મોરબી પોલીસ બેડામાં ખળભળાટ : હળવદમાં પાંચ પોલીસકર્મી સસ્પેન્ડ, PI-PSI સહિત 18ની બદલી

અતુલ જોશી, મોરબી : રાજકોટ રેંન્જ આઈજી સંદિપ સિંધેની મુલાકાત બાદ હળવદ પોલીસ સ્ટેશનમાં ધરખમ ફેરફાર કરવામાં આવ્યા છે, જેમાં પાંચ પોલીસ કર્મચારીઓને એક ઝાટકે સસ્પેન્ડ કરી દેવતા પોલીસ બેડામાં ચર્ચા જાગી છે. આ ઉપરાંત મોરબી એસપી દ્વારા જીલ્લામાં ફરજ બજાવતા 18 પોલીસ કર્મીઓની બદલીનો ગંજીફો ચાંપવામાં આવ્યો છે.

મોરબી પોલીસ બેડામાં ફરજ બજાવતા કર્મચારીઓનો બદલીનો ઘણવો કાઢવાનું યથાવત રહ્યું છે ગઈકાલે ત્રણ પીઆઇ અને ત્રણ પીએસઆઈની આંતરિક બદલી બાદ આજે મોરબી એ ડીવીઝન પી.આઈ., એસઓજી પીઆઇ, હળવદ પીઆઇ, પીએસઆઇ સહિતનાઓની બદલીઓ કરવામાં આવી છે. આ ઉપરાંત એલસીબી, એ ડીવીઝન, બી ડીવીઝન, મોરબી તાલુકા પોલીસ મથકમાં ફરજ બજાવતા અન્ય 10 પોલીસ કર્મીઓની બદલીનો ઘણવો કાઢયો છે. એટલું જ નહીં હળવદના ડી-સ્ટાફના ચાર પોલીસ જવાન, અન્ય એક સહિત પાંચને સસ્પેન્ડ કરવામાં આવ્યા છે અને આઠની બદલીઓ કરી દેવામાં આવતા ચર્ચાએ જોર પકડ્યું છે.

મોરબી એસપી સુબોધ ઓડેદરા દ્વારા મોરબી સીટી એ ડિવિઝન હેડકોન્સ્ટેબલ સંજયભાઈ બાલાસરા, ભાનુભાઈ બાલાસરા અને સમરથસિંહ ઝાલાને માળીયા મિયાણા બદલી કરાઈ છે, વધુમાં ભરતભાઇ હુંબલની વાંકાનેર તાલુકા, મોરબી સીટી બી ડિવિઝનમાં ફરજ બજાવતા રાજેશભાઇ ડાંગર અને પ્રકાશભાઈ ડાંગરની ટંકારા ખાતે બદલી કરાઈ છે તથા ગોરધનભાઈ રાઠોડની વાંકાનેર સીટી અને મોરબી તાલુકામાં ફરજ બજાવતા સંજયભાઈ નકુમની સીટી બી ડિવિઝનમાં બદલી કરવામાં આવી છે. વધુમા સીટી એ ડિવિઝનનના મહેન્દ્રસિંહ ઝાલાને સીટી બી ડિવિઝનમાં તાત્કાલિક હાજર થવા અને કિશોરભાઈ મિયાત્રાને વાંકાનેર તાલુકામાં હાજર થવા જણાવાયું છે.

આ પણ વાંચો - લગ્નેત્તર સમસ્યાથી પરેશાન વ્યક્તિએ પ્રાઇવેટ પાર્ટ કાપી નાખ્યો, પરિવાર કપાયેલા પાર્ટ સાથે તેને લઈ હોસ્પિટલ પહોંચ્યો

હળવદ પોલીસ મથકના પી.આઇ.પી.એ.દેકેવાડિયા અને પી એસ.આઈ.પી.જી.પનારા,અરવિંદભાઈ ઝાપડીયા,સુરેશકુમાર ટાપરિયા અને કિશોરભાઈ પારધીની મોરબી સીટી એ ડિવિઝન, પોલીસ કોન્સ્ટેબલ યોગેશદાન ટાપરિયાની વાંકાનેર તાલુકા, એલઆર મુમાભાઈ ક્લોતરાની ટંકારા, હેડ કોન્સ્ટેબલ ગિરીશકુમાર ટાપરિયાની વાંકાનેર સીટી,કોન્સ્ટેબલ દેવેન્દ્રસિંહ ઝાલાને વાંકાનેર તાલુકા, ચંદુલાલ ઇન્દ્રલિયાની ટંકારા બદલી કરાઇ છે. આ ઉપરાંત યોગેશ દાન ગઢવી, જયપાલસિંહ ઝાલા, વિક્રમભાઈ શિહોરા, હરપાલસિંહ રાઠોડ,વિનેશભાઈ ખરાળીને સસ્પેન્ડ કરાયા છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Morbi News, Morbi Police, મોરબી