Home /News /kutchh-saurastra /સાવરકુંડલામાં ખેલાયું ઇંગોરિયા યુદ્ધ, યુવકો મોદી માસ્ક પહેરી નજરે પડ્યા

સાવરકુંડલામાં ખેલાયું ઇંગોરિયા યુદ્ધ, યુવકો મોદી માસ્ક પહેરી નજરે પડ્યા

ઇંગોરિયા યુદ્ધ

    દર વર્ષની જેમ સાવરકુંડલામાં દિવાળીની રાત્રે પારંપરિક ઇંગોરીયા યુદ્ધ ખેલવામાં આવ્યું હતું. ઉલ્લેખનીય છે કે છેલ્લા 70 વર્ષથી આ પરંપરાને જાળવવામાં આવે છે. જેમાં બે અલગ અલગ જૂથો એક બીજા પર ઇંગોરીયા ફેંકી છે. અને આ ખેલ ખૂબ જ રોમાંચક હોય છે. આ માટે સાવરકુંડલાના રમતવીરો એકાદ માસથી ઇંગારીયા એને કોકડા તૈયાર કરતા હોય છે. જો કે આ વખતના ઇંગોરીયા યુદ્ધમાં મોદી ફિવર લોકોમાં જોવા મળ્યો હતો. અને અનેક ખેલૈયા મોદીનો માસ્ક પહેરીના આ રમત રમતા જોવા મળ્યા હતા. છેલ્લા બે વર્ષથી આ ઇંગોરિયા યુદ્ધમાં યુવકો મોદી માસ્ક પહેરીને આ ખેલ રમતા નજરે પડે છે.

    દર વર્ષે દિવાળીની રાત્રે ખાસ રમવામાં આવતા આ લોક તહેવારમાં સવાર અને કુંડલા એમ બે ભાગમાં યુવાનો વહેંચાઇ જાય છે. અને રાતના દસ વાગ્યાથી આ રમત શરૂ થાય છે તો સવારે મોડી સવાર સુધી આ ખેલ ખેલવામાં આવે છે. આ વખતે પૂર્વ કૃષિમંત્રી વી વી વઘાસિયા પણ હાજર રહ્યા હતા. જેમણે વડાપ્રધાન નરેન્દ્ર મોદીનો માસ્ક પહેરી ઇંગોરિયા પ્રગટાવ્યો હતો.

    નોંધનીય છે કે આ ઇંગોરિયા યુદ્ધ જોવા માટે ઠેર ઠેરની લોકો પણ આવે છે. આ નિર્દોષ લડાઇમાં કોઇ દાઝતું નથી પણ રોકેટની જેમ છનનન કરતા ઇંગોરિયા અને કોકડા અવકાશી નજારાને આકર્ષક બનાવે છે. માનવામાં આવે છે કે આ નિર્દોષ લડાઇની લોકોના મનમાં કોઇ ભેદભાવ રોષ હોય તો તે દૂર થાય છે. લાંબા સમયથી આ પરંપરા અહીં રમવામાં આવે છે. જો કે અનેક વાર સુરક્ષા અને લોકોની સલામતીના સવાલો પણ ઉઠ્યા છે.
    Published by:Chaitali Shukla
    First published:

    Tags: Savarkundla, ગુજરાત, સમાચાર, સાવરકુંડલા

    विज्ञापन

    ન્યૂઝ 18 ગુજરાતી ટ્રેન્ડિંગ

    વધુ વાંચો
    विज्ञापन
    विज्ञापन
    विज्ञापन