Home /News /kutchh-saurastra /

કચ્છ : તનિશ્કના શોરૂમ પર હલ્લાબોલ, મેનેજરે માફીપત્ર મૂકવો પડ્યો, ઘટનાનો Video વાયરલ

કચ્છ : તનિશ્કના શોરૂમ પર હલ્લાબોલ, મેનેજરે માફીપત્ર મૂકવો પડ્યો, ઘટનાનો Video વાયરલ

સામાજિક કાર્યકરના હલ્લાબોલ બાદ શોરૂમે બહારમાં ખુલાસો મૂક્યો હતો.

ગાંધીધામમાં સામાજિક કાર્યકરે તનિશ્કના શોરૂમમાં જઈ ધાર્મિગ લાગણી દુભાવાના કારણે માફી માંગવાની માંગ કરી. તેમની માંગ બાદ માફી પત્ર મૂકાયું

    કચ્છ : પ્રખ્યાત બ્રાન્ડ તનિષ્ક (Tanishq)ની નવી એડવર્ટાઝમેન્ટમાં એક હિન્દુ યુવતી અને મુસ્લિમ યુવક સાથે લગ્ન બતાવ્યાં છે જેને પરિવાર પહેલાં અપનાવતું નથી પણ જ્યારે યુવતી ગર્ભવતી થાય છે ત્યારે તેને પરિવાર દ્વારા અપનાવી લેવામાં આવે છે. આ એડવર્ટાઇઝમેન્ટને લવ જેહાદ સાથે જોડવામાં આવી છે અને તેનો વિરોધ કરવામાં આવી રહ્યો છે. આ વિરોધના વંટોળ પછી તનિશ્ક દ્વારા આ એડને સત્તાવાર રીતે પાછી ખેંચવામાં આવી અને એક ખુલાસો પણ આપવામાં આવ્યો હતો. જોકે, આ ઘટનાના પડઘાં આખા દેશ સાથે રાજ્યના કચ્છમાં (Kutch Gandhi Dham Taqishq Controversy) માં પણ પડ્યા છે.

    ગઈકાલે કચ્છના ગાંધીધામમાં આવેલા તનિશ્કના શો-રૂમમાં સામાજિક કાર્યકર પોતાની રજૂઆત કરવા ગયેલા હતા અને તેમણે શોરૂમ સંચાલકો પાસે માફીની માંગણી કરાવી હતી. જોકે, તેમનો આ વીડિયો વાયરલ થયો છે. આ વીડિયોમાં જે સામાજિક કાર્યકર છે તે સામજીભાઈ આહિર હોવાની વિગતો બહાર આવી છે. જોકે, શામજી ભાઈ આહિરના વીડિયો વાયરલ થયા બાદ સોશિયલ મીડિયામાં કચ્છ શોરૂમમાં તોડફોડ થઈ હોવાના મેસેજ વાયરલ થયા હતા.

    જોકે, આ મામલે શામજી ભાઈ આહીરે જણાવ્યું હતું કે 'શોરૂમમાં જઈને ફક્ત રજૂઆત કરી હતી. તોડફોડ નથી કરી અને એવી કોઈ ઘટના ઘટી નથી. આ મામલે કચ્છના પોલીસ વડાએ ન્યૂઝ 18 ગુજરાતીને જણાવ્યું હતું કે આવી કોઈ ઘટના ઘટી નથી અને તોડફોડનો કોઈ મામલો નથી. જોકે, અફવાઓનું બજાર ગરમ રહ્યું હતું.



    આ પણ વાંચો :  જૂનાગઢ : 'જીવતા રહેવું હોય તો 50 લાખ આપી દેજે,'નામાંકિત તબીબ પાસે ખંડણી માંગનાર ઝડપાયો

    જોકે, આ મામલે તનિશ્ક કંપનીએ રાષ્ટ્રીય સ્તરે પોતાનો ખુલાસો આપ્યો છે પરંતુ કચ્છમાં તેના પડઘાં પડ્યા બાદ શોરૂમના મેનેજમેન્ટ બહાર એક માફી આપતો ખુલાસો મૂક્યો છે. આ મામલે ઘટનાનો વીડિયો પણ સામે આવ્યો છે. ઉલ્લેખનીય છે કે આ મામલે દેશમાં ઇન્ટરનેટ બે ભાગમાં વહેચાઈ ગયું છે.

    આ પણ વાંચો :  અમદાવાદ : યુવતીનો વીડિયો ઉતારી રહ્યો હતો આધેડ, રણચંડીએ લાકડીએથી કરી ધોલાઈ

    શોરૂમ બહાર મૂકવામાં આવેલો માત્રી પત્ર


    કંગના રનૌટે પણ વિવાદમાં ઝંપલાવ્યું હતું

    આ મામલે જાણીતી અભિનેત્રી કંગનાએ તનિષ્કની એડ જોતા કંગના રનૌત ભડકી અને તેણે ટ્વિટર પર લખ્યું છે કે, 'હિન્દુ હોવાને કારણે આપણે ઘણું સતર્ક રહેવાની જરૂર છે. ક્રિએટિવ આતંકવાદીઓ આપણાં મગજમાં શું ઘુસાડી રહ્યાં છે. આપણે આવા વિષય પર ચર્ચા મુલ્યાંકન કરવાની જરૂર છે. જે આપણાં મગજમાં ખોટું ભરતા જઇ રહ્યાં છે. આ તમામની શું અસર હોય છે. આપણી આ સભ્યતાને બચાવવાનો એક માત્ર ઉપાય છે આ તમામનો વિોરધ કરવો.' કંગનાએ બીજી એક ટ્વિટ કરીને લખ્યું હતું કે, 'આ એડ ઘણી ખરી રીતે ખોટી છે. જેમ તેમાં દર્શાવવામાં આવ્યું છે કે, લાંબા સમય સુધી હિન્દૂ વહુ તેમની સાથે રહે છે પણ તેને સ્વીકાર ત્યારે થાય છે જ્યારે તે ઘરને વારિસ આપવાની છે. તેનો અર્થ છે કે, શું મહિલા બાળક પેદા કરવાની મશીન છે. કંગનાએ આ એડ પર આરોપ લગાવતા કહ્યું કે, ફક્ત લવ જેહાદ જ નહીં પણ લિંગભેદને પણ આ એડ પોશે છે.'
    Published by:Jay Mishra
    First published:

    Tags: વાયરલ વીડિયો

    विज्ञापन

    विज्ञापन

    આગામી સમાચાર

    विज्ञापन
    विज्ञापन