Pathan Controversy: બજરંગ દળના કાર્યકરોએ પઠાણ ફિલ્મનો વિરોધ કર્યો, સિનેમાઘરના પોસ્ટર્સ ફાડી આગ ચાંપી

Home /News /jamnagar /Pathan Controversy: બજરંગ દળના કાર્યકરોએ પઠાણ ફિલ્મનો વિરોધ કર્યો, સિનેમાઘરના પોસ્ટર્સ ફાડી આગ ચાંપી

બજરંગ દળ દ્વારા પઠાણ ફિલ્મનો વિરોધ

જામનગરમાં પઠાણ ફિલ્મનો વિરોધ સિનેમાઘરો સુધી પહોંચ્યો છે. હિંદુ ધર્મની આસ્થાને ઠેસ પહોંચે તે પ્રકારના વસ્ત્રો સાથે આવી રહેલી પઠાણ ફિલ્મનો દેશભરમાં વિરોધ થઈ રહ્યો છે.

News18 Gujarati
Last Updated : December 18, 2022, 22:35 IST
Jamnagar, India

કિંજલ કારસરીયા, જામનગરઃ શહેરમાં પઠાણ ફિલ્મનો વિરોધ સિનેમાઘરો સુધી પહોંચ્યો છે. હિંદુ ધર્મની આસ્થાને ઠેસ પહોંચે તે પ્રકારના વસ્ત્રો સાથે આવી રહેલી પઠાણ ફિલ્મનો દેશભરમાં વિરોધ થઈ રહ્યો છે. ત્યારે જામનગરમાં વિશ્વ હિંદુ પરિષદ, બજરંગ દળ દ્વારા મેહુલ સિનેમેક્સ બહાર પઠાણ ફિલ્મના પોસ્ટર સાથે ઉગ્ર વિરોધ વ્યક્ત કરવામાં આવ્યો હતો.

ફિલ્મના પોસ્ટર્સ ફાડી આગ ચાંપી

બજરંગ દળના કાર્યકરોએ સિનેમાઘરની બહાર રસ્તા ઉપર ‘દીપિકા પાદુકોણ અને શાહરુખ ખાન હાય હાય’ના નારા લગાવી પોસ્ટરો ફાડી પોસ્ટરોને આગ ચાંપી હતી. આટલેથી જ આ વિરોધ ન સમતા બજરંગ દળના કાર્યકરોએ સિનેમા ગૃહમાં દોડી જઈ સંચાલકોને પઠાણ ફિલ્મ ન લગાડવા ચીમકી આપી હતી અને ફિલ્મ લગાડશે તો જોયા જેવી થશે તેવી પણ ધમકી આપી હતી.

આ પણ વાંચોઃ 'બૉયકૉટ પઠાણ' વચ્ચે 'બેશરમ રંગ'ને મળ્યા 41 મિલિયન વ્યૂઝ

કોણ કોણ વિરોધમાં જોડાયું?

જામનગરમાં વિશ્વ હિન્દુ પરિષદ બજરંગ દળ દ્વારા પઠાણ ફિલ્મના વિરોધ પ્રદર્શનમાં જામનગર ના બજરંગ દળ શહેર સંયોજક હિરેનભાઈ ગંઢા, શહેર સહ સંયોજક ભૈરવભાઈ ચાંદ્રા, વિશ્વ હિન્દુ પરિષદના પ્રચાર પ્રસાર વિભાગના સંયોજક કિંજલભાઈ કારસરીયા, બજરંગ દળના અર્જુનભાઈ ભદ્રા, મિલન કેન્દ્રના પ્રમુખ હિમાંશુભાઈ ગોસાઈ, પ્રખંડ સંયોજકો અભિજીતભાઈ તિવારી, ધવલભાઈ ગોરી સહિતના અગ્રણી કાર્યકરો જોડાયા હતા.