Home /News /kutchh-saurastra /

ગુજરાત પોલીસનો દાવો, 'મૃતકોએ દારૂ નહીં કેમિકલ જ પી લીધું હતું,' આ રીતે થયો આખો લઠ્ઠાકાંડ

ગુજરાત પોલીસનો દાવો, 'મૃતકોએ દારૂ નહીં કેમિકલ જ પી લીધું હતું,' આ રીતે થયો આખો લઠ્ઠાકાંડ

ગુજરાત પોલીસના દાવા પ્રમાણે, આ લોકોએ કેમિકલ પીધું હોવાથી મોત થયા છે. હાલમાં 450 લિટર મિથાઇલ જપ્ત કર્યું છે.

Ahmedabad latest News: અમદાવાદની એમોસ કંપનીના (Amos Company) ગોડાઉન મેનેજર જયેશ ઉર્ફે રાજુની મોટી ભૂમિકા સામે આવી રહ્યું છે. આ કંપની મિથાઇલ કેમિકલના વેપાર સાથે જોડાયેલી કંપની છે.

    અમદાવાદ: બોટાદના (Botad) બરવાળાના રોજિદ ગામે ઝેરી દારૂ પીવાથી (Gujarat Hooch Tragedy) અત્યાર સુધીમાં 27 લોકોનાં મોત નીપજ્યા છે. તેમજ અન્ય 40થી વધુ લોકો હાલ સારવાર હેઠળ છે. ત્યારે મોડી રાતે દારૂ બનાવનારને કેમિકલ આપનાર મુખ્ય આરોપી જયેશ ખાવડિયાને અમદાવાદ ક્રાઇમ બ્રાન્ચે (Ahmedabad Crime branch) ઝડપી પાડ્યો છે. તેની પૂછપરછ કરતા જાણવા મળ્યું હતું કે, પીપલજ પાસેથી ફેક્ટરીમાંથી મિથેનોલ સપ્લાય કરવામાં આવતું હતું. આ ઉપરાંત દારૂ બનાવનાર આરોપીનો સ્વજન જ કેમિકલ સપ્લાય કરતો હતો. ગુજરાત પોલીસે આ અંગે મોટો દાવો કર્યો છે. ગુજરાત પોલીસના જણાવ્યા પ્રમાણે, આ લઠ્ઠાકાંડના મૃતકોએ દારૂ નહીં પરંતુ સીધું કેમિકલ જ પીધું હતુ.

    જાણો કેવી રીતે ખેલાયો આ ખેલ

    આ આખો ખૂની ખેલ ત્રણ તબક્કામાં સર્જાયો હતો. જેમાં પહેલા તબક્કામાં અમદાવાદની એમોસ કંપનીના (Amos Company) ગોડાઉન મેનેજર જયેશ ઉર્ફે રાજુની મોટી ભૂમિકા સામે આવી રહ્યું છે. આ કંપની મિથાઇલ કેમિકલના વેપાર સાથે જોડાયેલી કંપની છે. આ કંપનીમાં ગોડાઉન મેનેજર તરીકે જયેશ ઉર્ફે રાજુ કામ કરતો હત. કંપનીના માલિકે અનેકવાર મિથાઇલ કેમિકલ અંગે અનેકવાર ચેતવ્યો છે. તો પણ જયેશે કન્ટેનરોમાંથી થોડું થોડું મિથાઇલ ચોરીને 600 લિટર કેમિકલ ભેગું કરી લીધું હતુ.

    આ પણ વાંચો: લઠ્ઠાકાંડમાં 27 લોકોએ જીવ ગુમાવ્યા,જાણો આખો મામલો

    જે બાદ જયેશે તેના સંબંધી સંજયને આ જથ્થો આપ્યો હતો. જે માટે પિન્ટું નામના વ્યક્તિએ આ લોકોને 600 લિટર માટે 60 હજાર રુપિયા આપ્યા હોવાની માહિતી સામે આવી રહી છે.



    આ ઉપરાંત આ લોકોએ મળીને લોકોને દારૂના નામે કેમિકલના પાઉચ આપ્યા હતા. ગુજરાત પોલીસના દાવા પ્રમાણે, આ લોકોએ કેમિકલ પીધું હોવાથી મોત થયા છે. હાલમાં 450 લિટર મિથાઇલ જપ્ત કર્યું છે. આ મિથાઇલનો પણ ઉપયોગ થવાનો હતો. જો આ જથ્થાનો પણ ઉપયોગ થાત તો આ દૂર્ઘટના મોટી જાનહાની સર્જી શકત.
    Published by:Kaushal Pancholi
    First published:

    Tags: ગુજરાત, ગુજરાત પોલીસ, બોટાદ

    विज्ञापन

    विज्ञापन

    આગામી સમાચાર

    विज्ञापन
    विज्ञापन