બોટાદ : જમીનના ડખામાં બે જૂથ વચ્ચે ધીંગાણાનો Video વાયરલ, 2ને ગંભીર ઈજા, 25 વિરુદ્ધ નોંધાઈ ફરિયાદ

પ્રકાશ સોલંકી, બોટાદ : આજના સમયમાં મિલકત માટે ભાઈ-ભાઈનો, પુત્ર પિતાનો દુશ્મન બની જાય છે, અને હત્યા કે, હુમલો કરતા સંકોચ નથી કરતા. એટલે જ કદાચ એક કહેવત પ્રચલીત છે કે, 'જર, જમીનને જોરુ એ ત્રણેય કજિયાનાં છોરું'. આ કહેવત આજે બોટાદ જિલ્લાના રાણપુર પાસેના અલમપર ગામમાં સાચી પડતી હોય તેવી ઘટના સામે આવી છે. એક જ કુટુંબના બે જૂથ વચ્ચે જમીનને લઈ ધીંગાણુ થયું છે. આ ઘટનામાં બે લોકોને ગંભીર ઈજા પહોંચી છે.

પ્રાપ્ત માહિતી અનુસાર, બોટાદ જિલ્લાના રાણપુરના અલમપર ગામમાં બે જૂથ વચ્ચે બોલાચાલી બાદ મારા મારી સર્જાઈ હતી. બંને જૂથના સભ્યો વચ્ચે લાકડીઓ-ધોકા અને ઘાતકી હથિયાર સાથે ધીંગાણું સર્જાયું હતું. આ ઘટના ગઈકાલ બુધવારની હોવાનું સામે આવી રહ્યું છે. જેનો વીડિયો વાયરલ થઈ રહ્યો છે. આ મારા મારી જમીનના ઝગડાને લઈ સર્જાઈ હોવાનું ાસમે આવી રહ્યું છે. આ ધીંગાણામાં બે લોકો ગંભીર રીતે ઘાયલ થયા છે. પોલીસે 25 લોકો વિરુદ્ધ ફરિયાદ નોંધી છે.

આ પણ વાંચો - સુરત : લાચાર પત્ની! 'પતિનો મૃતદેહ વતન લઈ જવા પૈસા નથી', 17 કલાક મૃતદેહ પાસે બેસી માંગતી રહી મદદ

વિગતે ઘટનાની વાત કરીએ તો, અલમપર ગામમાં આવેલી સરકારી જમીન પર કબજાની વાતને લઈ એક જ કુટુંબના બે સભ્યો વચ્ચે બોલાચાલી થઈ હતી, ત્યારે અચાનક બંને જૂથના સભ્યો વચ્ચે બોલાચાલીએ ઉગ્ર સ્વરૂપ ધારણ કરી લીધુ અને લાકડીઓ-ધોકાઓનો વરસાદ શરૂ થઈ ગયો હતો. આ ઘટનામાં બે લોકો ગંભીર રીતે ઘાયલ થયા છે. જેમાં એકને ભાવનગર તો બીજાને સારવાર માટે રાજકોટ ખસેડવામાં આવ્યા છે.

બોટાદ : અલમપરમાં બે જૂથ વચ્ચે ધીંગાણાનો Video વાયરલ, 2ને ગંભીર ઈજા, 25 વિરુદ્ધ નોંધાઈ ફરિયાદ pic.twitter.com/jLusJ7fvGH

— News18Gujarati (@News18Guj) July 15, 2021

આ ધીંગાણાની ઘટનાનો વીડિયો પણ સામે આવ્યો છે. વીડિયોમાં સ્પષ્ટ જોઈ શકાય છે કે, લાકડીઓ અને ધોકા વડે એકબીજા પર હુમલો કરવામાં આવી રહ્યો છે. આ ઘટનાની જાણ પોલીસને થતા પોલીસ પણ ઘટના સ્થળે પહોંચી ગઈ હતી, તથા ગામના અન્ય સબ્યોએ વચ્ચે પડી ઝગડાને શાંત કરવાનો પ્રયાસ કર્યો હતો. આ મામલે બંને પક્ષ તરફથી ફરિયાદ નોંધવામાં આવી છે. જેમાં 25 લોકો વિરુદ્ધ રાણપુર પોલીસે ફરિયાદ નોંધી છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Botad News, Ranpur