દેવભૂમિ દ્વારકા ડ્રગ્સ કેસ: 350 કરોડ રૂપિયાનાં ડ્રગ્સ મામલે વધુ બે આરોપીની ધરપકડ

દેવભૂમિ દ્વારકા ડ્રગ્સ કેસમાં વધુ બેની ધરપકડ

દ્વારકાનાં રૂપેણ બંદરથી અલી કારાએ એક માસ પહેલાથી જ ખરીદેલ ફારૂકી બોટ મારફતે ડ્રગ્સ આવ્યું હતું . અને બોટ મારફત ડ્રગ્સ લાવવા માટે કારા બંધુએ વધુ 2 આરોપી સલીમ અને ઈરફાન જસરાયાને હાયર કરી તેમને સમુદ્ર માર્ગે રૂપેણબંદરથી ફિશિંગનું ટોકન કઢાવવી સમુદ્ર માર્ગે જખૌ મોકલ્યા હતા

  • Share this:
    મુકુંદ મોકરિયા, દેવભૂમી દ્વારકા: દ્વારકા જિલ્લામાંથી (Dwarka Drugs Case) પકડાયેલા રૂપિયા 315 કરોડનાં ડ્રગ્સ મામલે વધુ બે આરોપીનાં નામ ખુલ્યા છે. જેમાંથી એક મહારાષ્ટ્રીયન યુવક સેજાદ ઘોસી પાસેથી 17 કિલો 651 ગ્રામ ડ્રગ્સ ઝડપાતા હરકતમાં આવેલ SOG દ્વારા ડ્રગ્સ સપ્લાયર સલાયાનાં કારા બંઘુ સલીમ કારા અને અલી કારાને ઝડપી તેમની પાસેથી 47 કિલોનો ડ્રગ્સ ઝડપાતા રૂપિયા 315 કરોડનો જંગી ડ્રગ્સનો જથ્થો ઝડપી (Dwarka Crime News) તમામ ત્રણેય આરોપીઓનાં 9 દિવસનાં રિમાન્ડ મળતા રિમાન્ડનાં પ્રથમ દિવસે જ  ચોંકાવનારા ખુલાસા સામે આવ્યા હતા.

    આ પણ વાંચો-સાસુ-સસરાનો વહુ પર ત્રાસ-'તું અમારી શાન પ્રમાણે દહેજ લાવી નથી, એટલે સહન કરવું જ પડશે'

    આ ખુલાસા પ્રમાણે, દ્વારકાનાં રૂપેણ બંદરથી અલી કારાએ એક માસ પહેલાથી જ ખરીદેલ ફારૂકી બોટ મારફતે ડ્રગ્સ આવ્યું હતું . અને બોટ મારફત ડ્રગ્સ લાવવા માટે કારા બંધુએ વધુ 2 આરોપી સલીમ અને ઈરફાન જસરાયાને હાયર કરી તેમને સમુદ્ર માર્ગે રૂપેણબંદરથી ફિશિંગનું ટોકન કઢાવવી સમુદ્ર માર્ગે જખૌ મોકલ્યા હતા પરંતુ ડિલિવરીમાં મોડું થતા સલીમ જસરાયા તથા ઈરફાન જસરાયાએ ત્યાંથી ટોકન મેળવી સમુદ્રમાં જઇ પાકિસ્તાની જળ સીમમાં જઈ ડ્રગ્સનો જથ્થો મેળવ્યો હતો અને તે બાદ ફારૂકી નામની બોટ મારફત ગુજરાતનાં સલાયા બંદરે 9 તારીખે આવ્યા હતા.

    આ પણ વાંચો-ફરી 'ગેસ ચેમ્બર' બની દિલ્હી- NCR, વાયુ પ્રદૂષણ મામલે આજે સુનવાણી કરશે સુપ્રીમ કોર્ટ

    આ બોટ દ્વારા લાવવામાં આવેલો ડ્રગ્સનો તમામ જથ્થો અલી કારા અને સલીમ કારાને સોંપ્યો હતો. આમ હાલ 315 કરોડનાં ડ્રગ્સ મામલે આજરોજ નવાં 2 વધુ આરોપી ઝડપાતા અત્યાર સુધી કુલ 5 આરોપીઓ ડ્રગ્સ પ્રકરણમાં ઝડપાયા હતા અને આ નવા ઝડપાયેલા બન્ને આરોપીને પણ કોર્ટ સમક્ષ રિમાન્ડની માંગણી કરી આગળ તપાસ વધારવામાં આવશે. જે અંગે આજે પોલીસ વડા સુનિલ જોશીએ પ્રેસ કોન્ફરન્સ દ્વારા આ સમગ્ર માહિતી આપી હતી.

    આ પહેલાં મુંદ્રા પોર્ટ પરથી મળ્યું હતું 3 હજાર કિલોનું ડ્રગ્સ
    સમગ્ર મામલે મળતી માહિતી પ્રમાણે આ ડ્રગ્સનો જથ્થો 66 કિલો છે. જેમા 16 કિલો હેરોઇન છે. જ્યારે 50 કિલો એમડી ડ્રગ્સ છે. દેવભૂમિ દ્વારકાનાં આરધના ધામ પાસેથી ઝડપાયેલાં આ ડ્રગ્સની કિંમત આંતરરાષ્ટ્રીય બજારમાં કરોડોની થાય છે. આ પેહલી વખત નથી જ્યારે ગુજરાતમાં દરિયાઇ માર્ગે ડ્રગ્સ ઘુસાડવાનો પ્રયાસ થયો છે. હાલમાં જ મુંદ્રામાંથી 3 હજાર કિલોનું ડ્રગ્સ ઝડપાયું છે. અને હવે દ્વારકાનાં દરિયા કિનારાનો ઉપયોગ કરવામાં આવ્યો છે.
    Published by:Margi Pandya
    First published: