Home /News /jamnagar /Jamnagar: દેશના જાણીતા સિતારવાદક પંડિત નયન ઘોષ બન્યા જામનગરના મહેમાન

Jamnagar: દેશના જાણીતા સિતારવાદક પંડિત નયન ઘોષ બન્યા જામનગરના મહેમાન

જામનગરમાં યોજાયો લેકડેમ કાર્યક્રમ

સમગ્ર દેશમાં જાણીતા સિતારવાદક પંડિત નયન ઘોષ જામનગરની ત્રણ દિવસની મુલાકાતે આવ્યા

    Sanjay Vaghela, Jamnagar: આજના મોબાઈલનાં યુગમાં લોકો આપણા સાંસ્કૃતિક સંગીતથી અજાણ બની રહ્યા છે અને વેસ્ટર્ન મ્યુઝિક તરફ વળી રહ્યા છે. પરંતુ બાળપણથી જ બાળકોમાં આપણા શાસ્ત્રીય સંગીત અંગે જાગૃતિ આવે તે હેતુથી જામનગરમાં એક ખુબ જ સરસ કાર્યક્રમનું આયોજન કરવામાં આવ્યું હતું. સ્પીકમેક સંસ્થા દ્વારા નાનપણથી જ બાળકોમાં સંસ્કૃતિ પ્રત્યે માહિતી મળે તે હેતુથી વિવિધ કાર્યક્રમોનું આયોજન કરવામાં આવી રહ્યું છે. આ કાર્યક્રમ અંતર્ગત દેશનાં જાણીતા સિતારવાદક પંડિત નયન ઘોષજીની ઉપસ્થિતમાં શાળાઓમાં સાંસ્કૃતિક કાર્યક્રમો યોજાયા હતાં. આ કાર્યક્રમમાં ખાસ લેકડેમ પ્રણાલીના માધ્યમથી શાળાના વિદ્યાર્થીઓને શાસ્ત્રીય સંગીતથી પરિચિત કરવામાં આવ્યા હતા.

    પ્રાપ્ત વિગત મુજબ શાસ્ત્રીય સંગીત ક્ષેત્રમાં જેમનું ખુબ મોટુ નામ છે અને સમગ્ર દેશમાં જાણીતા સિતારવાદક પંડિત નયન ઘોષ જામનગરની ત્રણ દિવસની મુલાકાતે આવ્યા હતા. તેઓએ શહેરની વિવિધ શાળાઓમાં સોસાયટી ફોર ધ પ્રમોશન ઓફ ઈન્ડિયન ક્લાસીકલ મ્યુઝિક એન્ડ કલ્ચર એમન્ગસ્ટ યુથ એટલે કે સ્પીકમેક સંસ્થા દ્વારા યોજવામાં આવેલા વિવિધ કાર્યક્રમમાં હાજરી આપી હતી, તમને જણાવી દઈએ કે સ્પીકમેક એ ભારતીય સંસ્કૃતિના પ્રચાર પ્રસાર માટે કાર્યરત રાષ્ટ્રીય સંસ્થા છે. હાલ આ સંસ્થા દ્વારા જામનગરમાં અનેક કાર્યક્રમનું આયોજન કર્યું હતું. જેમાં ભારતીય સંસ્કૃતિ અને બાળકોને પાયાનું જ્ઞાન અને માહિતી આપવામાં આવી હતી.

    સ્પીકમેક સંસ્થાના આયોજકો દ્વારા જણાવવામાં આવ્યું હતું કે જામનગરમાં યોજાયેલા આ કાર્યક્રમની શૃંખલા લેકડેમ પ્રકારની હતી. લેકડેમ એટલે કે આ કાર્યક્રમમાં ઓડિયન્સને ધ્યાનમાં રાખીને પ્રસ્તુતિ કરવાની હોય છે. જેમાં કલાકાર સૌપ્રથમ પોતાના વાદ્ય અંગે જાણકારી આપે છે. ત્યારબાદ પ્રસ્તુત થનારા રાગ, તાલ સહિતની પ્રસ્તુતિ અંગે માહિતી આપે છે અને તે કઈ રીતે ઉત્પન્ન થાય છે. સૂર-તાલ અંગે માહિતી આપવામાં આવે છે. શહેરમાં વિવિધ છ સંસ્થાઓમાં સિતારવાદક પંડિત નયન ઘોષનાકાર્યક્રમનું આયોજન કરવામાં આવ્યું હતુ.
    Published by:Santosh Kanojiya
    First published:

    Tags: Jamnagar News, Jamnagar Samachar, જામનગર સમાચાર

    विज्ञापन
    विज्ञापन