શું રાહુલ દ્રવિડ ભાજપના કાર્યક્રમમાં હાજરી આપશે? આનો જવાબ ખુદ ટીમ ઈન્ડિયાના કોચે આપ્યો

ભારતીય ક્રિકેટ ટીમના મુખ્ય કોચ રાહુલ દ્રવિડે (Rahul dravid) મંગળવારે મીડિયા અહેવાલોને નકારી કાઢ્યા જેમાં દાવો કરવામાં આવ્યો હતો કે તે ધર્મશાલામાં ભારતીય જનતા પાર્ટી (BJP) યુવા મોરચાની રાષ્ટ્રીય કાર્ય સમિતિના સત્ર (bjp event in himachal)માં તેઓ હાજરી આપશે.

દ્રવિડે ANIને કહ્યું, "મીડિયાના એક વિભાગે અહેવાલ આપ્યો છે કે હું હિમાચલ પ્રદેશમાં 12 થી 15 મે દરમિયાન એક મીટિંગમાં હાજરી આપીશ. હું સ્પષ્ટ કરવા માંગુ છું કે આ રિપોર્ટ ખોટો છે. ધર્મશાળાના ભાજપના ધારાસભ્ય વિશાલ નેહરિયાએ દાવો કર્યો હતો કે દ્રવિડ 12 મે થી 15 મે સુધી ધર્મશાલામાં યોજાનારી ભારતીય જનતા પાર્ટી (BJP) યુવા મોરચાની રાષ્ટ્રીય કાર્ય સમિતિના સત્રમાં ભાગ લેશે.

12 થી 15 મે દરમિયાન ધર્મશાળામાં ભાજપનો કાર્યક્રમ

નેહરિયાએ કહ્યું હતું કે, “ભાજપ યુવા મોરચાની રાષ્ટ્રીય કાર્ય સમિતિનું સત્ર ધર્મશાળામાં 12 થી 15 મે દરમિયાન યોજાશે. આ કાર્યક્રમમાં ભાજપનું રાષ્ટ્રીય નેતૃત્વ અને હિમાચલ પ્રદેશના તમામ અગ્રણી નેતાઓ ભાગ લેશે. ભાજપના રાષ્ટ્રીય અધ્યક્ષ જેપી નડ્ડા, રાષ્ટ્રીય સંગઠન મંત્રી અને કેન્દ્રીય મંત્રી પણ સત્રમાં ભાગ લેશે.

આ પણ વાંચો- રાજકોટ : જાહેરમાં યુવતીની છેડતીનો CCTV Video,રાહદારીઓએ લુખ્ખાતત્વને ઢીબી નાખ્યો

ભાજપના ધારાસભ્યએ દાવો કર્યો હતો

નેહરિયાએ દાવો કર્યો હતો કે આ કાર્યક્રમમાં દ્રવિડની હાજરી યુવાનોને વિવિધ ક્ષેત્રોમાં શ્રેષ્ઠ દેખાવ કરવાનો સંદેશ આપશે. તેમણે કહ્યું, “ભારતીય ક્રિકેટર રાહુલ દ્રવિડ પણ તેમાં ભાગ લેશે. તેમની સફળતા યુવાનોને સંદેશ આપશે કે આપણે માત્ર રાજકારણમાં જ નહીં પરંતુ અન્ય ક્ષેત્રોમાં પણ આગળ વધી શકીએ છીએ.

આ પણ વાંચો- LSG vs GT: લખનૌ કે ગુજરાત... કોણ રચશે ઈતિહાસ, જાણો IPLમાં શા માટે થાય છે ક્વોલિફાયર-એલિમિનેટર મેચ

હિમાચલમાં આ વર્ષે વિધાનસભાની ચૂંટણી યોજાવાની છે

આ સમાચાર એવા સમયે આવ્યા છે જ્યારે હિમાચલ પ્રદેશમાં આ વર્ષે વિધાનસભા ચૂંટણી યોજાવાની છે. 2017ની વિધાનસભા ચૂંટણીના પરિણામોમાં ભાજપે 44 બેઠકો જીતી હતી - 35માંથી અડધાથી વધુ - જ્યારે વર્તમાન કોંગ્રેસને કુલ 68 વિધાનસભા બેઠકોમાંથી 21 અને અન્યને ત્રણ બેઠકો મળી હતી.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Bjp government, BJP Himachal, Himachal News, Team india