ગુજરાત ATS અને DRIને મળી મોટી સફળતા, 5000 કરોડથી પણ વધુનું ડ્રગ્સ ઝડપાયાની આશંકા

અમદાવાદ: ગુજરાતમાંથી (Drugs seized from kandla Port) વધુ એકવાર ડ્રગ્સનો મસમોટો જથ્થો ઝડપાયો છે. ગુજરાત એટીએસ અને ડીઆરઆઈના સંયુક્ત ઓપરેશ દ્વારા 5 હજાર કરોડથી વધુના ડ્રગ્સને ઝડપી પાડવામાં સફળતા મળી છે. કંડલામાંથી માલવાહક જહાજમાંથી 300 કિલો જેટલું હેરોઇન ડ્રગ્સ ઝડપાયાની સત્તાવાર સૂત્રો પાસેથી માહિતી મળી રહી છે .

આ ડ્રગ્સ અફઘાનિસ્તાનથી આવતુ હોવાનું આશંકા દર્શાવવામાં આવી છે. આ ડ્રગ્સની કિંમતમાં હજી પણ વધારો થવાની શક્યતા છે. આ ડ્રગ્સની કિંમત 5000 કરોડથી વધુ થવાની શક્યતા છે. હાલ અન્ય કન્ટેનર્સની પણ તપાસ કરવામા આવી રહી છે. આ વખતે ઝડપાયેલું હેરોઇન પણ પાવડરની આડમાં લાવવામાં આવતુ હતુ. આ ડ્રગ્સ એકદમ પ્યોર ફોર્મમાં છે.

આધારભૂત સુત્રો પાસેથી મળતી માહિતી પ્રમાણે, ગુજરાત એટીએસને આ ડ્રગ્સ અંગેની માહિતી મળી હતી જે બાદ તેની પર ડીઆરઆઈએ કાર્યવાહી કરી હતી. જેમાં એક કન્ટેનરમાં 300 કિલો ડ્રગ્સ હતુ. જેની આંતરરાષ્ટ્રીય બજારની કિંમત જોઇએ તો એક કિલો ડ્રગ્સ 6થી 8 કરોડની કિંમત હોય છે. એટલે જો 300 કરોડની ડ્રગ્સની વાત કરીએ તો 1800થી 2000 હજાર કરોડની આસપાસનું ડ્રગ્સ ઝડપાઇ ચૂક્યું છે.

આ પણ વાંચો - આસામના આ વ્યક્તિની ફરિયાદને કારણે જીજ્ઞેશ મેવાણીની થઇ ધરપકડ, જાણો આખો મામલો

એજન્સીઓને શક છે કે, આવું એક જ કન્ટેનર નહીં પરંતુ વધુ કન્ટેનર પણ હોય શકે છે. જેમાં આ કન્ટેનરની પણ તપાસ થઇ રહી છે. સામાન્ય રીતે રો ડ્રગ્સ પાકિસ્તાનમાં તૈયાર થતુ હોય છે પરંતુ તેને અફઘાનિસ્તાન અને ઇરાનના મારફતે ભારત લાવવામાં આવતુ હોય છે.

આ પણ વાંચો - UKના વડાપ્રધાન બોરિસ જ્હોન્સને લીધી ગાંધી આશ્રમની મુલાકાત, ઉત્સુકતાથી ચરખો ચલાવતા શીખ્યા, જુઓ Video

જે બાદ તેને બીજા દેશમાં મોકલવામાં આવતુ હોય છે. આ પહેલા પણ ઝડપાયેલા ડ્રગ્સના મોટા જથ્થાને પણ આ રીતે જ લાવાવમાં આવ્યુ હતુ.

કંડલામાંથી ATS અને DRI એ પકડેલું ડ્રગ્સ 5 હજાર કરોડથી વધુનું હોવાની આશંકા

ગુજરાતમાં ડ્રગ્સ પહોંચાડ્યા બાદ કેવી રીતે તેને તમામ જગ્યા પર સર્કયુલેટ કરવામાં આવે છે જુઓ આ વીડિયોમાં #kandla #drugs #ats #dri pic.twitter.com/gZj9uII9eq

— News18Gujarati (@News18Guj) April 21, 2022

તેની ખપત ભારતમાં થવાની ન હતી. તેને અન્ય દેશોમાં મોકલવાનું હતુ. આ ડ્રગ્સ ક્યાં અને કોણે મોકલ્યું હતુ તે અંગેની તપાસ ચાલી રહી છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર