Diwali ટાંણે રીક્ષામાં બેસતા પહેલા ચેતજો! મોરબીમાં મુસાફરોને રીક્ષામાં છરીની અણીએ લૂંટતી ત્રિપુટી ઝડપાઈ

અતુલ જોશી, મોરબીઃ અત્યારે દિવાળીના તહેવારોનો (Diwali festival) માહોલ ચારે બાજુમાં ચાલી રહ્યો છે. ત્યારે લોકોના ખિસ્સા કાપવા અને લોકોને લૂંટતી ટોળકીઓ પણ સક્રિય થઈ ગઈ છે. જોકે, પોલીસ પણ આવી ગેંગને દબોચવા માટે સક્રિય બની છે. મોરબી પોલીસે (Morbi police) ગત 6 તારીખના દિવસે અલગ અલગ બે જગ્યાએ પેસેન્જરોને રીક્ષામાં બેસાડી છરીની અણીએ લૂંટ ચલાવનાર (loots with passengers) ત્રિપુટીને કુલ રૂ. 82,540ના મુદ્દામાલ સાથે ઝડપી પાડી હતી.

આ ત્રિપુટીએ થોડા દિવસ પહેલાં અલગ અલગ બે જ્ગ્યાએ રીક્ષામાં પેસેન્જરોને બેસાડી છરીની અણીએ લૂંટ ચલાવી હતી. જેમાં એક પેસેન્જર પાસેથી રોકડા રૂ. 7200 તથા એક મોબાઇલ કિંમત રૂ. 3000 તથા બીજા પેસેન્જર પાસેથી રોકડ રૂ.6000 તથા બે મોબાઇલ કિંમત રૂ. 8000ની લૂંટ ચલાવી હતી જે અંગે મોરબી સીટી એ ડિવી. પોલીસ સ્ટેશનમાં અલગ અલગ બે ગુન્હાઓ રજીસ્ટર થયેલ હતાં.

જે ગુન્હાઓ ડિટેક્ટ કરવા પોલીસે સીસીટીવી કેમેરાઓ ચેક કરતાં ફરીયાદમાં જણાવેલ શંકાસ્પદ રીક્ષા રજી. નં. જીજે-13-એવી-2927 જોવા મળેલ તે આધારે તપાસ ચલાવતા રીક્ષા સુરેન્દ્રનગરની હોવાનું જાણવા મળેલ અને ત્રણેય આરોપી સુરેન્દ્રનગરનાં હોવાનું જાણવા મળ્યું હતું.

આ પણ વાંચોઃ-દાહોદનો ચેતવણીરૂપ કિસ્સો! પત્ની સાથે રેલવે અધિકારી કેક લેવા બજાર ગયા, બર્થડેના દિવસે જ બાળકોને બાનમાં લઈ ચલાવી રૂ.32.50 લાખની લૂંટ

આ પણ વાંચોઃ-આણંદ: મોતનો મલાજો સાચવતા અલ્પાબેન! બિનવારસી લાશોની 'દીકરી' બની સન્માન સાથે કરે છે અંતિમવિધિ

આ પણ વાંચોઃ-ડોક્ટરોની ગંભીર બેદરકારી! ઓપરેશન બાદ ગર્ભવતી મહિલાનું મોત, અંતિમસંસ્કાર બાદ અસ્થી ભેગી કરતા સમયે રાખમાંથી મળી કાતર

પોલીસે તપાસનાં આધારે ત્રણેય આરોપી હૈદરભાઈ ઈસ્માઈલભાઈ પઠાણ(ઉ.વ.20), રફીકભાઈ ઉર્ફે ફજલ યાસીનભાઈ કોડિયા(ઉ.વ.25), પ્રકાશભાઈ ઉર્ફે પકો નરશીભાઈ ભોજૈયા(ઉ.વ.23) ને સીએનજી રીક્ષા કિંમત રૂ. 70,000, મોબાઇલ નંગ 3 કિંમત રૂ. 1540 તથા છરી મળી કુલ રૂ. 82,540નાં મુદ્દામાલ સાથે ઝડપી પાડ્યા હતા.



ત્યારબાદ ધોરણસરની કાર્યવાહી હાથ ધરી હતી. આ કામગીરીમાં પીઆઈ બી.જી.સરવૈયાનાં માર્ગદર્શન હેઠળ પો.સ.ઈ. એન. એચ. ચુડાસમા, એએસઆઈ મણીલાલ ગામેતી, પો.હેડ કોન્સ. કિશોરભાઈ મીયાત્રા, શક્તિસિંહ ઝાલા, શેખાભાઈ મોરી, અજીતસિંહ પરમાર, પો.કોન્સ. ચકુભાઈ કરોતરા, જયપાલભાઈ લાવડિયા, ભરતભાઈ ખાંભલા, ભાનુભાઈ બાલાસરા, ભાવેશભાઈ મીયાત્રા સહિતનાઓ રોકાયેલા હતાં.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Diwali festival, Morbi Police