જામનગરના મોંઘેરા મહેમાન, વિદેશથી માત્ર ગાંઠિયા ખાવા આવે છે !

સંજય વાઘેલા, જામનગર: હાલ શિયાળાની શરૂઆત થઇ ચુકી છે. વહેલી સવારે ફૂલ ગુલાબી ઠંડીનો અનુભવ થઇ રહ્યો છે. જો કે જામનગરના શિયાળાની મજા માત્ર શહેરવાસીઓ જ નથી લેતા પરંતુ સાત સમુંદર પાર કરીને પક્ષીઓ પણ મજા લેવા આવે છે. દર વર્ષે હજારોની સંખ્યામાં વિદેશી પક્ષીઓ જામનગર આવે છે. હવે તો એવુ લાગી રહ્યું છે કે જામનગર આ પક્ષીઓનું બીજું ઘર છે. જામનગર શહેરમાં આવેલા લખોટા તળાવ ખાતે આ વિદેશી પક્ષી રોકાણ કરે છે, તો જામનગરવાસીઓ પણ આ વિદેશી મહેમાનોનું દરરોજ ભાવભર્યું સ્વાગત કરે છે.

કોણ છે આ પક્ષી

શિયાળો શરુ થતાં જ જામનગર શહેરની વચ્ચે આવેલા લખોટા તળાવના ગેટ નંબર 1 પાસે તમને આ વિદેશી પક્ષી નજરે પડશે, આ વિદેશી મહેમાનનું નામ સિગલ છે. આ સિગલ પક્ષી હજારોની સંખ્યામાં જામનગર આવી પહોંચે છે.

આ વિદેશી પક્ષીઓને ભાવે ગાંઠિયા

તમને જાણીને નવાય લાગશે પરંતુ હજારો કિલોમીટરની યાત્રા કરીને જામનગર આવતા આ વિદેશી સિગલ પક્ષીઓને સૌથી વધુ ગાંઠિયા ભાવે છે. આ પક્ષીઓને દરરોજ સવારે ચણ નાખવા આવતા લોકોનું કહેવું છે કે આ સિગલ પક્ષીઓને ચણા, દાળિયા કે કઠોર ભાવતું નથી, આ પક્ષી માત્રને માત્ર ગાંઠિયા જ ખાય છે. તો અહીં આસપાસ પક્ષીઓના ચણનો ધંધો કરતા લોકોનું કહેવું છે કે અમને ગાંઠિયા વેચવાની મનાય છે અને આ પક્ષીઓ ગાંઠિયા સિવાય બીજું કાંઈ ખાતા નથી.

ગાંઠિયા આ પક્ષીનો ખોરાક નથી

જામનગરમાં રહેતા પક્ષીવિદ જયપાલસિંહ જાડેજાનું કહેવું છે કે આ સિગલ પક્ષીઓ માટે ગાંઠિયા ખુબ જ નુકશાનકારક હોઈ છે. આ પક્ષીનો મુખ્ય ખોરાક માછલી તથા છીછરા પાણીમાં જોવા મળતી જીવાત હોઈ છે. અહીં લોકો જે પેકીંગ કરેલા ગાંઠિયા ખવડાવે છે તેની ગુણવત્તા હલકી હોઈ છે, લોકો પોતાના બાળકો નજીક આ પક્ષી બોલાવવા માટે ગાંઠિયા ખવડાવે છે. પ્રોટીન માટે સિગલ પક્ષી પણ વધુ ગાંઠિયા ખવડાવે છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Jamnagar News, Local News, જામનગર, જામનગર સમાચાર