Home /News /ipl /

IPL 2022, RR vs GT: વિરાટ અને રોહિતને આઉટ કરવાના સપના સાથે IPLમાં પ્રવેશ્યો આ ખેલાડી

IPL 2022, RR vs GT: વિરાટ અને રોહિતને આઉટ કરવાના સપના સાથે IPLમાં પ્રવેશ્યો આ ખેલાડી

IPL 2022: યશ દયાલ IPLમાં પદાર્પણ કરી રહ્યો છે. (યશ દયાલ ઇન્સ્ટાગ્રામ)

IPL 2022: યશ દયાલના પિતા ચંદ્રપાલ દયાલ પણ ક્રિકેટર રહી ચૂક્યા છે. 2018માં તેને ઉત્તર પ્રદેશની અંડર-23 ટીમમાં જગ્યા મળી હતી. આવી સ્થિતિમાં તે હવે IPLમાં સારું પ્રદર્શન કરવા માંગશે. તેણે 5 વર્ષની ઉંમરે ક્રિકેટ રમવાનું શરૂ કર્યું હતું. પિતા ચંદ્રપાલ તેના પ્રથમ કોચ હતા. તેણે અત્યાર સુધીમાં 14 ફર્સ્ટ ક્લાસ મેચ રમી છે અને 50 વિકેટ લીધી છે. તેનું સર્વશ્રેષ્ઠ પ્રદર્શન 48 રનમાં 5 વિકેટ છે.

વધુ જુઓ ...
    યશ દયાલ (Yash Dayal) આઈપીએલમાં પદાર્પણ કરવા જઈ રહ્યો છે. IPL 2022ની એક મેચમાં ગુજરાત ટાઇટન્સે આ ડાબા હાથના ફાસ્ટ બોલરને તક આપી છે. મેચમાં (RR vs GT) રાજસ્થાન રોયલ્સના કેપ્ટન સંજુ સેમસને ટોસ જીતીને બોલિંગ કરવાનો નિર્ણય લીધો છે. હાર્દિક પંડ્યા (Hardik Pandya)ની આગેવાની હેઠળની ગુજરાતની ટીમ પ્રથમ બેટિંગ કરી રહી છે. બંને ટીમોએ અત્યાર સુધી 4-4 મેચ રમી છે અને 3-3 મેચ જીતી છે. રાજસ્થાનની ટીમ અત્યારે ટોપ પર છે જ્યારે ગુજરાત 5માં સ્થાને છે. જો ગુજરાતની ટીમ આ મેચ જીતશે તો તે ટોપ પર પહોંચી જશે.

    24 વર્ષીય યશ દયાલનો જન્મ ઉત્તર પ્રદેશના પ્રયાગરાજમાં થયો હતો. ગુજરાતની ટીમમાં પસંદગી થયા બાદ તેણે કહ્યું કે તે વિરાટ કોહલી અને રોહિત શર્માને આઉટ કરવા માંગે છે. જ્યારે હું સ્થાનિક ક્રિકેટ રમતો હતો ત્યારે મને લાગતું હતું કે હું 135 કિમી પ્રતિ કલાકની ઝડપે બોલિંગ કરી રહ્યો છું. વિજય હજારે ODI ટૂર્નામેન્ટ દરમિયાન મને ખબર પડી કે હું 140ની સ્પીડથી બોલિંગ કરી રહ્યો છું. હું 150 કિમી પ્રતિ કલાકની ઝડપે પહોંચવા માંગુ છું.

    આ પણ વાંચો- IPL 2022: આ ક્રિકેટર 6 દિવસમાં ઝીરોમાંથી બન્યો હીરો, એક ઓવરમાં 3 વિકેટ લીધી અને મુંબઈને હરાવ્યું

    પિતા પણ ક્રિકેટર રહી ચૂક્યા છે

    યશ દયાલના પિતા ચંદ્રપાલ દયાલ પણ ક્રિકેટર રહી ચૂક્યા છે. 2018માં તેને ઉત્તર પ્રદેશની અંડર-23 ટીમમાં જગ્યા મળી હતી. આવી સ્થિતિમાં તે હવે IPLમાં સારું પ્રદર્શન કરવા માંગશે. તેણે 5 વર્ષની ઉંમરે ક્રિકેટ રમવાનું શરૂ કર્યું હતું. પિતા ચંદ્રપાલ તેના પ્રથમ કોચ હતા. તેણે અત્યાર સુધીમાં 14 ફર્સ્ટ ક્લાસ મેચ રમી છે અને 50 વિકેટ લીધી છે. તેનું સર્વશ્રેષ્ઠ પ્રદર્શન 48 રનમાં 5 વિકેટ છે. તેણે 17ની એવરેજથી 157 રન પણ બનાવ્યા છે. તેણે વિજય હજારે ટૂર્નામેન્ટમાં શાનદાર પ્રદર્શન કરીને સૌનું ધ્યાન પોતાના તરફ ખેંચ્યું હતું.

    આ પણ વાંચો- IPL 2022: કુલદીપ સેનની બોલિંગ એક્શન સુધારવા કોચે 4 વર્ષ લગાવ્યા, પિતાની માર પણ ખાવી પડી

    લિસ્ટ-એ ક્રિકેટની વાત કરીએ તો યશ દયાલે 14 મેચમાં 23 વિકેટ ઝડપી હતી. તેનું સર્વશ્રેષ્ઠ પ્રદર્શન 31 રનમાં 5 વિકેટ રહ્યું છે. તેણે 15 ટી-20માં 15 વિકેટ ઝડપી છે. તેનું સર્વશ્રેષ્ઠ પ્રદર્શન 11 રનમાં 2 વિકેટ છે. તેની મૂળ કિંમત 20 લાખ રૂપિયા હતી, પરંતુ ગુજરાતે તેને 3 કરોડ 20 લાખ રૂપિયામાં ખરીદ્યો હતો. આ પરથી તેનું મહત્વ સમજી શકાય છે.
    Published by:rakesh parmar
    First published:

    Tags: Gujarat titans, IPL 2022, IPL Latest News, આઇપીએલ

    આગામી સમાચાર