બાઇક કે કારમાં ઓઇલ ભરાવતા પહેલા ચકાસી લેજો, ખ્યાતનામ ઓઇલ કંપનીના બનાવટી ઓઇલનું કૌભાંડ ઝડપાયું

અતુલ જોશી, મોરબી: મોરબી (Morbi News)માંથી નામાંકીત ઓઇલ કંપનીના નામે ભેળસેળ યુક્ત ઓઇલ બનાવતી ફેકટરી ઝડપાતા ઉહાપોહ મચી જવા પામ્યો છે. મોરબી એલસીબી પોલીસે (LCB Police) લાતી પ્લોટ ખાતે રેઇડ પાડી રૂપિયા 25,50,995 ના મુદામાલ સાથે બે શખ્સોને દબોચી લઈ સમગ્ર કૌભાંડ (Fake Oil Scam) ઉઘાડું પડ્યું હતું. મોરબી જિલ્લા પોલીસ વડાએ ચાર્જ સંભાળતાની સાથે જ સટાસટી બોલાવી નામાકિત કંપનીઓની ડુપ્લીકેટ ચિજવસ્તુ બનાવી બજારમાં વેચતા અસામાજીક તત્વો સામે કાયદેસરની કાર્યવાહી કરવા પોલીસ સ્ટાફને કડક સૂચના આપી છે. જેને પગલે એલસીબી પોલીસ પ્રયત્નશીલ હતી.

આ દરમિયાન શહેરના લાતી પ્લોટ શેરી નં. -06 મુમનગર ચોક શિવમ પ્લાય અને હાર્ડવેરની બાજુમાં, દિનેશભાઇ દલવાડીના મોટર સાયકલ, સી.એન.જી.રીક્ષા, ફોર વ્હીલ સહિતના વાહનોનામાં વપરાતા જુદી-જુદી નામકિત કંપનીના ઓઇલના નામે ભેળસેળ યુક્ત ડુપ્લીકેટ ઓઇલ બનાવવાનું કૌભાંડ ચાલતું હોવાની બાતમી મળી હતી. જેને પગલે પોલીસે રેઇડ કરતા હોન્ડા 4-સ્ટોર્ક એન્જીન ઓઇલ, હિરો ૪-ટી પ્લસ મો.સા. એન્જીન ઓઇલ, કેસ્ટ્રોલ એકટીવ ઓઇલ, સર્વે સુપર 4- સ્ટોર્ક એન્જીન ઓઇલ, મેક 2-ટી ઓઇલ, બજાજ ડીટીએસ પ્રિમીયમ એન્જીન ઓઇલ, ગલ્ફ 4-ટી ઓઇલ - ઓઇલના નામે ભેળસેળ યુક્ત ઓયલ બનાવતા હોવાનું ભોપાળુ છતું થયું હતું.

આ પણ વાંચો- કોના માટે છે કોરોના વાયરસની રસીનો બુસ્ટર ડોઝ? જાણો, તમને મૂંઝવતા તમામ સવાલોના જવાબ

આ કામગીરી દરમિયાન એલસીબી પીઆઇ એમ.આર.ગોઢાણીયા, પીએસઆઇ એન.બી.ડાભી, એન.એચ.ચુડાસમા એ.ડી.જાડેજા,  પેરોલ ફર્લો સ્કવોડ, એ.એચ.ટી.યુ. સ્ટાફના દિલીપભાઇ ચૌધરી , વિક્રમસિંહ બોરાણા , જયવંતસિંહ ગોહીલ , નિરવભાઇ મકવાણા, ભગીરથસિંહ ઝાલા, સહિતના જોડાયા હતા.

આ પણ વાંચો- LRD Exam: એલઆરડીના પરીક્ષાર્થીઓ માટે એસટી નિગમે કરી ખાસ વ્યવસ્થા

ઓઇલ બનાવવાની રીત

રો મટીરીયલમાં બેઇઝ ઓઇલ, એડીટીવ કેમીકલ , ઓઇલ બેઇઝ કલર , ગુલાબનું પરફ્યુમ મિક્ષ કરી ટુવ્હીલર , ફોર વ્હીલર , ઓટો રીક્ષામાં વપરાતા 20,10,05 તથા 01 લીટર તથા 800, 900 મીલીના નામાકિત કંપનીના આબેહુબ ડોલડબા તથા પ્લામ્ટના પાઉચમાં ભરી પેકીંગ કરી શીલીંગ મશીન દ્વારા શીલ કરી એમ.આર.પી. પ્રિન્ટર મશીનથી પ્રિન્ટ કરી તૈયાર પુઠાના પ્રિન્ટેડ બોક્ષમાં પેક કરી કંપનીના નામની સેલોટેપથી કાર્ટુનો પેક કરતા હતા . મોરબી એલસીબી પોલીસે બન્ને આરોપીની અટકાયત કરી છે અને મુદામાલ કબજે કરી એ ડિવિઝન પોલીસ મથકે ગુનો નોંધવા તજવીજ હાથ ધરી છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Crude oil price, Morbi Crime, Morbi Crime News, મોરબી