જૂનાગઢ: રેલવે તંત્ર દ્વારા વધુ બે મીટરગેજ ટ્રેન દોડાવવાનો નિર્ણય કરાયો; જાણો સંપૂર્ણ વિગતો..

Junagadh News: કોરોના સંક્રમણને (Covid-19) કારણે છેલ્લાં લાંબા સમયથી અનેક ટ્રેનો (Railway) બંધ કરવામાં આવી હતી, જે પછી હાલમાં કોરોનાની બીજી લહેર બાદ કોરોનાનું સંક્રમણ ઘટ્યું છે, ત્યારે અનેક ટ્રેનો રાબેતા મુજબ કરવામાં આવી રહી છે, જેના ભાગરૂપે અમરેલી- વેરાવળ-અમરેલી મિટર ગેજ ટ્રેન (Indian Railway) તથા અમરેલી-જૂનાગઢ-અમરેલી મિટર ગેજ ટ્રેન શરૂ કરવાનો નિર્ણય રેલવે તંત્ર દ્વારા લેવાયો છે.

છેલ્લાં કેટલાક દિવસોથી ઉઠતી યાત્રિકોની માંગ અને સુવિધાને ધ્યાનમાં રાખીને રેલવે બોર્ડે પશ્ચિમ રેલવે ભાવનગર ડિવિઝનની અમરેલી-વેરાવળ-અમરેલી (09508/09505) અને અમરેલી-જૂનાગઢ-અમરેલી (09539/09540) મીટરગેજ દૈનિક વિશેષ ટ્રેન ચલાવવાનો નિર્ણય લીધો છે. આ વિશેષ ટ્રેનોનું ભાડુ મેલ/એક્સપ્રેસ ટ્રેનના જનરલ કોચના ભાડા જેટલું રાખવાનો નિર્ણય કરવામાં આવ્યો છે.

અમરેલી-વેરાવળ-અમરેલી ટ્રેન (09508/09505) મીટરગેજ દૈનિક વિશેષ ટ્રેન

જે ટ્રેન નંબર 09505 વેરાવળ - અમરેલી ગત તા.16મી ડિસેમ્બર, 2021 (ગુરુવાર) થી દરરોજ બપોરે 12.50 કલાકે વેરાવળ સ્ટેશનથી ઉપડી અને સાંજે ૬ કલાકે અમરેલી સ્ટેશન પહોંચી હતી. તેવી જ રીતે ટ્રેન નંબર 09508 અમરેલી-વેરાવળ તા.17મી ડિસેમ્બર, 2021 (શુક્રવાર) થી દરરોજ બપોરે 12.05 કલાકે અમરેલી સ્ટેશનથી ઉપડશે અને સાંજે 5.20 કલાકે વેરાવળ સ્ટેશન પહોંચશે. આ ટ્રેન બંને દિશામાં અમરેલી પરા, ચલાલા, ધારી, ભાદર, જેતલવડ, વિસાવદર, સતાધાર, કાંસીયા નેસ, સાસણ ગીર, ચિત્રાવડ, તલાલા અને સવની સ્ટેશનો પર ઉંભી રહેશે.

આ પણ વાંચો: રાજકોટ: 12 વર્ષની બાળકી સાથે મિત્રતા કેળવીને યુવકે આચર્યુ દુષ્કર્મ, થઇ ધરપકડ

અમરેલી-જૂનાગઢ-અમરેલી (09539/09540) મીટરગેજ દૈનિક વિશેષ ટ્રેન

જે ટ્રેન નંબર 09539 અમરેલી - જૂનાગઢ આજરોજ તા.17મી ડિસેમ્બર, 2021 (શુક્રવાર) થી દરરોજ સવારે 06.25 કલાકે અમરેલી સ્ટેશનથી ઉપડશે અને જૂનાગઢ સ્ટેશને સવારે 10.15 કલાકે પહોંચશે. તેવી જ રીતે, ટ્રેન નંબર 09540 જૂનાગઢ - અમરેલી તા.17મી ડિસેમ્બર, 2021 (શુક્રવાર) થી દરરોજ 5.40 કલાકે જૂનાગઢ સ્ટેશનથી ઉપડશે અને 9.30 કલાકે અમરેલી સ્ટેશન પહોંચશે. ઉપરોક્ત ટ્રેન બંને દિશામાં અમરેલી પરા, ચલાલા, ધારી, ભાદર, જેતલવડ, વિસાવદર, જુની ચાવંડ, બિલખા અને તોરણીયા સ્ટેશનો પર ઉભી રહેશે.

આ પણ વાંચો: હેડક્લાર્ક Paper leak: પ્રાંતિજમાં 10 લોકો સામે FIR, 6 આરોપીઓની ધરપકડ, 4 ફરાર

આ તકે રેલવે એડમિનિસ્ટ્રેશન દ્વારા મુસાફરોને માસ્ક પહેરવા, સામાજિક અંતરની પ્રેક્ટિસ કરવા, સેનિટાઇઝરનો ઉપયોગ કરવા અથવા મુસાફરી દરમિયાન વારંવાર સાબુ અથવા હેન્ડવોશથી હાથ ધોવા અને COVID-19 ના તમામ પ્રોટોકોલનું પાલન કરવા વિનંતી કરી છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Junagdh, જૂનાગઢ, ભારતીય રેલવે