Home /News /jamnagar /Jamnagar: આ કોર્ષ કરીને મહિલાઓ કરી શકે છે લાખો રૂપિયાની કમાણી, જાણો કોર્ષ અંગેની માહિતી

Jamnagar: આ કોર્ષ કરીને મહિલાઓ કરી શકે છે લાખો રૂપિયાની કમાણી, જાણો કોર્ષ અંગેની માહિતી

થ્રીડી પેઇન્ટિંગનો કોર્ષ

જામનગરમાં મહિલા ITIમાં કોમ્પ્યુટર ઓપરેટર, ફેશન ડિઝાઇન, મેકઅપ સહીત મહિલાઓ માટેના અનેક કોર્ષ શીખવવામાં આવી રહ્યા છે. તેમાં છેલ્લા ત્રણ વર્ષથી થ્રીડી પેઇન્ટિંગનો કોર્ષ શરુ કરવામાં આવ્યો છે

    Sanjay Vaghela, Jamnagar: આજના ટેક્નોલોજીનાં યુગમાં અનેક એવા ક્ષેત્ર છે જેમાં કામ કરીને રોજગાર તો મળી રહે સાથે-સાથે તેમાં આગળ વધવાની પણ તક મળે છે. આજે મહિલાઓ જયારે દરેક ક્ષેત્રમાં આગળ વધી રહી છે. ત્યારે એક એવુ પણ ક્ષેત્ર છે જેમાં મહિલાઓ રોજગાર મેળવીને મહિને લાખો રૂપિયાની કમાણી કરી શકે છે. આ ક્ષેત્રનું નામ છે થ્રીડી પેઇન્ટિંગ. વૈશ્વિક કક્ષાએ થ્રીડી પેઇન્ટિંગ્સની શરૂઆત 10 વર્ષ પહેલા જ થઇ ચુકી છે. પરંતુ ભારતમાં છેલ્લા કેટલાક વર્ષથી શરુ થઇ છે. આ ક્ષેત્ર ખુબ જ મોટુ હોવાની સાથે સાથે અનેક અન્ય ક્ષેત્રમાં પણ તેની ખુબ જ ડિમાન્ડ છે. તો શું છે આ થ્રીડી પેઇન્ટિંગ્સ અને ગુજરાતમાં ક્યાં કયાં થાય છે અને કેટલા પૈસા તેમાં મળી શકે છે આવો વિગતે જાણીએ.

    જામનગરમાં મહિલા ITIમાં કોમ્પ્યુટર ઓપરેટર, ફેશન ડિઝાઇન, મેકઅપ સહીત મહિલાઓ માટેના અનેક કોર્ષ શીખવવામાં આવી રહ્યા છે. તેમાં છેલ્લા ત્રણ વર્ષથી થ્રીડી પેઇન્ટિંગનો કોર્ષ શરુ કરવામાં આવ્યો છે. સૌરાષ્ટ્રમાં એક માત્ર જામનગરમાં થ્રીડી પેઇન્ટિંગનો કોર્ષ થાય છે. અને ગુજરાતમાં માત્ર ચાર મહિલા ITI અમદાવાદ, પાદરા, વલસાડ અને જામનગરમાં થ્રીડી પેઇન્ટિંગ્સ શીખવવામાં આવે છે. ધીમે ધીમે હવે લોકો થ્રીડી પેઇન્ટિંગ્સ તરફ વળ્યાં છે અને તેની ડિમાન્ડ પણ વધવા લાગી છે. થ્રીડી પેઇન્ટિંગ્સનો એક વર્ષનો કોર્ષ છે જે મફત છે.

    મહિને લાખો રૂપિયાની કરી શકો છો કમાણી

    છેલ્લા 10 વર્ષથી થ્રીડી પેઇન્ટિંગ્સની શરૂઆત થઇ છે, થ્રીડી પેઇન્ટિંગ્સ એટલે કોમ્પ્યુટરની મદદથી અવનવી ડિઝાઇન તૈયાર કરી વસ્તુઓ તૈયાર કરવી, થ્રીડી પેઇન્ટિંગ્સની ડિમાન્ડ ડિફેન્સ, ડેન્ટલ વિભાગ, ગિફ્ટ શોપ્સ, શો પીસ અને ઇન્ડસ્ટ્રીઅલ ક્ષેત્રમાં ખુબ જ છે. જે કામ CNC, ANC જેવા મોટા મોટા મશીન કરે છે એ કામ થ્રીડી પેન્ટિંગ સરળતાથી અને ઓછા ખર્ચે કરી શકે છે, ઇન્ડસ્ટ્રીઅલમાં એક ટૂલની ડિઝાઇન તૈયાર કરવામાં 5થી 10 હજારનો ખર્ચ થાય છે એજ ટૂલ થ્રીડી પેઇન્ટિંગ્સથી માત્ર એક હજાર રૂપિયાની અંદર તૈયાર થઇ શકે છે. આ સિવાય ડેન્ટલ વિભાગમાં દાંતનાં ચોખટા તૈયાર કરવામાં થ્રીડી પેઇન્ટિંગ્સ કામ આવે છે. વિવિધ શો પીસની વસ્તુ બનાવવા હાલ થ્રીડી પેઇન્ટિંગ્સ ઉપયોગમાં લેવામાં આવી રહી છે. લોકો થ્રીડી નામ લખવાં માટે પણ થ્રીડી પેઇન્ટિંગ્સની બોલબાલા છે.

    આજે મહિલાઓ પોતાનો વ્યવસાય શરુ કરી સારી કમાણી કરી રહી છે, તેના માટે થ્રીડી પેઇન્ટિંગ્સનાં ક્ષેત્રમાં પોતાનો વ્યવસાય કરીને લાખો રૂપિયાની કમાણી કરી શકે છે. તો વિવિધ કંપનીઓ પણ થ્રીડી પેઇન્ટિંગ્સનાં જાણકાર વ્યક્તિઓને સારા પગારથી નોકરી પર રાખી રહ્યા છે. બીજું થ્રીડી પેઇન્ટિંગ્સ વ્યવસાય શરુ કરવા માટે વધુ રોકાણની પણ જરૂર રહેતી નથી, આ વ્યવસાયમાં વ્યક્તિ પોતાની આવડત પરથી મહિને લાખો રૂપિયાની કમાણી સરળતાથી મેળવી શકે છે.
    Published by:Santosh Kanojiya
    First published:

    Tags: Jamnagar News, Jamnagar Samachar, Women Empowerment

    विज्ञापन
    विज्ञापन