Morbi Bridge Collapse: લાઇવ રિપોર્ટિંગ દરમિયાન મૃતકના પરિવારજનોના હૈયાફાટ રુદનને જોઈને સંવાદદાતા પણ રડી પડ્યાં

અમદાવાદઃ રવિવારે સાંજે મોરબીમાં બનેલી ઝૂલતા પુલની દુર્ઘટનાને લઈને સમગ્ર ગુજરાતમાં શોક છે. અત્યાર સુધીમાં 134 લોકોના મોત થયા હોવાનો સત્તાવાર આંકડો જાહેર કર્યો છે. ત્યારે ન્યૂઝ18 ગુજરાતીની ચેનલે આ દુર્ઘટનામાં મૃત્યુ પામેલા લોકોની મુલાકાત લીધી હતી અને તેમની શું પરિસ્થિતિ છે તે વિશે લોકોને માહિતગાર કર્યા હતા.

હૈયાફાટ આક્રંદથી આંસુ છલકાયાં

ન્યૂઝ18 ગુજરાતીના સંવાદદાતા સંધ્યા પંચાલ મૃતકના પરિવારજનોને મળે છે, ત્યારે તેમનું હૈયાફાટ આક્રંદ તેમને હચમચાવી મૂકે છે. લાઇવ રિપોર્ટિંગ દરમિયાન થતું આ આક્રંદ ક્યાંકને ક્યાંક સંવાદદાતાને ઓગાળી દે છે. જ્યારે સંધ્યા પણ આ ઘટનાની વાસ્તવિકતાની નજીક જાય છે, ત્યારે પોતાના આંસુ રોકી શકતા નથી. તેમની આંખો પણ મૃતકના પરિવારજનોનું આક્રંદ સાંભળીને ભરાઈ આવે છે.

આ પણ વાંચોઃ મોરબીની દુર્ઘટનાના પાંચ હૃદયદ્રાવક કિસ્સા

આ સાંજ ગોઝારી હશે કોને ખબર?

મચ્છુ હજુય ભૂખી હશે કોને ખબર?

તંત્ર આવું બેરદરકાર હશે કેને ખબર?#MorbiTragedy #MorbiBridgeCollapse #MorbiBridge pic.twitter.com/SkRBSiqMbk

— News18Gujarati (@News18Guj) October 31, 2022

મારી આંખો અચાનક છલકાઈ ગઈઃ સંધ્યા

સંધ્યા જણાવે છે કે, ‘હું ગઈ ત્યારે કેટલાક લોકો સ્મશાનમાંથી અગ્નિદાહ આપીને ઘરે આવ્યા હતા. એક જર્નલિસ્ટ તરીકે ગમે તેવા હોઈએ પણ કમોતે જે મરે છે તેના સ્વજનો પર વીતતી હોય તે મને ફીલ થતું હતું. તેમની જગ્યાએ હું હોત ત્યારે મારી પરિસ્થિતિ શું હોત, હું એ જગ્યાએ મને પોતાને મૂકીને જોતી હતી અને ત્યારે જ અચાનક મારી આંખો છલકાઈ ગઈ હતી અને હું રડવા લાગી હતી.’

આ પણ વાંચોઃ સુરેન્દ્રનગરનું દંપતી ખંડિત, અડધી રાતે સાળા-બનેવીના મૃતદેહ મળ્યાં

મૃતકના પરિવારજનોએ આપવીતી સંભળાવી

એવું કહેવાય છે કે, અમુક પ્રોફેશન બહુ જ કડક રીતે તેમના સિદ્ધાંતોને વળગેલા હોય છે. જર્નલિઝમ પણ એવું જ એક પ્રોફેશન છે. ત્યારે લાઇવ રિપોર્ટિંગ માટે મોરબી ગયેલા સંવાદદાતા સંધ્યા પંચાલ જે રીતે પરિવારજનો સાથે વાતચીત કરે છે અને તેમની આપવીતી સાંભળે છે. ત્યારે આક્રંદ અને હૈયાફાટ રૂદનને કારણે તેઓ પણ પોતાના આંસુ રોકી નથી શકતા અને રડી પડે છે. આ ઘટના જ પુરવાર કરે છે કે, કેટલી ગંભીર દુર્ઘટના થઈ હશે!

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Morbi, Morbi Accident, Morbi hanging bridge, Morbi News