ પણ વાયરલ થઈ રહ્યો છે.

આ સ્ક્રીન શોટમાં બુકી બજાર દ્વારા પંટરોને કેટલાક વિકલ્પ આપવામાં આવ્યા છે. જે અંતર્ગત 576 સીટ પૈકી 425 ન થાય, 435 બેઠક થાય (ભારતીય જનતા પાર્ટીને મળનાર બેઠક) તે પ્રકારના આંકડા દર્શાવવામાં આવ્યા છે. સાથે સાથે રાજકોટ, અમદાવાદ, સુરત, વડોદરા, ભાવનગર અને જામનગર સહિતની મનપાની બેઠકના આંકડા પણ દર્શાવવામાં આવ્યા છે.



આ પણ વાંચો: રાજકોટ: વિધવા બહેન સંતાનોને છોડીને તેના પ્રેમી સાથે ભાગી જતાં ભાઈએ માર્યાં છરીના ઘા

થાય ન થાયનું ગણિત શું છે? 

સ્ક્રીનશોર્ટમાં જે પ્રકારે લખવામાં આવ્યું છે કે "BJP WILL WIN TOTAL SEATS IN 6 MUNICIPALITY CORPORATION." જે અંતર્ગત નૉ (No) વાળી કોલમમાં 425નો આંક દર્શાવવામાં આવ્યો છે. જ્યારે કે યસ (Yes)ની કોલમમાં 435નો આંક દર્શાવવામાં આવ્યો છે.



જ્યારે કોઈ વ્યક્તિ આઇડી મારફતે જણાવે કે 425 ન થાય. તેનો મતલબ થાય કે ભાજપ 576 પૈકી 425 સીટ નથી જીતી રહી. એટલે કે જ્યારે પરિણામ આવે ત્યારે જો ભાજપ 1 થી લઇ 424 સીટ જ જીતે તો અને તો જ તે વ્યક્તિને તેની વિનિંગ એમાઉન્ટ મળવા પાત્ર થાય છે.

આ પણ જુઓ: પાટણ: જાનૈયા નાચવામાં વ્યસ્ત હતા અને ઘોડા વરરાજાને લઈને ભાગી ગયો!

જ્યારે કોઈ વ્યક્તિ આઇડી મારફતે જણાવે કે 435 થાય. અને તેના પર ક્લિક કરે તો તેનો મતલબ થાય કે ભાજપ 576 પૈકી 435 સીટ અથવા તો તેથી વધુ સીટ જીતી રહી છે. એટલે કે જ્યારે પરિણામ આવે ત્યારે જો ભાજપ 1 થી લઇ 434 સીટ જ જીતે તો પૈસા લગાડનાર વ્યક્તિએ પોતાના પૈસા ગુમાવવાનો વારો આવે છે. જ્યારે કે જો પરિણામમાં 435 કે તેથી વધુ બેઠક જીત્યાનું પરિણામમાં આવે તો તે વ્યક્તિને તેની વિનિંગ એમાઉન્ટ મળવા પાત્ર થાય.
Published by:Vinod Zankhaliya
First published:February 17, 2021, 15:52 pm