અખિલેશ યાદવ આજથી ગુજરાતની મુલાકાતે, 7 ડિસેમ્બર સુધી કરશે પ્રચાર

રાજકોટઃ યુપીના પૂર્વ મુખ્યમંત્રી અખિલેશ યાદવ આજથી ગુજરાતના પ્રવાસે છે. અખિલેશ ગુજરાતના વિવિધ શહેરની મુલાકાત લઈને 4થી 7 ડિસેમ્બર સુધી ચૂંટણી પ્રચાર કરશે. ગુજરાત વિધાનસભાની ચૂંટણીમાં સમાજવાદી પાર્ટીએ પણ પોતાના ઉમેદવાર ઉભા રાખ્યા છે, આ માટે અખિલેશ ચૂંટણી પ્રચાર કરશે. નોંધનીય છે કે હાલમાં જ ઉત્તર પ્રદેશમાં યોજાયેલી સ્થાનિક સ્વરાજની ચૂંટણીઓમાં 16માંથી એક પણ કોર્પોરેશન સમાજવાદી પાર્ટી જીતી શકી ન હતી.

યુપી ચૂંટણીમાં 'ગધેડા'વાળું નિવેદન પડ્યું હતું ભારે

ઉત્તર પ્રદેશની ચૂંટણી વખતે તત્કાલિન મુખ્યમંત્રી અખિલેશ યાદવે રાયબરેલીની એક સભામાં નિવેદન કર્યું હતું કે, 'હુ સદીઓના મહાનાયકને અપીલ કરું છું કે, તેમણે ગુજરાતના ગધેડાઓનો પ્રચાર ન કરવો જોઈએ.' આ નિવેદન પછી ભાજપને મુદ્દો મળી ગયો હતો અને અખિલેશને ગધેડાના નિવેદન પર સડસડતો જવાબ આપ્યો હતો. મોદીએ અખિલેશના નિવેદન પર પલટવાર કરતા કહ્યું હતું કે, 'ગધેડો માલિકને વફાદાર હોય છે. તે બીમાર, ભૂખ્યો કે થાકેલો હોય તો પણ પોતાના માલિકે આપેલું કામ જરૂર પૂરું કરે છે. હું સવા સો કરોડ દેશવાસીઓનો ગધેડો છું. દેશવાસીઓ મારા માલિક છે. હું ગધેડામાંથી પ્રેરણા લઉ છું.' નોંધનીય છે કે અમિતાભ બચ્ચને ગુજરાત ટૂરિઝમ માટે ઘૂડખરની જાહેરાત કરી હતી. જેમાં તેઓ તેને જોવા માટે ગુજરાત પધારવા અપીલ કરતા નજરે પડે છે. અખિલેશની આ ટિપ્પણી પછી ભાજપે તેમને આ મુદ્દે ઘેર્યા હતા અને ઉત્તર પ્રદેશની ચૂંટણીમાં આ મુદ્દો છવાયેલો રહ્યો હતો.

અખિલેશ યાદવનો ગુજરાત પ્રવાસ

4 ડિસેમ્બરઃ

અખિલેશ યાદવ રાજકોટની લેશે મુલાકાત
સાંજે 5 કલાકે પત્રકાર પરિષદ યોજશે

5 ડિસેમ્બરઃ

સવારે 10 કલાકે જામજોધપુરમાં જનસભાને સંબોધશે
બપોરે 1 થી 3 કલાકે કાર્યકર્તાઓ સાથે કરશે મુલાકાત
4 કલાકે લાલપુરમાં સભાને સંબોધશે
રાજકોટ ખાતે સર્કિટ હાઉસમાં રાત્રિ રોકાણ કરશે

6 ડિસેમ્બરનો કાર્યક્રમઃ

સવારે 11 કલાકે ઉપલેટામાં જનસભાને સંબોધશે
સાંજે 4:15 કલાકે મુદ્રા ઓરપોર્ટ પહોંચશે
6 કલાકે મુદ્રામાં જનસભાને સંબોધશે
ગાંધીધામ ખાતે સર્કિટ હાઉસમાં રાત્રિ રોકાણ કરશે

7 ડિસેમ્બરનો કાર્યક્રમઃ

અખિલેશ યાદવનો 7 તારીખનો કાર્યક્રમ
સવારે 11 કલાકે મુદ્રા એરપોર્ટથી દમણ જવા રવાના
બપોરે 1 કલાકે વાપીનાં પારડી ખાતે જનસભાને સંબોધશે
સાંજે 5 કલાકે લખનઉ જવા રવાના

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Assembly election 2017, Gujarat Election 2017