Home /News /ipl /

IPL 2022: રોહિત શર્માએ આઇપીએલ-2022માં આ ખાસ રેકોર્ડ પોતાના નામે કર્યો, હવે કરશે ધોનીની બરાબરી

IPL 2022: રોહિત શર્માએ આઇપીએલ-2022માં આ ખાસ રેકોર્ડ પોતાના નામે કર્યો, હવે કરશે ધોનીની બરાબરી

રોહિત શર્મા હવે ટીમ ઈન્ડિયા (Team India)ની સાથે મુંબઈ ઈન્ડિયન્સનો પણ કેપ્ટન છે. (ફોટો - IPL 2022, ટ્વીટર)

Rohit Sharma Record: રોહિત શર્માએ દિલ્હી કેપિટલ્સ સામે ધમાકેદાર શરૂઆત કરી હતી. રોહિતે ચોગ્ગા સાથે પોતાનું ખાતું ખોલાવ્યું હતું ત્યારબાદ તેણે પહેલી જ ઓવરમાં સિક્સર પણ ફટકારી હતી.

    રવિવારે દિલ્હી કેપિટલ્સ (Delhi Capitals) સામે રમાયેલી મેચમાં મુંબઈ ઈન્ડિયન્સ (Mumbai Indians)ના કેપ્ટન રોહિત શર્મા (Rohit Sharma)એ એક ખાસ રેકોર્ડ પોતાના નામે કર્યો છે. ઈન્ડિયન પ્રીમિયર લીગ 2022 (IPL 2022)માં આ પ્રથમ મેચ હતી જે દિવસ દરમિયાન રમાઈ હતી. મુંબઈ ઈન્ડિયન્સ (MI)નો કેપ્ટન રોહિત શર્મા હવે આઈપીએલમાં સૌથી વધુ મેચ રમનારા ખેલાડીઓની યાદીમાં બીજા નંબરે પહોંચી ગયો છે.

    આઈપીએલમાં સૌથી વધુ મેચ
    1. મહેન્દ્ર સિંહ ધોની - 221 મેચ
    2. રોહિત શર્મા - 214 મેચ
    3. દિનેશ કાર્તિક - 213 મેચ
    4. વિરાટ કોહલી - 207



    રોહિત શર્મા હવે ટીમ ઈન્ડિયા (Team India)ની સાથે મુંબઈ ઈન્ડિયન્સનો પણ કેપ્ટન છે. તાજેતરમાં જ રોહિત શર્માને ત્રણેય ફોર્મેટની ટીમ ઇન્ડિયાની કેપ્ટનશીપ મળી છે. અહીં તે IPLનો સૌથી સફળ કેપ્ટન છે જેણે પાંચ IPL ટ્રોફી જીતી છે. વર્તમાન IPLમાં રોહિત શર્મા એકમાત્ર એવો કેપ્ટન છે જેણે ટ્રોફી જીતી છે.

    આ પણ વાંચો- IPL 2022: CSK કોચનો મોટો ખુલાસો, MS ધોનીએ ગત સિઝનમાં કેપ્ટનશિપ છોડવાની વાત કરી હતી

    રોહિત શર્માનો IPL રેકોર્ડ

    214 મેચ, 5624 રન, 31.24 એવરેજ, 1 સદી

    રોહિત શર્માએ દિલ્હી કેપિટલ્સ સામે ધમાકેદાર શરૂઆત કરી હતી. રોહિતે ચોગ્ગા સાથે પોતાનું ખાતું ખોલાવ્યું હતું ત્યારબાદ તેણે પહેલી જ ઓવરમાં સિક્સર પણ ફટકારી હતી. રોહિતે ઈશાન કિશન સાથે મળીને તેની ટીમને ઝડપી શરૂઆત અપાવી હતી. રોહિત શર્માએ પોતાની ઈનિંગમાં 51 રન બનાવ્યા હતા. 32 બોલની આ ઈનિંગમાં મુંબઈના કેપ્ટને 4 ફોર અને 2 સિક્સર ફટકારી હતી.
    Published by:rakesh parmar
    First published:

    Tags: Indian premier league, IPL 2022, IPL Live Score, Mumbai indians, Rohit sharma record, આઇપીએલ

    આગામી સમાચાર