મોરબીઃ નાની વાવડીમાં 1977માં રૂ.3000 સામે ગીરવે મૂકી જમીન, આરોપીએ પચાવી પાડી, લેન્ડ ગ્રેબીગની ફરિયાદ નોંધાઈ

મોરબી તાલુકા પોલીસ સ્ટેશન ફાઈલ તસવીર

Morbi news: રૂ. 3000- સામે સને-1977માં ગીરવે આપી હતી અને ત્યારથી જ આ જમીનનો કબ્જો તેઓની પાસે હોય અને બાદ હાલ આ જમીન આરોપી પાસે છે.

  • Share this:
    અતુલ જોષી, મોરબીઃ મોરબીનાં (Morbi news) નાની વાવડીમાં અનેક ભ્રષ્ટાચાર જોવા મળી રહ્યા છે ત્યારે ગેરકાયદેસર બાંધકામનોપણ વાવડી ગામમાં રાફડો ફાટી નીકળ્યો છે ફાયર થી લઈને તમામ નિયમોને નેવે મૂકી નાની વાવડી ગામમાં ગેરકાયદેસર બાંધકામોનો રાફડો ફાટી નિકળ્યો છે ત્યારે આ નાની વાવડીના જુના ગામમાં પ્લોટ વિસ્તારમાં રહેતા જીતેન્દ્રભાઇ અમૃતલાલ આશર (ઉ.વ.48) એ આરોપી દેવજીભાઇ જશમતભાઇ પડસુંબિયા વિરુદ્ધ પોલીસ ફરિયાદ (police complaint) નોંધાવી છે.

    જેમાં ફરિયાદીની વડીલોપાર્જીત મોરબી તાલુકાના નાની વાવડી ગામમાં આવેલ સર્વે નં.488 વાળી આશરે 8 વિઘા જમીન પોતાના દાદા મગનલાલ ભાણજીભાઇ આસરએ આરોપીના પિતા જશમતભાઇ મોતીભાઇ પડસુંબીયાને રૂ. 3000- સામે સને-1977માં ગીરવે આપી હતી અને ત્યારથી જ આ જમીનનો કબ્જો તેઓની પાસે હોય અને બાદ હાલ આ જમીન આરોપી પાસે છે.

    જેઓને ફરિયાદીએ જમીન ગીરવેમાંથી છોડાવવા કહેતા પરત આપેલ ન હોય અને અનઅધિકૃત રીતે કબ્જો કરીને આ જમીન પચાવી પાડી હતી. મોરબી તાલુકા પોલીસે આરોપી વિરુદ્ધ ગુજરાત જમીન પચાવી પાડવા પર (પ્રતિબંધ) વિધેયક 2020ની કલમ હેઠળ ગુનો નોંધી આગળની વધુ તપાસ હાથ ધરી છે.

    આ પણ વાંચોઃ-પતિ નીકળ્યો દગાબાજ તો 10 વર્ષ સુધી ન કર્યું સેક્સ, પત્નીએ વ્યક્ત કરી દર્દભરી કહાની

    આ પણ વાંચોઃ-અમદાવાદઃ અમરાઈવાડીમાં ખેલાયો ખૂની ખેલ! અંગત અદાવતમાં રાજાએ કરિયાણાના વેપારીની છરી વડે કરી હત્યા

    આ પણ વાંચોઃ-પતિએ ક્રૂરતાની હદ વટાવી! અમદાવાદઃ વિદેશમાં બેશીને વીડિયો કોલ ઉપર પત્ની પાસે 'ગંદુ કામ' કરાવી પતિ લેતો વિકૃત આનંદ

    ઉલ્લેખનીયછે કે નાની વાવડી મોરબી શહેરથી નજીક હોય ગામના આગેવાનો અને સરકારી કર્મચારીઓની મિલીભગતથી અનેક કામોમાં ભ્રષ્ટાચાર થયા હોવાની ચર્ચાઓ પણ જોર શોરથી ચાલી રહી છે ત્યારેઆગામી સમયમાં સરપંચની ચૂંટણી પૂર્વે જ જો આ તપાસ તંત્ર દ્વારા કરવામાં આવે તેવી પણ લોકમાંગ ઉઠવા પામી છે.

    જો કે નાની વાવડીમાં હાલ કોંગ્રેસ ના કાર્યકાળ દરમિયાન આપવામાં આવેલા કામ અને ઠરાવોની યોગ્ય તપાસ કરાવીને લોકો સમક્ષ મુકવામાં આવે તે જરૂરી છે આ માટે આગામી સમયમાં અરજદાર દ્વારા કોર્ટનું શરણ લઈ જાહેરહિતની અરજી કરવામાં આવાનાર હોવાનું પણ જાણવા મળ્યું છે.
    Published by:ankit patel
    First published: