Home /News /kutchh-saurastra /

Kutch: અબડાસાના નારાણપર ગામની વાડીમાં મિત્રએ સંતાડેલો 12.73 લાખનો દારૂ LCBના હાથે લાગ્યો

Kutch: અબડાસાના નારાણપર ગામની વાડીમાં મિત્રએ સંતાડેલો 12.73 લાખનો દારૂ LCBના હાથે લાગ્યો

પકડાયેલ આરોપી અને દારૂ

પશ્ચિમ કચ્છ લોકલ ક્રાઇમ બ્રાન્ચ દ્વારા અબડાસા તાલુકાના નારાણપર ગામે વાડીમાં રાખેલો રૂમ 12.73 લાખનો દારૂ ઝડપી પાડયો

    કચ્છ: પશ્ચિમ કચ્છ લોકલ ક્રાઇમ બ્રાન્ચ દ્વારા નારાણપર ગામમાં વાડી વિસ્તારમાંથી જુદી જુદી છ બ્રાન્ડની અંગ્રેજી શરાબ જપ્ત કરાઈ હતી. નદી પાસે આવેલી વાડીમાંથી પોલીસે રૂ. 12.73 લાખનો દારૂ ઝડપી પાડયો હતો. પશ્ચિમ કચ્છ પોલીસની લોકલ ક્રાઇમ બ્રાન્ચ છેલ્લા ચાર દિવસથી દારૂબંધીને લઈને હરકતમાં આવી છે. ગત અઠવાડિયે શુક્રવાર, શનિવાર અને રવિવાર ત્રણ દિવસમાં પશ્ચિમ કચ્છની એલસીબીએ કુલ ચાર જગ્યાએ રેડ પાડી કુલ રૂ. 26,065નો દેશી તથા વિદેશી દારૂ ઝડપી પાડયો હતો.


    સોમવારે ફરી પશ્ચિમ કચ્છ પોલીસ એલસીબી દ્વારા અબડાસા તાલુકામાં કોઠારા પોલીસ સ્ટેશનની હદમાં આવતા નારાણપર ગામેથી વિવિધ છ બ્રાન્ડનો અંગ્રેજી શરાબ પકડી પાડયો હતો જેની કુલ કિંમત રૂ. 12,73,960 છે. સોમવારે પશ્ચિમ કચ્છ એલસીબીની ટીમ પ્રોહિબિશનના કેસ શોધવા કોઠારા પોલીસ સ્ટેશનની હદમાં હતી ત્યારે એલસીબીના ઇન્ચાર્જ પોલીસ ઇન્સ્પેક્ટર એચ.એમ. ગોહિલ દ્વારા અપાયેલ માહિતી મુજબ વિંજાણ નારાણપર રોડ ઉપર નદીના કાંઠે આવેલી વાડીની ઓરડીમાં ભારતીય બનાવટનો વિદેશી દારૂનો જથ્થો રાખવામાં આવેલ હતો.

    આ પણ વાંચો: જામનગર જિલ્લામાં જીરાના ઉભા પાક પર માવઠાનો માર, ખેડૂતે ટ્રેક્ટર ફેરવી નાખ્યું

    માહિતી મુજબ વાડી પર રેડ પાડતા વાડીની ઓરડીમાંથી બારે નીકળેલો પોલીસને જોઈ નાસવાનો પ્રયાસ કરતા પોલીસે તેને પકડી પાડયો હતો. 42 વર્ષીય દેવેન્દ્રસિંહ ગજુભા જાડેજાની પૂછપરછ કરતાં તેણે જણાવ્યું હતું કે માંડવી તાલુકાના કોટાયા ગામના હરી હરજી ગઢવી દ્વારા ગત રાત્રિએ દારૂ તેની વાડી પર સંતાડવામાં આવ્યો હતો. આ મુદ્દે પોલીસે દેવેન્દ્રસિંહ અને હરિભાઈ વિરુદ્ધ ઇન્ડિયન પીનલ કોડની કલમો તળે ગુનો નોંધ્યો હતો.

    આ પણ વાંચો: અમદાવાદ : ધડાધડ ફાયરિંગ કરી લૂંટ ચલાવનાર ઝડપાયા, ભાગ પાડતા હતા ત્યાં પોલીસ ત્રાટકી

    રેડ દરમ્યાન પોલીસને વાડીની ઓરડીમાંથી નાઈટ બ્લુ મેટ્રો લિકરની 1,488 બોટલો, મેકડોવેલ્સ નં. 1 સુપિરિયાર વ્હિસ્કીની 480 બોટલ, રોયલ ચેલેન્જ ક્લાસિક પ્રીમિયમ વ્હિસ્કીની 360 બોટલ, સિગ્રામ્સ બ્લેન્ડર્સ પ્રાઈડની 48 બોટલ, મેકડોવેલ્સ નં. 1 સુપિરિયાર વ્હિસ્કીની 1,176 બોટલો ઉપરાંત ટયુબર્ગ બિયરના 1,680 ટીન પકડી પડ્યા હતા. તમામ હરિયાણામાં વેચાણ અર્થે ઉત્પાદિત 3,522 બોટલો અને બિયરના 1,680 ટીનની કુલ કિંમત રૂ. 12,73,960 થાય છે. આ ઉપરાંત આરોપી પાસેથી રૂ. 5000ની કિંમતનો મોબાઈલ ફોન પણ જપ્ત કરાયો હતો.
    Published by:kuldipsinh barot
    First published:

    Tags: Kutch, Kutch Police, કચ્છ

    विज्ञापन

    विज्ञापन

    આગામી સમાચાર

    विज्ञापन
    विज्ञापन