IPL 2022: ગુજરાત ટાઇટન્સના આ ખેલાડીના સહેવાગે કર્યા વખાણ, કહ્યું- તે એક ક્રાંતિ છે... સામેની ટીમમાં અશાંતિ છે

ભારતીય ક્રિકેટ ટીમના ભૂતપૂર્વ વિસ્ફોટક ઓપનર વીરેન્દ્ર સેહવાગે (Virendra Sehwag) IPL ફ્રેન્ચાઇઝી ગુજરાત ટાઇટન્સ (Gujarat Titans)ના ઓલરાઉન્ડર ખેલાડી રાહુલ તેવટિયાના વખાણ કર્યા છે. તેવટિયા (Rahul Tewatia)ના છેલ્લી ઓવરમાં 24 બોલમાં અણનમ 40 રનની ઇનિંગના કારણેં ગુજરાત ટાઇટન્સે આઇપીએલ (IPL 2022)ની 15 સિઝનની ચોથી મેચમાં લખનૌ સુપર જાયન્ટ્સને (Lucknow Super Giants) 5 વિકેટે પરાજય આપ્યો હતો.

પ્રથમ બેટિંગ કરતા કેએલ રાહુલ (KL Rahul)ની કેપ્ટન્સીમાં લખનૌએ 5 વિકેટે 158 રન બનાવ્યા હતા. 159 રનના લક્ષ્યાંકનો પીછો કરતા હાર્દિક પંડ્યાની આગેવાની હેઠળની ગુજરાત ટાઇટન્સ ટીમે 2 બોલ બાકી રહેતા 5 વિકેટે 161 રન બનાવીને મેચ પર કબજો જમાવ્યો હતો.

'મુલતાનનો સુલતાન' એટલે કે સેહવાગે પોતાના ઓફિશિયલ ટ્વિટર હેન્ડલ પર લખ્યું, 'તેવટિયા એક ક્રાંતિ છે, સામેની ટીમમાં અશાંતિ છે. લોર્ડ તેવટિયા કી જય હો.' સેહવાગ અહીં જ ન અટક્યા, તેમણે યુવા બેટ્સમેન આયુષ બદોની અને અભિનવ મનોહરના કૌશલ્યોની પણ પ્રશંસા કરી હતી, ગુજરાત ટાઇટન્સની જીતને શાનદાર જીત ગણાવી હતી. રાહુલ તેવટિયા, ડેવિડ મિલર અને અભિનવ મનોહરના બળ પર ગુજરાતે લખનૌ સુપર જાયન્ટ્સના જડબામાંથી જીત છીનવી લીધી હતી.



આ પણ વાંચો- વન રક્ષકની પરીક્ષા 12થી 2 દરમિયાન હતી, 1.15 કલાકે સોશિયલ મીડિયામાં ફરતું હતું: યુવરાજસિંહ

ગુજરાતને છેલ્લી ઓવરમાં ડેવિડ મિલર (30) અને નવોદિત અભિનવ મનોહર (અણનમ 15)નો સારો સાથ મળ્યો કારણ કે છેલ્લી 5 ઓવરમાં 70 રન બનાવીને ટીમે મેચ જીતી લીધી હતી. તેવટિયાને IPL 2022 મેગા ઓક્શનમાં ગુજરાત ટાઇટન્સે રૂ. 9 કરોડમાં સામેલ કર્યો હતો. તેવટિયાએ તેની મેચ વિનિંગ ઇનિંગ્સમાં 5 ચોગ્ગા અને 2 છગ્ગા ફટકાર્યા હતા. જ્યારે મિલરે 21 બોલની ઈનિંગમાં 2 છગ્ગા અને 1 ચોગ્ગો ફટકાર્યો હતો. બંનેએ 60 રનની પાર્ટનરશિપ કરીને મેચને ગુજરાત તરફ ફેરવી દીધી હતી. મનોહરે 7 બોલમાં અણનમ ઈનિંગમાં ત્રણ શાનદાર ચોગ્ગા ફટકાર્યા હતા.

આ પણ વાંચો- Gujarat Election 2022: ગુજરાત ચૂંટણીમાં BJPને કોંગ્રેસ-આપથી ડર? મુખ્યમંત્રી પટેલે કહ્યુ, 'અમારી જીત નિશ્ચિત'

આ અગાઉ નવોદિત આયુષ બદોની (54) અને ઓલરાઉન્ડર દીપક હુડા (55)ની અડધી સદીની ઇનિંગ્સ અને બંને વચ્ચે 5મી વિકેટ માટે 87 રનની શાનદાર ભાગીદારીના આધારે લખનૌએ પડકારજનક સ્કોર બનાવ્યો હતો. હુડ્ડાએ તેની 41 બોલની ઇનિંગમાં 2 છગ્ગા અને 6 ચોગ્ગા ફટકાર્યા હતા, જ્યારે બદોનીએ તે જ બોલની તેની ઇનિંગમાં 3 છગ્ગા અને 4 ચોગ્ગા ફટકાર્યા હતા. બંને ટીમો પહેલીવાર IPLમાં રમી રહી છે. ગુજરાત તેની બીજી મેચમાં 2 એપ્રિલે દિલ્હી કેપિટલ્સ સામે ટકરાશે, જ્યારે લખનૌ સુપર જાયન્ટ્સ 31 માર્ચે ડિફેન્ડિંગ ચેમ્પિયન ચેન્નાઈ સુપર કિંગ્સ સામે ટકરાશે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Indian premier league, IPL 2022, IPL Latest News, Virendra sehwag, આઇપીએલ