Home /News /kutchh-saurastra /

જૂનાગઢમાં 25 ડિસેમ્બરથી 1 જાન્યુઆરી સુધી યોજાશે પ્રાદેશિક મેળો; અનેક બહેનોને મળશે રોજગારી

જૂનાગઢમાં 25 ડિસેમ્બરથી 1 જાન્યુઆરી સુધી યોજાશે પ્રાદેશિક મેળો; અનેક બહેનોને મળશે રોજગારી

Pradeshik Mela

Junagadh News : જૂનાગઢમાં આવતીકાલ તા.25મી ડિસેમ્બરથી આઠ દિવસ સુધી પ્રાદેશિક મેળાનું આયોજન થશે; જેના થકી અનેક બહેનોને રોજગારી મળશે

    Junagadh News: જૂનાગઢ જિલ્લા ગ્રામ વિકાસ એજન્સી મિશન મંગલમ (Mission Mangalam) યોજના દ્વારા જિલ્લાની ગ્રામિણ બહેનોના ( Rural Women Empowerment Scheme) સ્વસહાય જૂથોની આજીવિકા હેતુથી આગામી તા.25 ડિસેમ્બર થી 1 જાન્યુઆરી સુધી જૂનાગઢ શહેરના એ.જી.સ્કુલ ગ્રાઉન્ડ, આઝાદ ચોક (A.G.School Ground) ખાતે આઠ દિવસીય પ્રાદેશિક મેળાનું (Pradeshik Mela) આયોજન કરવામાં આવ્યું છે.

    આ મેળામાં 25 થી વધુ સ્ટોલોમાં વિવિધ હસ્ત કળા, ગૃહ સુશોભન, બહેનો-ભાઇઓ-બાળકો પરિવારના સભ્યો માટે વિવિધ ચીજ વસ્તુઓ, ઘરવખરી, વિવિધ પ્રકારના નાસ્તાઓ, આયુર્વેદિક પ્રોડક્ટ્સ સહિતની વૈવિધ્યપૂર્ણ વસ્તુઓનું વેંચાણ કરવામાં આવનાર છે. પ્રાદેશિક મેળાથી સ્વસહાય જુથની બહેનોની ચીજ-વસ્તુઓના વેંચાણથી આર્થિક ઉપાર્જન અને તેમના પરિવારમાં આજીવિકાનું સર્જન થશે.

    આ મેળામાં તમામ લોકો વિનામૂલ્યે પ્રવેશ મેળવી શકશે. પ્રાદેશિક મેળો સવારે 10 થી રાત્રે 10 વાગ્યા સુધી ખુલ્લો રાખવામાં આવશે. જે સંદર્ભે જૂનાગઢના નગરજનોને આ પ્રાદેશિક મેળાની મુલાકાત લેવા જૂનાગઢ જિલ્લા વિકાસ અધિકારી અને નિયામક જિલ્લા ગ્રામ વિકાસ એજન્સી દ્વારા અનુરોધ કરાયો છે.
    Published by:Jay Mishra
    First published:

    Tags: Junagadh news

    આગામી સમાચાર