Gujarat Assembly Election: રવિન્દ્ર જાડેજાના પિતા અને બહેન કોંગ્રેસ માટે કેમ પ્રચાર કરી રહ્યા છે? રીવાબાએ જવાબ આપ્યો...

નવી દિલ્હીઃ ગુજરાતની ચૂંટણીમાં જામનગર ઉત્તરના ભાજપના ઉમેદવાર અને ક્રિકેટર રવિન્દ્ર જાડેજાના પત્ની રીવાબા જાડેજાએ બુધવારે જણાવ્યું હતું કે, મારા સસરા અને ભાભીએ મને આ ચૂંટણીમાં સમર્થન આપ્યું નથી, તેઓ કોંગ્રેસ પક્ષના સભ્યો માટે પ્રચાર કરી રહ્યા છે. મને કોઈ તકલીફ નથી, મારી માટે કંઈ મુશ્કેલી નથી. આ પહેલીવાર નથી જ્યારે એક જ પરિવારમાં અલગ-અલગ વિચારધારાના લોકો આવી રહ્યા હોય. રીવાબાએ કહ્યું કે, ‘લોકોનો ટેકો ભાજપ સાથે છે.’

જામનગર ઉત્તરના ઉમેદવાર રીવાબા જાડેજા ત્રણ વર્ષ પહેલાં જ ભાજપમાં જોડાયા હતા. આ પહેલાં તે કરણી સેનાના મહિલા પાંખના પ્રમુખ પણ રહી ચૂક્યાં છે. રીવાબાએ વર્ષ 2016માં રવિન્દ્ર જાડેજા સાથે લગ્ન કર્યા હતા. રીવાબા જાડેજા અનેક સામાજિક સંસ્થાઓ સાથે સંકળાયેલા છે. રીવાબાએ રાજકોટની આત્મીય ઇન્સ્ટીટ્યૂટ ઓફ ટેકનોલોજી એન્ડ સાયન્સ એન્જીનીયરિંગની ડિગ્રી મેળવી છે. રીવાબા રાજકોટમાં આવેલી રેસ્ટોરન્ટ ‘જડ્ડૂસ ફૂડ ફિલ્ડ'ના માલિક પણ છે. ઉલ્લેખનીય છે કે, પ્રથમ તબક્કાનું મતદાન 1 ડિસેમ્બરે થવાનું છે અને મંગળવારે ગુજરાતની 89 વિધાનસભા બેઠકો માટે પ્રચાર પર પ્રતિબંધ મૂકવામાં આવ્યો છે. આ ચૂંટણીમાં તમામ પક્ષોએ પોતાની પૂરેપૂરી તાકાત લગાવી દીધી છે.

ભાભી અને સસરાએ કર્યો કોંગ્રેસનો પ્રચાર, કહ્યું- રીવાબા જાડેજાને વોટ ન આપો

સસરા અને ભાભીએ આ ચૂંટણીમાં કોંગ્રેસના ઉમેદવાર માટે પ્રચાર કર્યો છે. મંગળવારે એક વીડિયોમાં રિવાબાના સસરાએ કોંગ્રેસના ઉમેદવારને જીતાડવાની અપીલ કરી હતી. રીવાબા અને તેની ભાભી નયનાબા જાડેજા વચ્ચેના સંબંધો ભૂતકાળમાં પણ વિવાદમાં રહ્યા છે. નયનાબા જાડેજા 2019માં કોંગ્રેસમાં જોડાયાં હતા. આ બેઠક પર નયનાબા જાડેજાએ રીવાબા સામે પ્રચાર કર્યો છે. નયનાબા જાડેજાના પિતા અનિરુદ્ધસિંહ જાડેજાએ પણ કોંગ્રેસ માટે પ્રચાર કર્યો હતો અને લોકોને રીવાબાને મત ન આપવા જણાવ્યું હતું. તેમની અપીલનો વીડિયો સોશિયલ મીડિયા પર વાયરલ થયો હતો. આ અંગે રીવાબાએ પોતાનો પ્રતિભાવ આપ્યો છે. ઉલ્લેખનીય છે કે, ચૂંટણી પ્રચાર દરમિયાન રિવાબાને તેમના પતિ રવિન્દ્રનું સંપૂર્ણ સમર્થન મળ્યું છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Gujarat Assembly Election 2022, Jamnagar News, રવિન્દ્ર જાડેજા, રિવાબા જાડેજા