હળવદનાં LRD જવાને સર્વિસ રિવોલ્વરથી ગોળી મારી ટૂંકાવ્યું જીવન, કારણ અકબંધ

અતુલ જોશી, મોરબી : હળવદના સાપકડાં ગામના વતની અને લોકરક્ષક તરીકે મોરબી જીલ્લામાં ફરજ બજાવતાં અનિલ દાનાભાઈ ડાભીએ સર્વિસ રિવોલ્વરથી પોતાની જાતને ગોળી મારીને આપઘાત કરી લીધો છે. સ્થાનિક પોલીસની ટીમે સાપકડાં ગામનાં ઘરે જઇને તપાસ હાથ ધરી છે. હાલ તેમના મૃતદેહને પીએમ માટે રાજકોટ ખાતે ખસેડવામાં આવ્યો છે. એલઆરડી જવાને આ અંતિમ પગલુ કેમ ભર્યું હજી તેનું ચોક્કસ કારણ સામે આવ્યું નથી.

મળતી માહિતી પ્રમાણે, લોકરક્ષક તરીકે મોરબી જીલ્લામાં ફરજ બજાવતાં અનિલ દાનાભાઈ ડાભીએ ચૂંટણી ફરજ માટે આપવામાં આવેલી સરકારી રિવોલ્વરથી ગોળી ધરબી આત્મહત્યા કરી લીધી છે. જેમાં રાત્રીના આશરે 10 : 30 વાગ્યાની આસપાસ એલઆરડી પોલીસકર્મી અનિલ ડાભી પોતાના હળવદના સાપકડાં ગામે ઘેર હતા. આ દરમિયાન અચાનક જ ફાયરિંગનો અવાજ આવતા પરિવાર જનો દોડી ગયા હતા. જે બાદ અનિલ ડાભીને ગંભીર હાલતમાં હળવદ સિવિલ હોસ્પિટલમાં લઈ જતા પહેલા જ મોત નીપજ્યું હતું.



બનાવની જાણ થતાં જ હળવદ પોલીસ, મોરબી એસપી એસ.આર.ઓડેદરા, ડીવાયએસપી રાધિકા ભારાઈ સહિતનો પોલીસ કાફલો તાબડતોબ હળવદ દોડી ગયો હતો.



મૃતદેહને હળવદ હોસ્પિટલ બાદ પીએમ માટે ફોરેન્સિક લેબ માટે રાજકોટ ખાતે ખસેડાયો હતો અને આગળની કાર્યવાહી હળવદ પોલીસે હાથ ધરી છે.

સાબરમતી, મહી, વિશ્વામિત્રી, ભાદર નદી 2,275 કરોડનાં ખર્ચે બનશે 'પ્રદૂષણમુક્ત'

Horoscope Today, 9 November 2020: કર્ક, સિંહ અને કન્યા રાશીના લોકોનો દિવસ ખુશીથી ભરપુર રહેશે

જોકે, આ આત્મહત્યા કેમ કરી એ કારણ હજુ સ્પષ્ટ નથી થયું પરંતુ અનિલ ડાભીના છ માસ પૂર્વે જ લગ્ન થયા હતા. ત્યારે આશાસ્પદ યુવાન અને લોકરક્ષક પોલીસકર્મીએ મોતને વ્હાલું કરી લેતા નાના એવા સાપકડાં ગામ અને પોલીસબેડામાં શોકની લાગણી છવાઈ ગઇ છે.

હળવદના સાપકડાં ગામના LRD પોલીસકર્મીએ ચૂંટણી ફરજ માટે આપેલી સર્વિસ રિવોલ્વર માંથી ભડકો કરી આત્મહત્યા કરતા પોલીસ બેડામાં શોકનો માહોલ છવાઇ ગયો છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: LRD, Morbi, આત્મહત્યા, ગુજરાત