Home /News /ipl /

IPL 2022: યુઝવેન્દ્ર ચહલના મોઢા પર ટેપ લગાડી આખી રાત બાંધી રાખનાર જેમ્સ ફ્રેન્કલિન સામે થશે તપાસ

IPL 2022: યુઝવેન્દ્ર ચહલના મોઢા પર ટેપ લગાડી આખી રાત બાંધી રાખનાર જેમ્સ ફ્રેન્કલિન સામે થશે તપાસ

યુઝવેન્દ્ર ચહલને જેમ્સ ફ્રેન્કલિન અને એન્ડ્ર્યુ સાયમન્ડ્સે હોટલના રૂમમાં એકલો બાંધી દીધો હતો. (Yuzvendra Chahal Instagram)

રોયલ ચેલેન્જર્સ બેંગ્લોરના પોડકાસ્ટમાં ચહલે એવો પણ આક્ષેપ કર્યો હતો કે તે બંનેએ તેનું મોઢું ટેપથી બંધ કરી દીધું હતું અને તેને આખી રાત રૂમમાં એકલો છોડી દીધો હતો. જેમ્સ ફ્રેન્કલિન 2011 થી 2013 સુધી IPL ટીમ મુંબઈ ઈન્ડિયન્સનો ભાગ હતો.

વધુ જુઓ ...
    ડરહામ કાઉન્ટી (Durham County) ક્રિકેટ ક્લબે કહ્યું છે કે તે ભારતીય લેગ-સ્પિનર ​​યુઝવેન્દ્ર ચહલ (Yuzvendra Chahal) દ્વારા તેના મુખ્ય કોચ જેમ્સ ફ્રેન્કલિન (James Franklin) પર શારીરિક હુમલાના આરોપો અંગે ન્યૂઝીલેન્ડના ભૂતપૂર્વ ઝડપી બોલર સાથે ખાનગીમાં વાત કરશે. આ વર્ષની શરૂઆતમાં રોયલ ચેલેન્જર્સ બેંગ્લોરના પોડકાસ્ટમાં ચહલે 2011ની ઘટનાને યાદ કરી હતી. તે વર્ષના ચેમ્પિયન્સ લીગની ફાઈનલ જીતની ઉજવણી મુંબઈ ઈન્ડિયન્સના તેના સાથી ખેલાડીઓ ફ્રેન્કલિન અને એન્ડ્ર્યુ સાયમન્ડ્સે કરી ત્યારે કથિત રીતે તેને બાંધી દેવાયો હતો.

    ESPN Cricinfo અનુસાર, ડરહામે એક નિવેદનમાં જણાવ્યું હતું કે, “અમે 2011ની ઘટનાના તાજેતરના અહેવાલોથી વાકેફ છીએ જેમાં અમારા કોચિંગ સ્ટાફના સભ્યનું નામ આપવામાં આવ્યું છે. કાઉન્ટીના જણાવ્યા મુજબ, ક્લબ અમારા કર્મચારીઓને લગતી કોઈપણ સમસ્યાઓ અંગેના તથ્યોની ખાતરી કરવા માટે સંબંધિત પક્ષો સાથે ખાનગી રીતે જોડાશે.

    આ પણ વાંચો- પિતા ચલાવે છે સલૂનની દુકાન, દીકરાએ IPL 2022 માં કર્યો ધડાકો, આવી છે રાજસ્થાન રોયલ્સના નવા બોલરની કહાણી

    મોં પર ટેપ લગાવવામાં આવી હતી

    રોયલ ચેલેન્જર્સ બેંગ્લોરના પોડકાસ્ટમાં ચહલે એવો પણ આક્ષેપ કર્યો હતો કે તે બંનેએ તેનું મોઢું ટેપથી બંધ કરી દીધું હતું અને તેને આખી રાત રૂમમાં એકલો છોડી દીધો હતો. જેમ્સ ફ્રેન્કલિન 2011 થી 2013 સુધી IPL ટીમ મુંબઈ ઈન્ડિયન્સનો ભાગ હતો. તેને 2019ની શરૂઆતમાં ડરહામ કાઉન્ટીના કોચ તરીકે નિયુક્ત કરવામાં આવ્યો હતો.

    ફ્રેન્કલિન-સાયમન્ડ્સ નશામાં હતા

    યુઝવેન્દ્ર ચહલે વાતચીત દરમિયાન કહ્યું, 'આ 2011ની ઘટના છે જ્યારે મુંબઈ ઈન્ડિયન્સે ચેમ્પિયન્સ લીગ જીતી હતી. અમે ચેન્નાઈમાં હતા. એન્ડ્રુ સાયમન્ડ્સ ખૂબ જ ફળોનો રસ પીતા હતા. મને ખબર નથી કે તે શું વિચારી રહ્યો હતો પરંતુ તેણે અને જેમ્સ ફ્રેન્કલીને મારા હાથ-પગ બાંધ્યા અને કહ્યું કે હવે તમે તેને ખોલો. તે એટલો નશામાં હતો કે તેણે મારા મોઢા પર ટેપ ચોંટાડી દીધી હતી અને પાર્ટી દરમિયાન તે મારા વિશે સંપૂર્ણપણે ભૂલી ગયો હતો.

    આ પણ વાંચો- IPL 2022: ટીમ મેનેજમેન્ટનો મોટો ખુલાસો, આર અશ્વિને પોતે લીધો હતો રિટાયર આઉટ થવાનો નિર્ણય

    યુઝવેન્દ્ર ચહલના કહેવા પ્રમાણે, 'જેમ્સ ફ્રેન્કલિન અને એન્ડ્ર્યુ સાયમન્ડ્સ ત્યાંથી નીકળી ગયા હતા. સવારે એક રૂમ ક્લીનર આવ્યો અને મને જોયો હતો. આ દરમિયાન તેણે બીજા કેટલાક લોકોને બોલાવીને મને ખોલ્યો હતો. ચહલને એ વાતનો અફસોસ છે કે બંને ક્રિકેટરોએ આ શરમજનક કૃત્ય માટે ક્યારેય માફી માંગી નથી. ત્યાર બાદ એક નશામાં ધૂત ખેલાડીએ તેને હોટલના 15મા માળેથી નીચે લટકાવી દીધો હતો.
    Published by:rakesh parmar
    First published:

    Tags: Indian premier league, IPL 2022, IPL Latest News, Yuzvendra chahal, આઇપીએલ

    આગામી સમાચાર